اااااااااااه راسي حينفجر ....شوفوا ايش سمعت زوجي يقول ..

والله مو عارفه من فين ابدا .حاسه اني متلخبطه ...ايش اقول بس اضحك ولا ابكي ولا ايش دلوني .امس اقصد اليوم الساعة 6الصباح سمعت زوجي وهو يتكلم عالماسنجر مع وحده ......وهذا طبعا له فتره يسهر عالنت من الساع 2ليلا الى الساعة 10صباحا لانه ماعنده دوام الصبح المهم .له فتره متعلق بالنت وانا فاهمه وساكته ولما اقول له ليه تجلس يقولي وليه انتي تجلسي وانا ما اقولك شي ...طبعا ما يخفى عليكم المواقع الاباحيه وانا مطنشه ومسوي مو فاهمه عشان لا اوتر الجو واعرف زوجي وطبعه المراوغه .المهم قبل يومين لقيت رساله في جواله الى وحده من مصر ويقولها ليش مابتردي عليا في الياهو ماسنجر انا سجلت الرقم واتصلت من جوالي وطلعت وحده مصريه المهم انا طنست الموضوع عشان احسسه بالمان واشوف فين راح توصل معاها بعدها جلست اراقب تلفونه لقيته مسح الرساله ورقمها لسه موجود بس ماشفت لارسائل ولا اتصالات ....المهم طنشت
امس طبعا كعادته اليوميه كان جالس ومسكر الغرفه طبعا انا ما اقدر اسهر معاه للصبح لانه يدخن والغرفة كانها سحابه وانكتمانا وبناتي وهو يقولي خلاص روحي هناك..من الريح,,,,,,,,,,,,,,,تصريفه
اليوم صحيت الساعة 6الصبح ابا اروح الحمام اصلا نومي متقطع من كثر ما افكر ومن كثر ماني حاسه بالوحده.............وسمعته يتكلم بالمايك ....وعلى فكره عنده كاميرا وكم مره ادخل عليه بطريقه مفاجئة الاقيه في وع مخجل اسوي نفسي مانتبهت ...........عشان لو واجهته حتكون ردة فعله قويه
اكمل لكم وبعدها ماصحيت سمعته يكلم وحده الظاهر من كلامه معاها انها من عندنا من السعوديه لانه يجيد اللهجات وكان يتكلم معاها بطلاقه وقاعد يحكي لها عن نفسه وعن حياته معايا ......ااااااااااااااااااااااااااااه "اشعر برغبة عارمة في البكاء " وقبل ما اقولكم ايش كان يقول لها راح اقولكم انا الحقيقة ...
شوفوا هو يصير لي من بعيد ابوه وابويا اولاد عم لكن مابيننا زيارات الافي المناسبات...ولا اعرفة ولا عمري شفته وخطبتني له اخته بطريقه تقليديه جدا حتى نظره شرعيه مافي هو ماطلب وبحكم انه من العيله ابويا رحب فيه وانا كنت متردده لان فيه اختي اللي اكبر مني لسه مانخطبت لكن اخواتي واهلي ما مانعوا بحكم اننا بنات كتير وبالنادر محد يجي يخطبنا لانه اهلي مره متقوقعين ومالهم علاقات واسعه بس المهم جاء يوم هو وابوه واحرجونا وبسرعة قدموا المهر وصينية عطورصغيره حتى عربه ماجابوا .ولا قماش ولا مكياج ولا اي شي غير كم علبه عطر " والله حسيت بكسرة الخاطر"لكن قوانين العيله عندنا تخلي الوحده ماتصدق يجي لها عريس "على فكره ااهلنا مايزوجونا من غير نسبنا لو مين ماكان مايهمهم فلوس ولا دين ولاخلق اهم شي نسبه بعدين يسالوا عالباقي "...........اااااااااه تعرفوا كم قدموا 10الاف ريال ابويا طبعا استحى وما قالنا ولا قال لامي حتى وراح اخويا الكبير للخزنه حق ابويا وطلع عشره وضافها فوقها وجابها ليا وقالي هذا المهر...امي كانت معترضه لانهم عيله معروفه بكثره المشاكل بالذات اخواته ومره مره معروفين في العيله انهم شرانيين .لكن ابويا يقول دام راح تسكني لحالك مالك في احد المهم زوجك ....لكن امي ماكانت مره مبسوطه فيهم وتقول بنتي صغيره ولا حتقدر على اخواته ... .ابويا طبعا انسان مره محترم في العيله وله سمعته وحالته الماديه كويسه وما عرفت انه المهر 10 الافي المحكمه تفاجات لكن قلت مو مهم المهم رجاااال ماسمعنا عنه شين ............