مشكله بسيــطه وبغيتكم يلا دشوا^_^

مرحبااا

بصراحة انتي تزوجتي في وقت مبكر جداً .. عمرج الحين 17 يعني لما تزوجتي صغيرة 15 !!

وعندج طفلين لازم تهتمين فيهم .. اممم انتي من حقج تغارين بس مب غيرة لحد الجنووون لانه اذا زاد عن حده بصير مرض .. واعتقد انج في فترة مراهقة بس صرتي ام يعني حاولي تفهمين زوجج وقولي له صارحيه ما ابيك تتاخر عن البيت وذكريه انه عنده مسؤولية الاولاد ..

تحياتي

أهلين حبيبتي،، يالغالية شيء طبيعي إنج تغاري على زوجك وتخافي عليه لكن مو لهالدرجة لأنها تعتبر مبالغة والمبالغة هادي هيا سبب عصبيتكم نصيحتي لج حبيبتي مادام إنج تعرفي إنو يرجع الساعة 12 لاتقلقي عليه وقولي لو مايتأخر عن الوقت هادا وإن تأخر خليه يرسل لك رسالة أو يدق عليكي ويخبرك حتى ماتقلقي وخبريه كمان زي ماعليه حقوق وأشغال إنتي كمان زوجتو وتستاهلي جزء ولو بسيط من وقتو تجلسي معاه بس حاولي تختاري وقت يكون فيه رايق وإنتي كمان واتكلموا بهدوء ولو أحد الطرفين عصب خلي الثاني يسكت لين يهدى الطرف المعصب وحبيبتي ترا طبيعة الرجال مايحبوا يجلسوا في البيت كل الرجال كدا وحاولي تستغلي وقت فراغك بزيارة للجاراتك أو أهلك،،ودايما استغفري كثيير وخصوصا إذا كانت عندك مشكلة استغفري بنية حل هادي المشكلة ،، وحبيبتي هادا اللي فيج مو مراهقة هادي غيرة تكون عند كل الحريم بس إنتي يالغالية شوياعندك زايدة،،وأتمنى لج التوفيق،،

حبيبتي لازم تكوني واقثه من نفسك ومن زوجك

انتي صغيره وقدامك الحياه انبسطي فيها
ولاتنكدي عليه

خلي غيرتك في حدود المعقول

واهتمي في بيتك واولادك وزوجك

وانتي حاولي ماتعصبي ترى العصبيه ماراح تجيب نتيجه خاصه مع الزوج بلعكس كدا حيعاندك اكتر
حاولي تكوني هاديه واذا عصبك امسكي نفسك وقولي في نفسك ماراح اعصب اليييييييييين تهدي

او فكري في اي شي تاني

هذا الي عندي ان شاء الله اكون افدتك

عيون الفهد

حبيبتي انتي متزوجه صغيرة وتحملتي مسؤلية زوج والحين طفلين الله يخليهم لكم
اول شيء المفروض اول مايكون بين الزوجين الثقه لان اذا محد واثق من الثاني صدقيني مافي راحه
وهو من حقك انك تطلبين انه مايتاخر وهو المفوض انه يراعي هالشيء بس حتى لو تاخر يوم بالاسبوع لبعد12لاتزعلين لان يوم والله في حريم توهم باول زواجهم رجالهم يسهرون لحد 2و3 الفجر واذا قالو شيء قالو احنا رجال عاجبك او بالطقاق المرة مكانها بالبيت وانتي احمدي ربك ان زوجك يحبك ويموت فيك والله يسخركم لبعض

اهم شي دعمي ثقتك بنفسك
وتوكلي على الله
((قل لن يصيبنا الا ما كتب الله لنا))صدق الله العظيم
يعني خففي شوي من غيرتك وشكك بزوجك
خليه يعيش حياته علشان يرجع البيت مشتاق لك مش تحبسيه جنبك في البيت
ولا تنسين انه رجل ويختلف عك يبي يطلع ويروح ويجي ويزور اصحابه
عطيه راحته وانتي خذي راحتك وربي اولادك ونيميهم بدري واذا رجع تكوني انتي مستعده وكاشخه ومشتاقه له
تحياتي

