هي مشكلة إحدى الأخوات طلبت ان انشرها علها تجد بين كلماتكم الحل الشافي، وها هي كما كتبتها....
أختي لميس انتي فعلا اخت لم تلدها أمي ودائما اتابع مواضيعك ومعجبه جدا جدا بإسلوبك وكثرالله من أمثاللك وجعلها الله في موازيين حسناتك ,,,,
أختي انا سالفتي طويله ومشكلتي أظن الكثير يعاني منها والمفروض اني كتبتها باالمنتدى بس اخاف انه ممنوع وقلت ماعندي الاالله ثم انتي يااختي وربي إني خجلانه بس الموضووع مااقدر اسكت عليه اكثرمن كذا
بإختصار زوجي مدخن ومن 15سنه,, ولنا متزوجيين 7سنوات بس المشكله من تزوجنا فاجأني إنه مدخن لأن عاداتنا يستحقرون المدخن ولا يرحبون فيه ودائما يلاقى إحراج وهو المشكله عندهم ما يدخن ودائما يسب اللى يدخنون زيهم بس باين الدخان على شفايفه بشرته الكحه اللى ماتفارقه أسنانه رايحه من التدخين وحالته يرثى لها المشكله ابوي واخواني دائما يقولون لى إنصحيه علميه قولى له مايصيرومسكوه ونصحوه اعترف عند اخواني اما ابوي قال كنت ادخن وابشرك اني لى 4سنوات تاركه واخواني يواعدهم دائما ولا قصرو نصحوه وابوه زعلان عليه من 3سنوات يسلم عليه مجامله ويرد عليه مجامله لأن حنا باالمدينه المنوره وهو بأبها وأمه بالرياض ساكنه وزعلانه برضو عليه ودائما تتصل عليه وتهزئه بس ونصحوه اخواني بامكافحة التدخين بس رفض يقول اذا ببطله ببطله مره وحده ,,,
نرجع لموقفى اول ماعرفت انه مدخن الصراحه تفاجات وبكيت ووعدني انى اتركه وصدقته وعدى شهر العسل على خير ولكن بقت الوعود وكل شهر لازم مشاكل واحيانا اقلبها ترجي اقسم بالله اني ابوس رجله من شان يتركه لأنه اولا حرام وثانيا اغضب امه وابوه وخايفه على صحته لأنه كان قبل صورله زمان ماشألله أبيض وشفايفه حمرا واللحين أسمر وجهه مليان بقع بنيه وشفايفه سودا وأسنانه صفرا ..وخايفه عندي ولد عمره 5سنوات ونصف باالروضه انه يدخن اذا كبر ويعصاني زي ما عصى ابوه والديه ,,,
وأكدلك إن لى يمكن أربع سنوات ما شفت السيجاره بيده لإنه يردددائما خلاص إحترام لمشاعرك انتي وعبودي وادخن قدامكم بس هاالريحه تقولي والعياذ باالله سيجاره متحركه ودائما يطلع للسطوح أو يعتذر بأي شي عشان بس يفر شوي يدخن ...
الظاهر طولت الرساله بس سامحيني يأختى لميس وربي إني أرتحت بعد ما فضيت اللى بخاطري لإني هنا ما اعرف احد الا حريم اصحابه بس ما اشكي لأحد غير الله لأن اهلى إذا شكيت لهم بينفتح باب كبير لإنهم واصله معهم 180 درجه من كذبه عليهم لأن ماشألله عيال عمي واخواني كلهم ملتزمين ومحافضين جدا ولايعرفون الحركات هاذي ودائما يجتمعون ويسوون محاضرات ومسابقات دينيه ..
وهودائما يصلي وإذا رحنا عندهم مره يحدث عليهم احاديث ويذكر لهم قصص الأنبياء وهو ماشأالله عنده موسوعه ثقافيه كبيره جدا وفاهم كل شي ..
انا بصراحه ماخليت شي منها الدعاء وربي إني كل ليل أدعي إنه يحفضه ويكرهه فيه والأنترنت طلعت منه أشياء كثيره وصور مره تأثر وأشتريت أشرطه دينيه وأضعا دائما با السياره وأدخل مواقع بطاقات واطبع نصائح للمدخين وأدخلها كل صباح باالبدله حقت العمل حقه ولا خليت شئ الا ماسويته وأروح أنا وولدي وهو دائما للحرم ونصلي هناك واطلب ربى دائما ...وكتبت رسايل كثيره منها وحده أقسم بااله إنها تقطع القلب على لسان ولدي وإذا تبغيها أرسلك إياها ودائما احاول إنه مايخرج من البيت يعني مع اصحابه اللى يدخنون بس يوم يوافق ويومين يعتذر عندهم عشاء أحدمنهم تعبان بنلعب بلاي ستيشن يعنى يطلع بطريقه غير مباشره ودائما إذا فاتحته يتنرفزويعصب وبعدين يهدا ويقول من بكره ولايصير خاطرك الا الطيب ويحسسني إنه نادم ويدري ويعترف انه اكبر غلطه في حياته ....
قراري الأخير عندي إختبارات منتسبه عند أهلي ورايحه بإذن الله بعد 4أسابيع وبيجي هناك بعد شهر بعد ماتنزل إجازته رغم إنه ماقدم لحد اللآن لأنه هناك ويفقدالتدخين مو على طول زي هنا بس يقول شهر والحقكم ..
بس أنا قررت أكتب له رساله وإذا وصلت هناك أرسل له رساله با الجوال وأقول له يقراها وأشوف ردت فعله لأنها آخر حل له وبكتب فيهل تهديد له إني ماني راجعه له وبعلم ابوي باالصراحه وإني مليت من هاالحياه معه هو وهاالريحه العفنه ...
أنا الحين الظاهر شرحت لك كل شي ووأبغى رأيك عزيزتي وأبغى رساله قصيره أوجهها له من تعبيرك عسى يأثر فيه ...وإذا توافقيني الرأئي برسالتي قبل السفر عطيني الله يخليك أفكار أو أسلوب يخليه يندم على كذبه لى ووعوده الباطله ....
وتسلمين عيوني شكلي طولت السالفه بس قلت مالي إلا لميـــس أشكي لها وهي اللى ماهي مقصره معاي ..أرجوك لاتطولي ردي بسرعه لأني قررت ياأنا يا الدخان .....
وفقنا الله وإياكم لفعل الخير والصلاح ومايحب ويرضى،،
ولكم خالص تحياتي.