بعد العقد طلب يشوفني وتعلق فيني وكان مره جري بصراحه انا تعلقت فيه مره وحبيته لانه فرفوش وحبوب وشبابي عكس اخواني وتربية اهلي اللي فيها شوية صرامه ..وطبعا هما مره يحبوا ياخدوا حقهم كزبوط يعني مع قلة المهر اللي جابوه ..طلبوا نسوي لهم ملكه وابويا ما قصر سوا لهم عزيمه كبيره بس في بيتنا وعزم العيله ..."يبغا يفرحني ".المهم انه سوينا الزواج ومهره ماسوا شي بس الله يخلي ابويا .طبعا ساعده في الزواج النص بالنص .........المهم جبت منه بنتين ورغم اشياء كثير ماتعجبني فيه الا اني عمري مارحت بيت اهلي ولا دخلت اهلي ..........واهلي من النوع عكس اهله ...اهلي ناس جدا بسيطين رغم ان ابويا مبسوط لكن حياتنا جدا عاديه ومايحبوا يدخلوا بين الرجل وزوجته ومره حساسين وتصدقوا ابويا من 6 سنين عمره ما دخل بيتي الامرتين ........واهلي مايجوا عندي الا بالنادر لانهم مايحبوا يضايقوا على زوجي ..برغم انه زوجي مايقول شي بس هذا طبعهم يحبوا يكونوا بعيييييييييييد...........المهم اول 3سنسين كان مره كويس معايا لكن بدا يتغير تدريجيا حتى في طريقة كلامه معايا صار مافيها احترامويفتقد لابسط معاني الذوقيات ..لدرجه اني صرت انا كمان اقل ذوقي معاه ولما اتصل عليه دايما ابغى شي يعلي صوته اويتكلم بطريقه مش حلوه قدام اصحابه عشان يوريهم انه شديد قلك انا هالاسلوب يجرحني وكم مره حاولت افهمه لكن لقيت انه يزيد مثلا لما اتصل عليه بدال مايقول الو يقول هاااااااااااااااااااااااااااااااااااااا ايش فيه ؟ ايش تبغي ؟ولما يتصل هو بدال مايقول السلام عليكم يقول بصوت مافيه اي ذوق اقولك ياحرمه ..وانا اقول في نفسي اللهم اني لا اسالك رد القضاء ولمني اسالك اللطف فيه ............وبعد مايسال عالحاجه اللي يبغاها يقفل بدون مع السلامه والمشكله يحكيني عن صاحبه لما يكلم زوةجته بذوق ودلع ويقول لي انه تافة وان زوجته ماراح تحترمه ومن هالكلام اللي يخليني افقد الامل في اصلاحه ............المهم اقولكم دحين ايش كان يقول للي ماتتسمى .....من خلال التنصت طبعا كان يكلمها بكل هدوء وصوت منخفض رومانسي ويتفلسف عليها ويخرط خرابيط مالها اول من اخر وانا اقول ياليت تعرفي الحقيقه يامسكينه ....المهمبين لها معانات في الطفوله انه ابوه ترك امه وراح اتزوج وامهم ربتهم وقال انه ابوه اتزوج كتير على امه وكان بيضربها وانه عاش طفوله قاسيه نوعا ما لولا امه "على فكره هذا الكلام صحيح يعني مو خرابيط شكله حاب يستدر عطفها "وبالنسبه لحياتنا كل خرابيط قالها انه متزوج ....وسالته عني قام يقولها ......انا متزوج من بنت خالي وعندي مشاكل في حياتي مع زوجتي بسبب ابوها "استغفر الله"ابوها مره انسان شراني وحق مشاكل .وفيه خلاف بينه وبين ابويا .....وبعدا الظاهر سالته كيف اتزوجتها ؟قالها احنا كنا متقاطعين لين جا مره عزا في العيله واتجمعنا واتعارفنا بعدها اقترحوا الاهل اني اتزوجهاووافقت حتى من غير ما اشوفها وبحكم انها من العيله استحيت اطلب هالشي ورضخت لامر الوالده طبعا كان صعب علي لان انا دكتور وهي ...............ماسمعت ايش "قم ظف وجهك قال دكتور قال "هو يشتغل شغله بسيطه مستلم في ورشه للصياغه "ويقول لها كمان انه مره صارت عزيمه كبيره وابوها قام يقل ادبه على ابويا ويصايح .....لكن ابويا ماسكت له "يقصد ابوه طبعا"ونزل فيه والحين هي عند اهلها ابوها يبغا يزوجها على اساس انه انا انتهيت ...