شعري يتسااقط ....الحل؟؟

اذا يتساقط بشكل مو طبيعي لازم تروحين حق طبيب جلد محد يقدر يفيدج بخلطه ولا بشي اذا وايد قاعد يطيح.........روحي حق طبيب احسن ........

الغاليه سلامتج و انا انصحج

سوي حمام زيت مرتين ف سبوع

وحطي زيت زيتون دوووم على شعرج

هلا الغاليه

في اسباب كثيره لتساقط الشعر منها

1- الحاله النفسيه

2- فقر الدم

3- نقص بعض الفيتامينات في الجسم

وهذي اسباب داخليه

اما الخارجيه منها ضعف بصيلة الشعر وترجع بعد لاسباب منها

* عدم عمل مساج للفروه * وجود قشره * استخدام السيشوار والمواد الكيماويه مثل الصبغه والتمليس


وممكن يكون السبب راجع لجفاف الشعر وتكسره


راجعي الاسباب وقوليلي ايش ممكن يكون السبب وان شاء الله افيدج بالحل قولي ان شاء الله

وانا بانتظارج حبيبتي

الله يعافيك ياقلبي انا مثلك شعري يتساقط وكل يوم ادور شيء يوقف التساقط لكن ماعاد في فايده وان شاء الله

انه خف مع العلاجات (استخدمي زيت الحلبه بنت اختي كانت تستخدمه وخف شعرها من التساقط منه لكن الله

يعين على الريحه تقررررررررررف من الريحه وفوق كذا توجع الراس بس خذي كثااااافه ولمعه )وسمعت عن بول البعير

بس الطريقه ماادري عنها بس الوكاد اجلسي تحته ويبول على شعرك هههههههههههه اخخخخ امزح معك بس فعلا

انه في فايدة للشعر اليوم اختلف الوضع بالنسبه للاعشاب اللي ياكلها

مشكووورات خوااني ع مروركم

ختيه رينا الخليجيه انا مااستشور الحمدالله شعري مايحتااي له استشوار
بس السبب يمكن يكون>>وممكن يكون السبب راجع لجفاف الشعر وتكسره


ختيه علية جلكسي ههههههههههههه اتخيل نفسي قاعده تحته ^^ سمعته عنه وشفت النتيجه في ربيعتي

هلا حبيبتي كتكوته

اذا كان السبب جفاف الشعر هذي ان شاء الله هينه وبتشوفين الفرق من اول مره تسوين فيها هالخطوات

شوفي حبيبتي اختاري طريقه لتغذية الشعر وترطيبه قبل الغسيل وبعده

وانا جربت طريقة ابتسامة قلب ووايد عجبتني والي هي

4 ملاعق زيت طعام + 3 ملاعق حمام زيت + 3 ملاعق كريم صانصلك وانا ماعندي فحطيت براشوت ( مال زينب العسكري ) وخليته ساعه وبعد غسلته

وبعد تجفيف الشعر بالمنشفه حطي عليه سيريوم ولميه بعد شوي قبل التمشيط عشان يستفيد منه وبعدها مسحي عليه باي كريم بدون ما توصلينه للفروه وكفايه تخلينه على نصف الشعر لين اطرافه وبعدها مشطيه بمشط واسع لحد ما ينشف وبعدين مشطيه برايج وبالطريقه الي تعجبج

4 - تساقط الشعر :

الموضوع مأخوذ من جهد مشرفتنا اوراق الخريف:
*¤*.¸¸.•´¨`»( أسباب تساقط شعر المرأه والحلول المناسبه.. حصريا) «´¨`•.¸¸.*¤*

الملاحظات التي بين قوسين مزدوجين (( ... )) هي اضافاتي
أما التي بين قوسين ( .. ) هي اضافات أورق الخريف

أولا أسباب التساقط هي :
1- تغير الهرمونات بالجسم بأسباب تاليه
(الدوره, الحمل, الرضاعه, أخذ أدويه معينه قويه للعلاج)
2- اتباع نظام غذائي معين (الريجيم)
3- الضغوطات النفسيه وكثرة التفكير والهم..
4- المرض (أنيميا) فقر الدم
5- استخدام مواد كيميائيه للشعر (التمليس, الأصباغ, الأوكسجين)
6- تغيير المستمر للشامبو والبلسم والكريمات
7- التقدم في العمر
8- السرطان (بسم الله عليكم)
9- التدخين
10- استخدام الاستشوار بكثره
11- نوعية المشط رديئه
12- تعانين من انتفاخ الغده الدرقيه
13- الوراثه (نسبه قليله جدا)
14- سؤ التغذيه (التغذيه الغير صحيه)
15- استخدام خلطات والزيوت بكثره وباستمرار

ثانيا الوقايه:
1- مساج الشعر على الاقل في الاسبوع مره لتنشيط الفروه
2- الاكثار من الفيتامينات (( الحديد و اليود و فيتامين A- D - E -B ))
3- التنويع في الوجبات بحيث تغطي السوائل والكالسيوم والدهون والبروتينات والكربوهيدرات
4- الاكثار من الوجبات الصحيه
5- الاكثار من السمك (( من 3 - 4 مرات اسبوعيا ))
6- الاكثار من الخضروات الخضراء ( الجرجير والخس والرويد والسبانخ) (( و البروكلي ))
7- زيارة الطبيب ان استمر التساقط لصرف ادويه مناسبه والعلاج المناسب
8- استخدام نوعية المشط المناسب وانصحكم بمشط الخشب
9- تقليل من الستخدام الاستشوار في الاسبوع مره يكتفى
10- تجنب الاصباغ واستخدام المواد الطبيعيه مثل الحنى
11- تجنب التمليس واستخدام مواد طبيعيه
12- تغيير الشامبو والبلسم والكريم كل 4 اشهر مره يكتفي
13- استخدام خلطه معينه وزيت معينه والاستمراريه عليه لفترات متباعده وليس بشكل يومي

****

ملاحظاتي (( eSTiLo )) لكم:
*لاحظت ان البنات يستخدمون الخلطات و الزيوت يوميا ..
و هذا شي جدا غلط .. و ما يفيد الشعر .. بالعكس يؤدي الى تساقطه ..
لان الفروه بتكون مخنوقه و ما تتنفس .. فيتساقط الشعر ..

*عند خلط مكونات معينه لعمل وصفه .. يجب ان تخلط مكونات خفيفه ..
و ليس خلط مكونات قويه .. مثال: ثوم + زيت زيتون + حلبه + حبة البركه = خلطه قويه ..
ممكن تكون نتايجها فعاله و لكنها تأثر على المدى البعيد ..

أمثله لخلطات خفيفه + فعّاله :
1- جرجير + زيت جوز هند
2- زيت جوز هند + زيت الخروع
3- زيت اللوز + ثوم
4- عسل + بيضه + زبادي
5- صبار + نوع من الزيوت

ابتعدوا عن الخلطات اللي فيها 60 ألف مقدار قوي ..


زيوت رائعه لتساقط الشعر :
(( خروع - حبة البركه - زيت زيتون (مو أي فروه تتقبله ) - زيت جرجير
زيت صبّار - زيت الثوم ( رائع ) - زيت جوز الهند ))


مكونات رائعه للتساقط :
(( جرجير - ثوم - زعتر برّي - صبّار - حبة البركه ))