بنات الرياض ممكن خدمه

انا مثلك قلبي ,, هذاني جالسه ادور .. فيه محل بالعثيم مول مدحوه لي للاطفال

ورحت له ماحصلت عنده شي .. (( كله هذي اللي فيها كتابات من باب الحاره وشخصياتهم وشاطر شاطر

ومن هالاشياء ماعجبتني بصراحه :( )

وسيتي بلازاز ومذركير ماحصلت عندهم حلوو .. اتمنى البنات يفيدونا ,,

اهلين حبيبتي

عالبركه خلصتي تجهيزاتك والله يقومك بالصحه والعافيه

حبيبتي انا تقريبا بديت من اليوم اجهز الاشياء البسيطه لاني توني بالخامس بس طفة الاول تحمست هههههه

المهم انا كنت اليوم بلي مول اللي على الدائري عرفتيه ؟؟

وفيه محل بالدور الثاني الظاهر ان اسمه الشماس عنده كل الاحتياجات اللازمه وشفت مفارش قطن زي مابغيتي

وصراحه ذاك المحل مره حلو خصوصا للي في الاربعين واسعاره رائعه .. اتمنى انك تلاقين اللي يناسبك

اسفه طولت عليك واذا بغيتي شي انا بالخدمه .. موفقه يارب

الله يقومنا باالسلامه

الله يعطيك العافيه مورا . بالعكس احسن شي انك تجهزين بدري وترتاحين لان الحامل ماتدري وش الضروف

او المشاكل اللي بتحصل لها ان شاء الله ماتمر عليكم . لاني انا جهزت بعض الاغراض مابعد خلصتها في السابع

والحين ممنوعه من الحركه نهائيا الين اولد فا ابضطر اخلي زوجي يكمل لي البواقي . وبالنسبه للسوق لي مول

اهو بعيد مره بس يلا ابي اشتري واخلص قبل لاتجيني ولاده

بنااات لي مول بأي دائري ؟؟؟ اذا ممكن وصفو لي مكااانه بالضبط

لي مول ,, في مخرج خمسة الدائري الجنوبي


بس ماعرف فيه ولا لا ,,,
انا بعد ودي بهالسرير احتاجه فترة الاربعين وشهرين او ثلاثة بعدها ,, بس ابي يكون
له قاعدة ترفعه عشان لونمت على السرير واذا رحت اي مكان اشيل السرير وافصله
عن القاعدة ما ادري هذا الي تقصدونه او لا ,, انا هذا الي ابيه ..

احاسيس الا فيه انا امس شفت اللي تبغينه

بس مو هو اللي مع السنين

وعادي يالسنين شتسوين وليتي اقدر افيدك اذا هالمحل له فرع ثاني او لا بس والله ماادري

والله يقومك بالسلامه يارب ويفرح نظرتك بالخلاصه الحسنه

السرير اللي اقصده هو بقاعده يعني متى مابغيت فصلته وشلته معي بأي مكان ومتى مابغيت ركبته ع القاعده

بحيث يرتفع وقت النوم عن الارض . والحلو فيه ان الغطاء واللي حوالين السرير يتفكك قطعه قطعه لو بغيت مثلا

اغسله . لاني بصراحه محتفظه فيه يوم ولادتي بالثاني وهذا الثالث ان شاءالله يعني وفرت على نفسي

مع الاسف دورت على السرير الي ينفك لحاله وماحصلته ,,
واليوم رحت اخر فرصة ولقيت عندهم سرير على عجلات بس ماينفك
هو مثل ما ابي بس عيبه ماينفك وسعره بفرع اخر فرصة طريق خريص 99 ريال
بس اللون السماوي مخلص مافيه الا وردي

والفرع الثاني الي على طريق الملك عبد الله بعد صحارى لقيته عندهم 109
شريته وتوكلت على الله ,, له سلة تحت مركبة فيه عشان اغراض البيبي
وفيه ناموسية عليه ,, وفيه له كفرات لو شلتيها يصير مثل الهزاز ,, والكفرات
ممكن تتثبت عشان مايتحرك السرير بالبيبي ,,


بس المشكلة الحين ماعندي مفرش له ؟ انا فكرت احط البطانية فيه ومخدة
من عندي بس ماعندي مفرش له ,, من وين نشتري له مفرش هو جاي فاضي
مافيه مفرش ابد ,,

هاه يابنات حصلتو شي للسرير