بعدها ماعرف ايش قالت له رد وقالها انا صابر ...ومن طبعي الصبر ..........وبعدها شكلها سالته كم اديتها مهر قالها اربعيييييييييييين "خخخخخخخخخخخخخخخخخخخخخخخخخخخخخخ"بعدين خفت يكشفني ورحت شويه ورجعت وسمعته مدري ايش يتفلسف ويقولها بس اللله سبحانه وتعالى .......ماسمعت الباقي ..........وانا اقول الله الله عالدين وانته ياذن وانته الفجر ياذن وانت صاحي ولا تهتز لك شعره والمسجد لاصق فينا "الله يتوب علينا "كمان في وسط الحديث سالته عن علا قته معايا قالها انها سمن على عسل بس مشكلتها ابوها ....ابوها انسان شرس جدا ومايعاشر "ااااه ياحليلك ياابويا كل الناس تشهد لك واولهم ازواج بناتك بس ايش اقول ........مسوي للبنت فيلم هندي "وسالته شكلها هل تحب زوجتك قالها انه مايعرف اذا كان حب ولا تعود ولاعشره .وهي شكلها تقول له غريبه هل في ناس لسه تتزوج بهالطريقه ...حتى نظره شرعيه مافي مو معقول ...وهو يقولها انه استحى وخجل يطلب هالشي بحكم اني من العيله .....انا خلااااااااااااااااااااااااااااااااااااااااااااص حسيت اني بنفجر وكان ودي اكسر الباب عليه واقول له تفوووووووووووووووووووووووووووووووووووووووووه عليك بس تمالكت نفسي ودخلت غرفتي ابكي ولبكي وابكي...حسيت ان ابويا رخصني مره ليه وانه مايستاهلني لكن انا روحي متعلقه في بناتي ماابغى اتعب نفسياتهم هما مره متعلقين بابوهم وفيني.............. وادور للنوم لين مانمت طبعا الاخ بعد ماخلص مسخره وقلة ادب جا نام بجنبي وحط يدي على خده وانا قرفانه "شعرت برغبة في التقيأ "اتبعتها بقول " اللم اني لا اسالك رد القضاء ولكني اسألك اللطف فيه "بعدها صحيت من النوم والاخ صحي العصر لبس ثوبه ونزل وانا سويت نفسي عادي مع قليل من التحفظ في اسلوبي معاه ...لم يلاحظه ...
المهم ايش رايكم انا حاسه اني في دوامه ....وطبعا اليوم راح يصير نفس الشي جلسه عالماسنجر لين الصبح الله يتوب علينا ................

كيف اتصرف زوجي مره مراوغ ...وردة فعله ممكن تكون قويه انا راسي بينفجر ولو كبرت الموضوع وقلت لاحد اكيد راح اكون هدمت شي كبير بيني وبينه ..يمكن تكون نزوه وتسليه بس اخاف اسكت والمواضيع تطور معاه .واللي قاهرني اكثر تجاهله لي واسلوبه اللي مافيه ذوق واشاء كتييره بس مشكلتي اني مره مره متعلقه ببيتي وما ارتاح عند اهلي لا عندهم مساكين من الهم اللي يكفيهم ...دلوني ايش اسوي .......على فكره له مده يبغا يشتري لاب توب وانا مره عصبت وقلت له ان البيت ناقصه اشياء كتير اهم من هالتفاهات .....ولسه ماشترى بس بين وقت ووقت يكرر الموضوع ...على فكره مره كان يتفرج صور حريم وممثلات ولما كفشته عصب وقالي انه شي ما يخصك وايش فيها هذي صور عادية زي اللي نشوفها في التلفزيون ....وبعدها عصب وكسر الجهاز وقال خلاص مافيه كمبيوتر ...........هو ماسكني من نقطة ضعفي لان الكومبيوتر هو الشي الوحيد اللي يسليني بحكم نومه للعصر وذهابه للعمل حتى منتصف الليل وسهره ...........كل هالوقت وانا حاسه بضيق ووحده فاتسلى عالكومبيوتر...........ايش اسوي قولوا لي
على فكره انا من اول ماشفت زوجي واسلوبه حسيت انه من النوع اللي له مغامرات وطياشه ..لكن مااحس انه من النوع اللي له علاقات جديه ...يمكن بسبب وضعه المادي ...لكن اخاف الامر يتطور ويفلت من ايديني ....................ااااه ظهري انكسر وانا اكتب الله يخليم ردوا باسرع وقت