تبغين زوجج ما يقول لج ابغي اتزوج عليج

تبغين زوجج ما يقول لج ابغي اتزوج عليج با قول لج اشلون (u)


لي صديقة جميله و خلوقه و تخاف الله متزوجه و عندها بنت وولد في غاية الجمال ,

كان زوجها دايما يقول لها ابغي اتزوج وحده ما تكفيني وانت مشغوله بالعيال , مرات يكون يمزح و مرات يكون جاد

بس صديقتي ما كانت تتحمل هذا الكلام لانه صار بشكل يومي يقول لها

فجات لها فكرة

جابت ورقه و قلم و كتبت رساله لزوجها تقول له فيه

زوجي العزيز (u)

انا فكرت وايد قبل ما اخذ القرار

انا قررت ان انفصل منك لانك ما تقدر تشبعني من الناحيه الجنسية
واتمنى انك تفهم الموضوع وان تطلقني
واتمنى ان اتزوج شخص آخرر يقدر يسعدني و اتمنى لك ان تتزوج اللي تتمناها و تسعد معها ...... يتبع

و خلت الرساله على السرير في غرفة النوم على مخدته , و الزوج فتح الرساله و قراه

اللي صار ان زوجها انهارت قواه و طاح على الارض واغمى عليه و بعدين صار يقول قلبي قلبي
الزوجه قالت له انا كتبت يتبع اقلب الورقه واكمل الرسالة

و كانت كاتبه خلف الرسالة هذا هو شعوري يوم تقول لي راح اتزوج عليج

ومن ساعتها صار ما يجيب طاري الزواج بالمره

ها عجبتكم القصه بي لا تطبقونه على ريايلكم يمكن يروح فيها الريال و يموت بالسكته القلبية و بعدين تفقدونه للأبد :confused:


مع تحيات ام مريم 2 :smile: