الناااس يحشون فيك 00طيب افرحي وطقي اصبع 00واصحى تزعل

بسم الله الرحمن الرحيم
مساء الخير ياقمرات

الله يعطيكم العافيه
بتكلم اللحين عن موضوعي
وبقولكم اياها بعبااره وحده
اذا احد اغتاااابك او حش فيك 000امبسطي وطقي اصبع

اي نعم اذا احد حش فيك وتريق عليك وقام يقط كلام ونغزات افرحي من قدك

تجيك الحسنات وانتى حاطه رجل على رجل
انا اول كنت ازعل يوم احد يتكلم فيني 00لكن قلت خلني احسبها صح

هي يوم تتكلم فيني تاخذ من ذنوبي وانا اخذ من حسناتها بارد مبرده بدون ما اتعب الحمد لله

صرت امبسط يوم احد يحش فيني افرح فرحه العيد والله يابنات
لاني على قد ما اذنبت من ذنوب غيري بياخذها وعلى قد ما غيري عمل حسنات انا باخذها

وبكذا اصير ضربت عصفورين بحجر
ارتحت من ذنوب وكسبت حسنات ببلاش

احيانا يوم يصير لي موقف او اشوف شي واجي ابتكلم في هذا الشخص
اوقف شوي واطالع فيه واقول في نفسي ياترى هذا الشخص ايش نوع المعاصي اللي يسويها وكم عدد الذنوب اللي ارتكبها
طيب انا اللحين لو قلت فيه شي او اغتبته او حشيت فيه ذنوبه هذي والله اعلم وشي بتصير في رصيدي
وحسناتي بتصير في رصيده وبصير خسرت وهو كسب
اجل خلني اسكت احسن واقول الله يعافيه ولا يبلانا

وبكذا صرت امسك نفسي عن الغيبه والحش
خصوصا مع اهل الزوج

جربوها يابنات والله ترتاحون

وبالذات اذا صادفت مع شخص تكرهينه ويكرهك
قبل لاتغتابينه قولي في نفسك 00انا اكرهه طيب ليش اعطيه حسناتي واخذ سيئاته ؟؟
لو سألتي نفسك هذا السؤال صدقيني معد بتغتابين احد

انا مره سألت شيخ وقلت له كيف تكون الغيبه ؟؟

قالي انتي بس لو اشرتي على شخص ممكن تكونين اغتبتيه
يعني لو مثلا مرت من جمبك وحده بزواج او او او
وقلت لصديقتك شوفي شوفي هذي وبعدين ضحكتوا عليها
لاحظي انك ماقلت شي لكنك اشرتي عليها
بمجرد تأشيرتك عليها صرتي اغتبتيها

ايام ماكنت معلمه كانت المديره تتذمر من غياب بعض المعلمات او من تصرفاتهم وكان هذا بمجال العمل فقط
كأن تقول --اف من فلانه غيابها كثير
اعوذوا بالله من فلانه مهمله او كسوله

وكانت بالطريقه هذي قد اغتابتها 00وماكنا نعرف انها غيبه الا لما سوت اجتماع وقالت سامحوني وحللوني
انا قلت كذا وكذا وقد سألت مفتي وقالي انها غيبه
وارجوكم سامحوني

وقتها عرفت ان الغيبه مو بس اني اتكلم عن فلانه بكلام غير لائق
الغيبه شي حسااس جدا واكبر من ماكنت فاهمته

الله يغفرلي ولوالديني ولخواتي وللمسلمين والمسلمات الاحياء منهم والاموات
عشان كذا يابنات اقولكم لاتزعلون
لاتتضايقون

من قدكم حسنات ببلاش بالعكس الا ارتاحي انك تخلصتي من ذنب ومعصيه وراحت لغيرك

تم بحمد الله وتوفيقه

ملاحظة: يرجى عدم تكرار الحروف اثناء الكتابه