البنات كفو و فوا

أكثري من الدعاء و خلج واثقه من نفسج

و بلاها الغيره الي مالها معنى أقصد الزايده

اللهم اصلح حالها و يسر امورها

و وفقها و اهدها لما تحب و ترضى

يا أرحم الراحمين
:)

السلام عليكم
خافي علي نفسك لان العصبية مش كويسة علشانك ولا علشان اولادك وخدي بالك انك اكيد بتتعصبي عليهم وكده هتعقديهم وكده حرام عليكي
شوفي حاجة تشغلك عنه شوية
وكبري انتي عارفة انك غلط لازم تغيري من نفسك لما تيجي تتعصبي عليه حاولي تسكتي استغفري عشر مرات مثلا او اكتر
حاولي بقدر الامكان والاهم ان تستعيذي بالله
وربنا يوفقك يا قمري وبعدين انتي صغنطوطة يعني اكيد قمورة اهتمي بنفسك قوي حاولي دايما تكوني متجددة لجوزك غيري من اللوك دايما حافظي علي اولادك وعلي بيتك ونضفيهم وري لجوزك الجانب الحنين والحبوب اللي فيكي
قسمي حبك بين جوزك وبين اولادك وخلي لاولادك النصيب الاكبر واهتمي بيهم قوي هتلاقي انك بتخفي عن جوزك الضغط ده وربنا يوفقك يارب

:oاول شئ يا بنات اذكروا الله كل من ردت قالت متزوجة وانتي صغيرة
ما شاء الله ولا حول ولا قوة الا بالله
ثاني شئ يا قلبي انتي حاسه ان اللي تسوينه غلط. طيب غيري من تصرفاتج وبنفسج تقولين انا شكاكة هذه الشيطان قاعد يوسوس لج لا تخلينه يخرب بيتج انتي واعيه للي تسوينه ودامج واعيه بايدج تغيرينه تعوذي من ابليس وخليه زوجج يرجع الساعة 12 والا 12 ونص احسن من اللي زوجها

يرجع 6 الصبح ! وما يعطيها وجه ويطقها ولا يحبها ولا مهتم باحد لا زوجته ولا عياله شوفي ايجابيات زوجج وتغاضي عن سلبياته وعيشي حياتج اكيد هو يقعد معاج العصر او المغرب مستحيل مطنشج لا تكونين طماعه ههههههههه مثل ما انتي تبينه هو بعد يبي شوي يستانس.. انا مااقول انه ما يستانس وياج لا . شوفي اذكر مرة وحده الله يذكرها بالخير اكتبت موضوع تشتكي من زوجها تقول

زهقت منه مقابلني طووول اليوم ما يبي يطلع تقول مب قادرة تسوي شئ من كثر مااهو مقابلها ويلحقها ويشوفها شو تسوي تقول زهقت منه يعني اذا زوجج قابلج طوول اليوم يمكن انتي ما بتزهقين منه لكن هو بيزهق ! يعني ساعتها بتصير لج مشاكل اكثر من انه يتاخر لين الساعة 12 ممكن يشوف بنات والا يتزوج عليج والا والا لا تشكين وحبيه وخليه يشتاق ويتنفس ترى الرجال

حتى لو ابوه وامه قالوا له ما تطلع يكسر كلمتهم ويطلع كل الرجال جذي عادي بس اللي مب عادي انه يرجع مستانس ورايق وانتي تخلينه يعصب.
ادري طولت في الكلام والتفلسف:o بس والله لاني احبج وخايفة عليج من المشاكل
ربي يوفقج ويستر عليج ويسعدج دنيا واخره ويا زوجج ويرزقكم الذرية الصالحة حبيبتي

سبحانك اللهم وبحمدك اشهد ان لا اله الا انت استغفرك واتوب اليك

حاولي تفهمين زوجج

تسلمون حبايبي بردودكم الي تشرح السدر

الله يعينج اختي ..