بنتي والحاجز بيني وبينها

ههههه حبيتبي مشالله عليكي و على حنانك انا لسا ماعندي اولاد بس حامل بالخامس ادعليلي حبيتبي متى اشوف ابني على خير يارب و يسهل ولادتي ....حبيتبي مابعرف شو ااقلك بس حاسة مشكلتك كتيرررررررر عاديةةةة يعني بس مجرد حنان زائدددد بس لازم تعودي تفسك انها تنام بسريرها اول شئ عشانها ترتاح و انتي كمان ترتاحي و كمان عشان زوجك حبيتبي على فكرا الازواج يغاررررررررررروا كتيررر من اول طفل بالذات و يحس انو مرتوا مو مهتمة فية متل قبل :) ...لازم تعودي نفسك انها تنام بسريرها والحمدلله انها جنبك مو بغرفة تانية :) ... وحنان الام لابد منو بس مو زياده :) موفقة حبيتبي

ام نجد حبيبتي
لاازم تعودين البنت على الاستقلاليه بشوي شوي
يعني لا تخلينها تعتمد عليش بكل شي حتى بالنوم
فكري بمصلحتها واتركي العواطف على جنب..
انا بعد كنت مثلك لكن عرفت ان من مصلحة البنت انها تنام لحالها

انا بعد رايي من راي البنات

لا تخلينها تعود

الله يخليها لج إن شاء الله

عن جد مع اني احسها فرحان بسريرها وحاسته شي جديد

بس كانه باعدها عني مسافاااااااااااااااااااااااااااااااات مو حاجز بيني وبينها

دورت اللي نتحكم بطرف واحد منه وينزل الحاجز لتحت بس حسيت صناعتهم مو شي ومو قوية

ههههههههههههههه
فديتك حبوبه

يالله بلاش دلع تعودي وعودي بنتك على تحمل المسوليه من دونك من الحين
ههههههههههههههه

عسى الله يوفقك ويصبرك ترى ما من بعدها عنك
اوي البك يا بنت

البارحة خليتها في سريرها

قعدت نص الليل

شافت نفسها في سريرها قامت تضحك

رجعت نيمتها مرة ثانية

حسيتها تبي تنام

وتبي تساعدني انها تنام

اخذت اللحاف مالها وغطت وجهها

كسرت خاطري

اخذتها نيمتها يمي

ونامت للصبح

اليوم الصبح نيمتها بسريرها ونامت

شقد ارتحت لما شفتها نايمة يمي

ما ادري شنو اقول لج حبيبتي بس انتي غلطانه انك ما خليتيها في سرير من يوم كانت صغيره

لانه حتى انتي لازم تكون لك مساحتك في النوم بالصراحه

عن نفسي من يوم ما كانت بنتي قبل الأربعين اخليها تنام لوحدها في سلتها وبعدين السرير

اهو صج لازم اخذها للرضاعه وبعض الأحيان انساها معاي بس متفقه معه زوجي لو قعد اهو من النوم بعد يقوم يخليها على سريرها

لانها إذا ما تعودت من الصغر بصير صعب في الكبر

حاولي تستمرين ولا تغلبج الحنيه احسن لج ولها

تحياتي

للحين ما خليتيها بسرير خاص

بلا دلع ام نجد

ترى بتتعبين لمن تبدا تتقلب بتخافي عليها خطر وايد تروح يمين ويسار

انا ما تأدبت من ها الحركة الا لمن طاح من السرير

خليها بسريرها ودام انها متقبلة فالحمد لله بالعكس لا تعوديها على طول جنبك بتخلين البنت ما تقدر تبعد حتى بالاوقات الي تكوني مظطرة تخليها بمكان صعب تنام من غيرك

المفروض هالشي يصير من زمان وانتي اصلا ترتاحين في النوم وماتخافين ان تنامين عليها مثلا
انا ولدي من جبته وهو في سريره حتى لو يصيح نص الليل اخليه في سريري شوي وارجعه سريره
انتي علقي لها في السرير العاب وبتتعود حتى انها تنام بروحها بعدين انتي بترتاحين واهي بترتاح

الظاهر ان المشكلة فيني مو في البنت

انا اللي اذا تعودت على شي خلااااااااااااااااااااص ما اقدر اغير

اليوم كانت في سريرها نايمة ولما شلتها وخليتها بسريري قعدت وما رضت تنام

بعد ساعة خليتها في سريرها ونامت

الحمد لله مو متعودة على اللزقة فيني

يمكن ماني قادرة افسر احساسج او افهمه
لاني فدك من يومه الاول نامت بسرير بحالها

عادي الغالية يومين وبتنسين

اصلا اريح لج تاخذين راحتج بالنوم والله

انا اذا رقدت ولدي عندالي بالغلط ما ارقد الا ااذا رحعته سريره

يمكن هي مشكلتي من البداية

انا اللي خليتها جنبي

البنت الحين عااااااااااااااااااااااادي تنام بسريرها والحمد لله

بس ليش هذا الاحساس بالالم من ناحيتي والله راح اجن

اعتقد اني مع مرور الايام راح اتعود انها تكون بسريرها

هيه عادي بتتعودين بعدين

طبيعي هالتعلق منك حبيبتي انا ولدي لما اخليه بسريره طول الوقت اقوم اطمن عليه وانام بس لما جنبي انام بعمق خخخخخخخخ


دام انها ما تصيح بسريرها خلاص خليها اريحلها واريحلك

احنا الي نسويه خطأ ولدي كمل السنتين وللحين احيان يقوم ويجي جنبي
لانه لما كان صغير اخليه جنبي ماكأنه عنده سرير ومع الوقت اتعود حاولت انيمه بسريره وتعود لكن احيان يقعد عشان اخليه وياي الله يهديهم

والله ياام نجد انا بنتي من جبتها من تنام حطيتها بسريرها احس اريح لي ولها لاني اخاف وهي جنبي تنقلب والا لاقدر الله انقلب عليها .......بصراحه نادر انومها جنبي

شكرا يا امهات

بس يمكن فعلا مثل ما قلت لاني تعودت على وجودها على طول يمي