بنات ساعدوني ابي اشتري اغراض تناسب الرجيم ؟؟

بنات انا اضفت الرابط مال الموضوع هذا في معظم التجمعات عشان احصل فايده منكم وسريعه باذن الله

لا تخيبوني بنات بالي تتعرفوونه ..

انتظركم !!


متحمسه الى اغراض الرجيم شجعوني:o

هلا عزيزتي

انا اذا رحت الجيب اغراض الرجيم وهي التالي:::
صدور دجاج..مخلي من العظم ..مبرد
بتلو لحم خفيف وخالي من الدهن...
سمك هامور فليه للشوي(رهيب مثل السحر)
تونه بالماء
شابورة الرشاقه
سكر سابليندا ..
جبنه شوائح مراعي منزوعة الدسم
لبنه بينار قليلة الدسم
حليب خالي او قليل الدسم
شاي اخضر
لبن الرشاقه...ممتاز
خبز خاص بالرجيم
والفواكهه اهم شيئ ..خريب فروت..مندرين(يوسفي)..اناناس
تفاح..خوخ..
كورن فليكس للرجيم
باختصار حبيبتي اهم شيئ ركن الرجيم في السوبرماركت
وابتعدي تماما عن رن الحلويات والشوكولاتات..والشيبسات
وبالعافيه عليك المقاضي...
وان شاء الله اكون افدتك...وما لي دخل بالفاتوره..!!!هههههه

يا قلبي يا ام عزيز

فديتج حضورج واايد حلو ووخفيف ظل ما انسعدت بمعرفتي الى الاغراض بكثر ما ضحكت من خفت دمج تسلمين والله يحميج يارب ..

بس خيو دوم يقولون بالمنتدى شابورة يعني شنو شابوره ؟؟

وماشاء الله القائمه جداً مضبوطه وماعليها كلام الحين اسجلهاا عندي وابو الشباب يدفع هههههههه لا ما اصير له رشيقه ههههههههه

يعطيج الف عافيه ..

الله يعطيك العافيه
حبيبتي الشابوره مثل خبز التوست بس ناشف ومقرمش شششش
ويكون باكياس تلاقيه بقسم الحميه اوعند المخبز
ويكون بر او من القمح وهو خفيف كثير ويشبع وعندنا بالسعوديه شركة حلواني
منتجه من هذه الشابوره اشكال بالحبه السوده والحبوب العشره
ولا تدلي عدوك عليها ....ممتازه

تصدقين ام عزيز

ع وصفج هذا في شيء عندنا يسمونه البقصم وهو يجي اسمر ومقرمش فيه منه اعواد واشياء عريضه مثل التوست وجااف موت ويتغمس في الشاي اتوقع هذا الي تقصدينه واذا هوه فا انا امووت عليه واحبه واايد


مشكوره ياعمري تعبتج معااي ..

ما شاء الله أم عزيز كفت و وفت... بس حبيت أضيف ع القائمه خضار طازج أو مجمد... مع البروتين مهم....

و ممكن كمان تاخدي بقول متل الفول و الحمص....

و أنا كمان بنصحك بفليه الهامور ... كتيييييييييير كتيييييير طيب و بيشبع مع سلطه خضرا.. يممممم

هلا حبيبتي ما شالله ام عزيز كفت ووفت وبخصوص الشابوره ايوووه اهيا البقصم يلا باتوفيق يالغاليه

حبيبتي يارب ترزقني ايه اخبارك يا جميل انا معاكي في كل حتة

ام عزيز كفت ووفت بس احب اضيف

البيض علشان تاكلي بيض مسلوق او بيض بالطماطم او بيض اوملت
زبادي خالي الدسم للعشاء حلو اوي اوي
خيار وطماطم لزوم طبق سلطة كبييييييييييييير وقت الغدا
كمون وليمون لزوم الخلطة الة قولتلك عليها
ولو افتكرت حاجة تانية هقولك

حبيبتي
ام عزيز ما شاء الله عليها ما قصرت

بس ما حبيت بعد اطلع بدون ما ارد عليج

هيه قالت سكر رجيم

و انا عندي بعد سكر ثاني
ما ادري اذا موجود عندكم في البحرين

المهم المعلقه منه بسعرتين حراريتين بس

و وااااااااااااايد مفيد و ما تستغنين عنه في الشاي و في كل شي يحتاج سكر

المهم هاي صورته اتمنى تكون واضحة




و لو تذكرت اي شي ثاني عقب غير اللي قالته ام عزيز و البنات راجع اقولج

دمتي بود

سلام اختي........

فيه اغلب السوبر ماركت الكبيره فيه قسم خاص لاغراض الحميه.....

وعموما شوفي جبن سلايس خالي الدسم.......

حليب خالي الدسم ......

جبن قريش هذا دايم ينصحون به بالريجيم....

ستيك والاجبان عموما خذي قليل او خالي الدسم....

عصيرات بدون سكر...

مرتديلا..حتى المكرونه فيه بر....

لبنه فليلة دسم حسب ذوقك ونظام اللي متبعته:)

مرااااحب يالغلاااا

انا اخذ روتي اسمر وزبادي قليل الدسم والباقي امي تشتريهم

وهاي الصوره

ما شا ءالله عليكم يا بنات

كفيتو وفيتو والله وما منك اي قصور

مشكورين ع المساعده

والموضوع بصراحه صار يشجع صور وحضور حلو اتمنى كل بنت تبي تتسوق عشان الرجيم تستفيد منه وان شا اءلله اي شيء باخذه اليوم بكتبه لكم باذن الله


يعطيكم الف الف عافيه ..

مرحبا بنات

انا رحت الجمعيه امس وشريت للشقه ولنا كل الاغراض الي نااقصه وطبعا لانكم ساعدتوني شنو اشتري لى الرجيم شريت الي حصلته يناسب داايت ..

وصورته لكم عشان تشفوون شنو خذيت طبعا ماصورت كل شيء بس امور الدايت هههههههههههه:tongue:

لان لو تشفون شنو خذيت بتقولون هاذي بتخرب رجيمها:o


.
.

هذا توست وخبز اسمر وشابوره ..





سكر ذره قليل السعرات الحراريه ونوعين شاي اخضر ..





لبن وحليب وزبادي ولبنه وكلهم قليل دسم ..





جبنة الرشاقه من شيزديل وجبنة المراعي ..





حليب منزوع الدسم ..







عصير ليمون وخل تفاح ..






مايونيز لايت وجبنة قريش ربع كيلو ..







زيتون عشان السلطه وزيت زيتون لو حبيت اكل شيء مقلي وخردل وجبنة موزاريلا...







فول مدمس حار وفاصوليا و تونه بالماء ..





وشريت يا بنات خضروات .. عباره عن قرانبيط وجزر وخيار وخس وبقدونس وكوسه وبصل وطماطم وثوم وليمون فاصوليا خضراء وفلفل الاخضر البارد والحار ...


هاذي الصور يا بنات شنو رايكم ماشيه صح او خربتها ههههههه؟

اليوم وعدني زوجي باذن الله اذا رجع من الدوام ياخذني ونشتري صدور دجاج من غير عظام وهامور الفيليه لاني امس ماحصلته يا بنات بالجمعيه الي رحتها ونشتري بيض وباقي الامور الي ناقصه باذن الله ..


اي شيء اشتريه رااح اصوره لكم عشان اتشجع اكثر :o

دعواتكم ..

:poster_dev:





ياريت يا بنات االي تشتري شيء يخص رجيمها تضيفه وتفيدنا فيه

ومشكورين ..