ابي حل !!! ((الخيانه))

اختي عليكي بالصبر والمسايسة يعني لا تروحي بغضب تكلمي زوجك ولا تبيني له انك مضايقة ولا عارفة بتصرفاته ... وبنفس الوقت اياك والسكوت لان الخيانة حررررام وانتي ما لك ذنب توك متزوجة ويخونك شنو هذا ! والله حرام .
بس والله اعلم اختي اتوقع ان زوجك كان قبل الزواج هذه هي تصرفاته يعني يكلم ويصاحب بنات والله اعلم .
المهم خلك ذكية وتصرفي بحكمة وذكاء يعني يوم اللي تروحي عند اهلك مثلا اذا كنتي تسوقي سوي نفسك ناسية شئ وارجعي شقتك مثلا أو عادي استاذنيه تكلمي اهلك من جواله وفجاة تكتشفين امر هالمسجات وهكذا من حيل النساء ،،،، يعني لازم تتاكدين من انه يكلم بنات ممكن انك مجرد يراودك هذا الشك .
لا تسكتي عن حقك واللي ما يقدرك ويروح للحرام ما يستاهلك وهذا لسه ببداية الزواج فلازم تنقذين نفسك وما تسكتين ولو تطلب الامر باخبار اهلك !

وطمنينا عليك اختي

يا هلا والله جان زين كنت اتمنى انه هالشي شعور يراودني بس انا متأكده لان المسج واضح وضـــــوح الشمس انه كان يطلب من وحده يروح معاها شقتها بعد !!!! حسبي الله ونعم الوكيل

شكرا على المرور واتمنى التفاعل مع موضوعي

اهلا بك اختي....
فعلا خيانه واصعب خيانه الخيانة الزوجيه ..حمانا الله..
اولا,,,ابعدي عنك العاطفه في هذه القضيه وحكمي عقلك وقدميه
انتي ارتكبتي خطا في بداية الاختيار لشريك الحياة ...؟؟ فلم تحسني الاختيار البته....
اذن انتي العضو الناجيه او الضحيه الغارقه...
ياحبيبه... اذا كنتي فعلا قريتي رساله من احد& القذرات &فعليك ان تاخذي هذة الارقام وتتصلي
عليها اذا بنات فالامر لايسكت عنه .؟ثم اسالي زوجك عن هذه الارقام اذا بدء يتلخبط قولي
كل هذولي البنات اعرفهم...///
قولي ليش الخيانه ترضى ان اكلم احد من وراك.... وانا انسانه اخاف الله ابي بيت سعيد
واطفال نبي نكون اسعد زوجين
هذا زوجك وابو عيالك لايلعب فيك ويكذب عليك
//الا الخيانه ينعاف معنى الحب///
لاتسكتين عن الموضوووووع... انتبهي يدبر الاوامر من وراك

..دعواتك

انتي ماتبين تكلمينه ولا تتفاهمين معاه عن هالشي اللي شفتينه معناتها انتي راضيه باللي يسويه

اتقولين مجروحه طيب ليش ماكلمتينه من اول ماشفتين المسجات خايفه على الثقه هو خان الثقه وانتي خايفه ان ماتكون بينكم ثقه اشلون اتصير

كل شي ولا الخيانة واللي يحب مستحيل يخون

الله يهديكم

انا بعد اضن ان هالشي وياه من قبل الزواج... بتقولين ليش تزوج دامه هو هالشكل؟ في اسباب كثيرة
1. يبي يتغير، بس مافي شي يتغير فجأة يعني يبيله وقت الين ما يترك الفساد، وخاصة لو ساعدتيه انتي على هالشي
2. يبي يفوشر بزوجته، لان هذي حركات اصحاب العلاقات، صديقته عريانة، وزوجته مستورة...
3. اهله اجبروه على الزواج لواحد من الاسباب، اما انه كبر وصار بسن زواج ويبون بسرعة يزوجونه، او ان يعرفون سوالفه وطلعاته قالو نزوجه علشان يعقل

الحين انتي تزوجتي الريال وتم الامر، شلون تتصرفين؟
1. لا تصارحينه بالموضوع، ولا تقولين له انج اكتشفتي خيانته، تحملي، لان الاحترام بينهدم من بينكم
2. تمي تراقبينه وتحملي يصيدج، بس لازم تعرفين كلللللللللل تحركاته ومع من يطلع
3. حاولي تعلقين قلبه فيج، الريال يحب المرة اللي تهتم بشكلها بزيادة، بس مو اللي تهتم بنفسها وتكشخ وفي الاخير تقط نفسها عليه قط، او انها حناااااااانة ما عندها الا الشكاوي، او انها ما تهتم بمواعيد نومه واكله وصرفه ووو
يعني اول شي عليج الاهتمام بنفسج اكثر، بس لا تبينين له ان هالشي له، يعني ان هالشي لنفسج، تفنني في الطبخ والتقديم، اصري انه يكون موجود وقت الاكل، وان رفض ياكل في البيت لا تجبرينه، اهتمي بالبيت، بزينته، بريحته، بدوءه،،،
4. واهم شيييييي تعلمي فنون الغزل... وهذي ما اقدر اقولها عالعام، اذا تبينها عالخاص حبيبتي :)

اعيد واكرر، لا تصارحينه انج تعرفين بخيانته، لكن من بين المناقشات والمواضيع الي تضيع الوقت اذكري قصص الخيانة، وترى انا اسوي هالشي كثييييير مع زوجي، يعني اقول له قصة وحدة مثلا في المنتدى، واقول له شرايك؟ مو مسكينة؟ انا اقترحت عليها كذا وكذا، وطبعا هو يبدي راية بالموضوع ومن سالفة لسالفة وكلها عن الخيانة، اذا شفتيه ياخذ ويعطي وياج ويجيب سوالف كثيرة هذا واحد من الاثنين، اما انه ما يخونج، او انه فنان في الكذب فعادي عنده يمثل عليه الطيبة وانه المسكين اللي ما يسوي شي العفيف الطاهر... واذا ما تجاوب وياج وانتي تقولين السالفة وحاول يصكها باي طريقة فهذا يخونج ويخاف انج تدرين، وممكن كثرة كلامج عن هالقصص يحسسه بالخوف انج تصيدينه، فيحاول يبتعد عن هالسوالف، وطبعا حزتها يخاف انه يخسر زوجة مهتمه باكله، بلبسه، ببيته، واذا خسرها يخسر حياته...
اسفة اني طولت عليج،،، لكن نصيحة أخيرة، حاولي ما تحملين في هالفترة الين تحسين ان الاوضاع مستقرة وياج...
والله يخلي لج زوجج ويبعد عنه بنات الحرام ويهديه عاجلا غير آجلا...

انا كلمت وحده وقالتلي انه الرياييل يحبون التغيير

شنووو سياارة وبيغيروونهـ
نصيحه مافي أحسن من المصاارحة
بين الزوووجين.. بدوون مشااداات

والله يكوون بعونج حبيبتيــــ

اختي العزيزه
اعانك الله ومسح على قلبك والهمك الصبر
شي مو سهل انج تكتشفين ان زوجك يخونج
الله يعين ان شاءالله
لاتصارحينه ولا تكلمينه

لانج ان صارحتيه يمكن يتمادى ويصير يلعب على كيفه على المكشوف
سكتي وادعي ربك ليل ونهار واقيمي الليل بان الله يهديه ويصلحه لك

في ادعيه كثيره ابحثي عنها في الانترنت ادعيه صادقه نابعه من القلب بان الله يهديه ويجعله من الصالحين وان يسخره ويجعله زوجا صادقا محبا لك

كل شي في يد الله سبحانه وتعالى الهدايه عند الله فعليك بالدعاء وان شاءالله سوف ترين الاجابه الحين او بعد حين

وادعي الله ان يبعد عنه اصدقاء السوء لانهم هم السبب الاول والرئيسي في انحراف الرجل لانه هناك تقليد وبعد عن الله


تجملي له دائما ، اجذبيه اليك ، اعملي ليالي رومانسيه

انا لا اقول لك بانك مقصره لا والف لا ولكن زيدي كل ماتقديمنه له
وان شاءالله الله يصده ويبعده عن كل ماهو حرام



دمتم سالمين
اختكم شريفة

الله يهداااه يارب بصراحه اللي يحب ما يخون
واللي يخون مره يخون 10 مرات
والرياييل الخيانه تسري في دمهم
شوفي حبيبتي مالج غير الدعاء الله يهدي ريلج

مرحبا اختي ..

