توهقت ياعرايس ساعدوني

معقوله 7 يدخلون مافادوني طيب لو كلمه او دعوه كلمه ولو جبر خاطر.

حبيبتي أنا من الامارات .. بس ممكن أقولج أفكار لو تروحين المحمصه وتختارين الهديه المناسبه من أهناك يكون أسهل عليج.. ولو تبين أتسوينها بروحج جهزي أغراض لتغليف مثل شيفون أو تور , ربطات , ورود مجففه , أو لعبه صغيره مثل معرس وعروس عشان التغليف ..

ممكن أتكون الهديه : صندوق صغير فيه حلاوه لليهال ... أو مدخن صغير فيه قطعة عود أو قطعة بخور....أو علبة حلوى أضغيره مغلفه وملفوف عليها بالورق النايلون المنقوش وأتلفينها بشريطه أصغيره .... يعني من هالافكار ..
والأحلى أنج أتنوعين الهدايا .. هذا الي عندي أن شاء الله أكون أفدتج..

الله يوفقج..

أختي..

تقدرين تاخذين مصاحف صغار وتلفينهم بشرايط بالطول والعرض..
وبعدين تربطين شريطة شوي أكبر.. وتلصقين عليها المصحف..
وهذا كله ثبتيه على ريشة طاووس..
بيطلع شي ناعم والوانه حلوة ومرتب

أما بالنسبة للأماكن مااقدر افيدج.. لاني من البحرين

يعطيكم الف عافيه صراحه افكاركم روعه بجد ورايحه استفيد منها فعلا .نردها لكم في الافراح.