قصتي الحزينة مع حمـلي

بسم الله الرحمن الرحيم .. ربي لاتذرني فردا وانت خير الوارثين..

بنات انا صارلي سنة و4شهور معرسة . بعد العرس ب 5 شهور حملت واستانست واايد كنت ب شهري الثاني بس لما رحت للدكتورة عطتني موعد عشان اسمع نبضات الجنين وانا و ريلي كنا نتريا هاليوم عشان نسمع نبضاته لما رحنا الدكتوره فحصتني اكثر من 3 مرات قالت لي الجنين ماله نبض. لاحول و لا قوة إلا بالله العلي العظيم... المهم دخلت المشفى وسويت تنظيف و صبرت 7 شهور اللي هو قبل 4 شهور وحملت شكرت ربي وكله ادعي ربي بس واايد كنت خيفانة انه يصيرلي نفس قبل وكنت احاتي واايد . المهم دخلت الشهر الثاني وسرنا انا وزوجي العيادة عشان نسمع نبضاته ونحن مررة خاايفين بس الحمدلله سمعنا النبضات وارتحنا واايد واستانسنا . خلصت الشهر الثاني دخلت الثالث رحت الموعد مع اختي والدكتوره كانت تفحصني عشان اطمن على نبضاته وانا والله كنت حاسة انه في شي سبحان الله كنت حاسة ان الجنين فيه شي .. وجه الدكتوره ما يبشر قالت لي للأسف الجنين توقفت نبضاته من اسبوعين . والله اني انهرت واايد وتعبت واايد نفسيا تعبت يا بنات ماصدقت اللي يصير معاي . زوجي كان ف الدوام ما خبرته لين ما رجع البيت ولما خبرته انهار وايد واول مرة كنت اشوفه جذيه تعبنا وايد انا و زوجي .بس ما بقول غير الله كــريم انشألله والله بيــعوض لنا انشألله والحمــدلله على كل حال.. يا ارحم الراحمين ارزقنى الذرية الصالحة ولا تحرمنى منها.

بنات ادعولي هالمرة احمل وحملي يثبت . انا كتبت قصتي عشان بس تدعولي انا و زوجي بالذرية الصالحة انشألله. اللهمَّ إني أسألك أني أشهد أنك أنت الله الذي لا إله إلا أنت الأحد الصمد الذي لم يلد ولم يولد ولم يكن له كفواً أحدٌ ان ترزقنى الذرية الصالحة ،،