ماشاء الله تبارك الله البنات كفو ووفو ..وشوفي الرأي الي ترتاحين له .. واقرب حق قلبج ويناسب حياتج الزوجيه طبقيه ..

اختي مرموم قالت لي مره .. وانا عندي قناعه بالكلمه هذي .. ان لكل زوجه تعرف طريق زوجها .. وبالنهايه هي الي تحل مشكلتها بنفسها .. بغض النظر عن الاسلوب والطريقه ....

الشغله الثانيه اختي ... انا بقولج لوانا مكانج شبسوي .. لاني بصراحه احس بعدواه مع الخيانه .. وصعب يكون عندي بروداعصابك,,,

اختي لو اقولج طنشي اطلع جذابه ..لكن الي ابي اقوله لج ... تجاهلي الموضوع .. شوي وراقبيه من فتره .... لين فتره لو حسيتي زوجك للحين .. مواصل ..

اختاري وقت مناسب وقعدي معاه ... وقولي له :

(( شوف ياولد الناس انت عطيتني الثقه وانا عطيتك الثقه .. واخذتك وعيوني مغمضه ... للأسف انت خنتي شلون عرفت شلون صار .. معتقد هالشي مهم .. بس ماتوقعت انك للحين تخوني ..

سبب خيانتك انا ما ابي اعرفه .. الي ابيك تسويه .. انك تنهي خياناتك بسرعه قبل لا تنهي حياتك الزوجيه معاي .. احنا ازواج وفاهمين بعض وانت الحمدالله مب مقصر علي وانا بعد .. خيانتك اجرحتني .. وما تدري شكثر .. اعتقد احنا كبار وفاهمين .. مدى الخيانه الي وصلت لها معاهم .. اتمنى مب اكبر من الفراش .. ابيك تخاف علي مثل ما تخاف على نفسك ... قولي له هذي احناتونا ماشاء الله ماكملنا سبع شهور .. باجر لين علينا ما بتصبر الا صاكني فوق راسي بحرمهم ثانيه ...... انا مابقولك شبتقول الناس عني لان ما يهمني كلام الناس كثر ما يهمني انك ما تطيح من عيني ... وابي اقولك شغله الحرمه تقدر تخون حالها حال الريال .. ))

بغض النظر عن رده فعله .. شلون وكيف وهكذا ... اذا استمر اختي بالخيانه .. بعدها .. كلمي احد كبير يتدخل بينكم لو تحسين ان هالشي بيحل المشكله ..

الي ضايقني صج .. انج خايفه على مشاعره لمن تواجهينه بالخيانه ... ياسلام ماشوفه خاف على مشارعرج .. يوم يخونج .. اختي المره قلبها دليلها وصدقيني لو كنتي واثقه بزوجج مستحيل تلمسين النقال وتشوفينه ... بس اكيد مليون بالمئه ان قلبج قارصج .. مب دايما السكوت .. صح .. لان ممكن يظن انج نايمه على اذونج وان .. اللعب ماشي صح ..

الله يصلح الحال اختي ..

