غسل ملابس المولود الجديد

بصراحه اذا غسلنا الثياب تصير جنها مو جديده

انا بولادتي الاولى غسلت ثيابي ولدي وتحسفت هالمره ماراح اغسل

اي لازم نغسلهم..


نغسلهم ونكويهم..

ونغسلهم بصابون خاص للبيبات..

والله انا افضل انهم ينغسلن

لان خواتي كلهم يابن عيال وطول عمرهم يغسلوا الملابس الجديدة ولا تقدم ولا هم يحزنون وبعدين الغسل على الايد افضل وماتبهت الملابس

وبعدين لو بتهبت عساها تتقطع بعد ولا الياهل اييله شي لا قدر الله

الله يحفظ الاطفال يارب

سلام عليكم ...
في صابون متوفر بالسوبر ماركت متخصص لبشرة الحساسة وعلية صورة ياهل أينن عيونة زرق أسمه فيلتي لونة العلبة وردية ...وفيه منة على حجم كبير ايي في كيس ..
وفية بعد صابون الأطفال ماركة بيجون...........

لازم ثياب البيبي تنغسل قبل ما تلبسينهم البيبي

في صابون غسيل خاص للاطفال

ثياب البيبي ضروري تتغسل احنه لكبار ما نلبس شئ بدون غسيل شلون البيبي وخاصه ان بيكون جلده حساس وفيه صابون مخصص للاطفال والكومفورت بعد
بس يفضل تشطف زين بالماي وبس ..

اني بعد اضم صوتي لصوتكم
ضروري غسل الملابس البيبيات قبل لبسهم , واني مشتريه من موذركير ومن سيتي بلازا لكن ما اضمنهم يمكن انفتحوا ومليون ايد لمستهم..
نوع الصابون ما ادري بس بامر الصيدليات وباشوف :)

ما اعرف نوع صابون معين بس عن نفسي رح اغسل ملابسه على اليد و بشامبو اطفال لانه قليل الكيماويات و لطيف على الطفل فاذا ظل شيء بثيابه ما تآذيه و ربنا يوفقكم ان شاء الله بس ما تلبسوا بيبياتكم ملابس بدون غسل خاصة الداخلية

نفس السؤال كان في بالي

شكرا لطرحش للموضوع استفدت من الردود واجد

بس الحين ناس تقول نستخدم الكمفورت العادي وناس تقول كمفورت الاطفال ...والحل ايهما افضل؟؟

اني معاكم مو عليكم
اني اغسل ملابس اطفالي وملابسنا الجديدة
طبعا ملابس اطفالي بصابون الاطفال وعلى يدي وبعدين بداوني عشان يعطيهم نعومة
ولما يجفون اكويهم وعادي ما يتغيرون يضلون جدد

واللي تقول ما تغسل او ما تبي تغسلهم عشان لا يختربون .. شنو ما تخاف على اطفالها

صابون الوزير افضل شي للاطفال اغلب اللي اعرفهم يستخدمونه ريحته خفيفه وحلوه موب مزعجه للطفل وينباع بأغلبية السوبرماركتات فيه المبشور وفيه القطع ومايحتاج بعدها داوني ولا كمفورت لانهم مركزين ممكن يسببون حساسيه للطفل والريحه راح تكون قويه مايتحملها
بسس لااااااااااااااااااااااازم غسل الملااااابس قبل تلبسوونه بشرة الطفل حساااسه حرام :(

اي صح لازوم نغسلهم واذا مو بصابون مخصص يكون بشامبو

والشامبو يحافظ ع الالوان

مشكورة ع الموضووووع

انا بصراحة اغسل ثياب البيبى بشامبو جونسن للاطفال اخاف عليه من التحسس وارد اغسله مرة تانية بالماء بدون اي كافورت او صابون

في صابون من ماركة بيجون في سنتربوينت..بس مادري موجود بكل الفروع او لا
انا شفته في بيبي شوب اللي في العثيم^_^ و كأن سعره بــ17 مادري مانتبهت حيل لسعره لاني ماشريته..
انا حاليا استخدم شامبو الشعر "نونو"لغسل ملابس البيبي..^_^قلت يعني يمكن كذا مايصير حساسيه
بس بشرة كتكوتي حيل جافه و كله متقشره ..مادري من الشامبو والا طبيعي..!!
اما التايد احسه حار على الصغار..ماينفع لان حتى ريحته قويه وتخنق

ومنكم نستفيد

مرحبا
بصراحة جربت وما غسلت ملابس بنتي الثانية يمكن بدلتين ولما لبستها صارت عندها حساسية اعوذ بالله منها لو شفتوها تتخرعون والحمدالله تعافت منها والحين اغسل كل شي الماركات والا الملابس العادية....واستخدمت الكثير من الصابون بس اللي صدج استخدمته أكثر صابون انتوني وايد حلووو وناعم وداوني الأبيض الخاص بالمواليد الجدد....

لازم يتم غسل ملابس المولود الجديدة وبالصابون الخاص بالاطفال وانا شخصياً جمعت كل الملابس في شنطة وبغسلها قبل الولادة باسبوعين مثلاُ ... احسن عن اغسلهم من الحين وسبحان الله يمكن يتوصخون ...
:D
وان شاء الله فدناج يالغالية بالمعلومة