فيني احبااااط رغم الريجيم ما نزلت الا كيلو ( قصتي بالداخل)

ا

الشفافة

عروس مشاركة

03-08-2008 | 06:56 PM

السلام عليكم ورحمه الله وبركاته،،،

انا طولي 156 وزني 80

انزين ومن بداية شهر 7 بديت بنظام غذائي يعتمد على التخفيف وقطع الفاست فود والحلويات والشيبس وهالسوالف،، وصااار اكلي كله صحي،، وبعد اسوي رياضة 5 مرات في الاسبوع مشي لمدة 45 دقيقه او مرات ساعه،، على السير الكهربائي،،

في بداية كان وزني 81 وصار 80 بعد اول اسبوع،، بس بعدين مب طايع ينزل الوزن على الميزان،، وصابني احبااااط،، رغم اني محافظة على الرياضة،، اممممم بس بصراحة حسيت ثيابي وسعت علي شوي، ووجهي نحف وصدري صغر شوي، بس الميزان محبطني؟؟ شو اسوي ؟؟ انا ابي انزل بشكل صحي ، مابي ريجيمات قاسية وخطيرة ،،

يعني انا اقرا في المنتديات اللي تنزل 20 كيلو خلال شهر واللي تنزل خلال الاسبوع 6 كيلو،، وانا خلال شهر ما نزلت الا كيلو،، شو رايكم الحل،،

على فكرة انا استخدم فيتامينات للشعر هل ممكن تكون السبب ؟؟؟

انتظر رايكم حبيباتي؟؟

&

ღ همس الوداع ღ

عروس متألقة

03-08-2008 | 07:00 PM

مممم
فيتامينات الشعر ما تأثر بالوزن
واقـولج لا تتبعين رجيمات قاسية
واذا كلش كلش
رووحي لدكتور اخصائي تغذية مايقصر
وهو رااح يشرح لج كل شي بالضبط

ز

زهرة الغابة

عروس مشرقة

03-08-2008 | 07:52 PM

حبيبتي بما انه ملابسك وسعت شو بدك بالميزان..
استمري ع الرجيم الصحي و الرياضه..
و ان شاء الله وزنك بينزل و الله يوفقك.....

ا

ام خلوف

عروس جديدة

03-08-2008 | 08:07 PM

اختي انا اقولج ليش لانج بديتي رياضه ورجيم مع بعض فتحول الدهون اللي بجسمج مكانه عضلات عشان جيه ما نزل وزنج بس تحسن شكل جسمج وقفي رياضه وابدي رجيم لين ما ينزل وزنج 5 الى 10 كيلو بعدين ابدي رياضه عشان يشد جسمج

ل

لمبه سهاري

عروس نشيطة

04-08-2008 | 04:05 AM

كل شي تاكلينه فيه سعرات حراريه حتى الفواكه والخضروات بس شي يفرق عن شي يعني الفواكه والخضار تحتوي على سعرات اقل من غيرها...والفواكه تفرق عن بعض الموز فيه سعرات اكثر من غيره..
وحتى الخبز يحتوي على سعرات حراريه سواء الاسمر او الابيض كلها نفس السعرات ...
يمكن انتي تاكلين اشياء وتتوقعين انها ماتزيد الوزن وهي تزيده مثل البروتينات عندك البيض المفروض ماتكثرين باليوم اكثر من بيضتين ..>>>((اتمنى انك فهمتي علي ))
والخبز المفروض تاكلينه مرتين باليوم ونص مو كامله بعد ..
امشي على نظااااااااااااااااااااااام او روحي لاخصائيه
الله يوفقتس وفااااااااااالك الرشاااااااااقه انشالله ..

ع

عنفوان روح

عروس جديدة

04-08-2008 | 09:34 AM

كيلو على كيلو يصيرون 20
اهم شي القياسات مو مهم الوزن
انا نزلت وزني لي خمسين بريجيم كميائي بس ماكان يبين علي النحف
اخر شي تفكرين فيه الميزان
اهم شي القياسات والشكل
واهم شي انج حتى لو ما نزلتي ما سمنتي
يالله الله يوفقج

M

M!SS Cavalli

عروس رائعة

04-08-2008 | 09:40 AM

حبيبتي العمر له دور
وبعدين تنزلين شوي شوي احسن من تنزلين بسرعه
لانج لو نزلتي بسرعه بترجعينه بسرعه
ف خلج على هالرجيم احسن لج
واصلي ولاتوقفين
واستمري
وحاولي تزيدين ساعااات المشي
وياريت لو تمشين في ممشى مو جهاازالمشي

ا

اغتراب

عروس ذهبية

05-08-2008 | 07:52 AM

احرصي عزيزتي على شرب لتر ونص مويه يوميا..

والشاي الاخضر .....

انا جلست شهرين ولانزلت ولا شي ولابديت انزل الا لما شربت المويه

N

N0rma

عروس ماسية

05-08-2008 | 09:17 AM

بصى يا حبيبتى انا كاتبه النظام اللى انا عملتو وخسسنى والله العظيم 10 كيلو فى شهر دا اللينك بتاعو علشان لو حبيتى تعمليه
http://www.3roos.com/forums/t363981.html

A

A y a t o

عروس نشيطة

05-08-2008 | 07:24 PM

انا مشكلتي اني شايفة انه وزني نزل بالميزان شي 4 كليات "مو بس بميزان بيتنا .. استخدمت ميزان تاني ونفس الشي !!! " بس جسمي ماأحسه ضعف كتير .. بس بطني صغرت ووجهي ضعف ><
أنا عبمارس الرياضة وعباكل كل شي خفيف وسعراته قليلة
وعبشرب ماي شي 8 اكواب مع شاي أخضر ^__^

بنصحك اختي بس صار ليل لا تاكلي شي ... لأنه في الليل بيتعسر الهضم !!!!

إذا شعرتي بالجوع شربي لبن زبادي او قطعة فواكه

بالتوفيق لك