ام جنى

الله يعطيكم العافيه خواتي .. صج صج ردودكم اثلجت صدري حسيت ان في احد حاس فيني مقدرة شعور كل وحده فيكم


ام عبدالله انا ناطرتج على الخاص .. نستفيد منج

يا بنات افهموني .. اللي قالوا عني راضية لا انا مو راضية بالعكس بس كل وحده ما تعرف ردة فعل الريال شلون بتكون لان هالموضوع ما يبيله استهتار لانه اخرة هالموضوع لا سمح الله اذا ماكن في تفاهم الطلاق وترا كلنا ندري ان كلمة (( مطلقه )) محد يقبلها حتى صاحبة الشأن انا اللي مخليني صابرة عندي احساس ان في مجال للتغيير وهم اللي مخليني صابرة انه كل شي في زين بس هالشي اهوا اللي صدمني ولا حسسني بهالشعور لكن الصدفه اهيا اللي خلتني اكتشف هالشي... انا كنت محتارة ومتلخبطة صليت استخارة وحسيت انه سكوتي اهوا افضل سكوت مو طناش ... والله يعيني ان شاء الله ...

صج صج صج ما اتمنى اي وحده تكون بموقفي هذا لان صج يجرح ..

الله يهديه ..


وشكرا

الحل صارحيه بقوة سمعت بقوة وليس بكى وزعل لالالالا خليه يعلم بانك قويه وتغارى ولك هيبة وكرامه يعنى شنوا خيانة وهدد اذا حسيت بالخيانه مرة ثانيه ستكوووووووون العواقب كبيرة اختى حبيبتى صرخى بقوة هاجميى خليه يضع لك هيبة وليس خيبه وكيفك عاد

[GRADE="00BFFF FF1493 008080 FF6347 D2691E"]ابصراحه الله يكون في عوووووووووووووووووووووووووووووووونج

شوفي حبيبتي مثل هذي الامور لازم تاخذينها وتحليها بحذر وبحكمه حاولي ما تتسرع في قراراتج وخليج ذكيه.\

يعني مثلا حاولي اتيلسي معاه جلسات نقاش وحوار وتكلمي مثلا عن موضوع الخيانات وحاولي اتألفيله قصص خيانات عن وحده من ربيعاتج وكيف كانت ردت فعلها (مثلا) وطبعا هو بيسألج عن موقفج وشو بتكون ردت فعلج.

بعد هذي الجلسات بتشوفيه هو اصلا تغيرت ملامحه وبيحاول يسكر الموضوع .

حاولي انج اتراقبيه لاتتهجميه دائما لان الريال بطبعه مايحب يكون صغير في عين حرمته ولو عرف انج انتي تعرفين بالموضوع بيحاول انه يكون اكثر حذرا من قبل وبيبينلج انه هو خلاص وقف عن هذي النزوات وتردين توثقين فيه مثل الاول. ولكن لو بينتيله انج انتي ماتعرفين شي وتحاولي اتحلي الموضوع بأنج اتراقبيه وتعرفي كل صغيره وكبيره عنه وتجذبيه لج أكثر من قبل بتشوفيه اذا هو صدق يحبج انه يحاول يغير من نفسه للاحسن .

أذا حصلتي انه مافي فايده هذاك الوقت صارحيه بس لا تكلميه وجه بوجه لا كتبيله رساله وخليها في اي مكان يقدر ايشوفها مع شريط ديني يتكلم عن الزنا والمحرمات.

اتمنى اني افيدج ولو بالشي البسيط ولا تنسين تذكرين الله وتتوكلين على ربج وهو القادر على كل شي والله يصلح بالكم.[/GRADE]:poster_war:

الله يعينج

انا مع اختي نور
الله يعينك يا قلبي

يعطيكم العافيه حبيباتي ردكم يجبر الخاطر ..

مر علي اسبوع صعب بس يعدي لاني قاعد اتصرف بحذر و قاعد احاول اجذبه لي

بس اطلبكم طلب خواتي ... الدعـــــــــــــــــــــاء ابيكم تدعولي انه الله يفرج همي

ومشكورين

ربي يفرج همج ويبعد عن زوجج بنات الحـرام
ويصب حبج في قلب زوجج صبــاً
شهر البركة .. شهر رمضان على الأبواب اغتنمي فرصة الدعــاء تراه شهر مايرد فيه سائل .. وأبواب السماء مفتوحة ,, وادعي له بأوقات السحــر الله يهديه ويجملج فيه عينــه ويبعد عنه البنات ..

الله يوفقج وياه ويهديه ويسعدكم