عندي رأس مال ومحتاره _تكفون مساعده ولو برأي

السلام عليكم

بما انج تحبين هالمجال .. و تهوين الصرعات و المكياج و تعرفين الاساسيات و معلوماتك في هالمجال عالية .. اذا هالمشروع باذن الله بيكون مناسب لك ...

بالنسبة لنقطة انك ما ترضين تكونين اجيرة عند حد ... انا معاك .. بس ليش تسمينها " اجيرة " ليش ما تقولين انك تبين تكونين متدربة ؟؟ يعني الي يعرض لك انك تمكيجين او تقصين وافقي بشرط ما تكونين عاملة او موظفة عندهم و لكن متدربة ... و فايدة هالشي:

انك تلاحظين الادارة و طرق تعاملها مع الوارد من المنتجات و كيف تختارها و اي الشركات الي تتعامل معاها ....

و تلاحظين اهم المنتجات .. و مدرى رضا الزباين عنهم ... و اهم شي ... خبرة ادارة المشغل انتي تتعلمينها من قرب و بشكل مباشر ... و كل هذا لصالحك

بالتوفيق يا رب

ايش رايك بمحل لستيكرز

اذا انت مهتمة ارسلك صور وفيديو عن محلات ستيكرز

انا من فرنسا واذا حبيتي تفتحي شئ في فرنسا ممكن نتعاون

انا توني ماخذه دوره مكياج واحب الشغله ممكن نتعاون

احنا عندنا هني الوحده اذا تعرف تمكيج تقدر تتفق مع صالون انها في وقت المناسبات يتصلون بها وهي تجي تمكيج
ولهم هم نسبة
واتوقع في عندكم نفس الشي، لاني اعرف وحده في نفس الوضع

تقدرين تتفقين مع احد المشاغل المعروفه على هالشي، ومن خلاله بتتدربين على كذا شخص وبتصير عندج علاقات بالناس وشوي شوي تسحبين زباينج معاج

وهذا الشي صار عندنا هني وايد، تلاقين كثير من الماكييرات المشهورات بدايتهم كانت في واحد من الصالونات
ولما تمكنت، انفصلت عن الصالون وصارت تمكيج بروحها

فانتي تقدرين تسوين جذي والحلو في السالفه ان ماراح يكلفج راس مال كبير واللي بيكلفج يمكن مايوصل عشر المبلغ اللي عندج

او ممكن تبتدين بطريقه ثانيه وهي من البيت، وتعتمدين على صديقاتج وأهلج في التسويق
والميزه هني بعد التكاليف بتكون قليله وبتكون بمثابة تجربه، لان ممكن تفتحين مشغل وتحطين راس مالج فيه وتتمين فتره طويله ماتكسبين شي لانج مش معروفه فجذي بتخسرين
والخساره ممكن تتفادينها بان يكون المشروع في البيت
وميزة ثانيه هي ان الوقت بيكون عندج مرن وتقدرين تستقبلين الزباين على كيفج ومزاجج
غير عن المشغل اللي يبيله متابعه أول بأول
وبعد اسعارج ممكن تكون اقل عن باقي المحلات لان مصاريفج اصلا اقل، فجذي بتقدرين تكسبين زباين أكثر
لان تعرفين الحين المكياج يوصل مرات اسعار خياليه

والصراحه انا فكرت بنفس المشروع (اللي هو المكياج) بس بما ان ماعندي راس مال
ففكرت ابتدي من البيت وشوي شوي اتطور
بس عقب ما اتخرج بتفرغ عدل

وبالتوفيق اختي

حبيباتي
انا حلوه
هجيرا
صلاتي
انا الشوق مشكورات على الردود الطيبه
بس انا ما اقدر اروح للمشاغل وادور زباين او اشتغل كمتدربه وضعي الاجتماعي ما يسمح
وللاسف اغلب المشاغل المعروفه اعرف اصحابها وصعبه اشتغل عندهم
انا ودي ببنت من الدمام تكون مشتغله بمشغل وعندها مهارات
واتفق معها هي بمجهودها وبخبرتها وزباينها وانا بفلوسي وحسن الادراه .
ياليت الي عندها هالموصفات تقولي ونتفاهم
وانا يوم ذكرت اني عندي معرفه ومهاره بكل هالامور القصد اني افهم بس ما اشتغل ولا اشارك بالموضوع
بس اداره لاني غير اجتماعيه واستحي شوي من الناس
تحياتي

يالغالية راسليني على الخاص

ماقدرت أراسلك عندي كم فكرة لك

تحياتي لك أختي

قوه حبيبتي انا ممكن اوفرلج من الكويت جلابيات بيت راقيه وجلابيات نفس الي بمسلسلاتنا برمضان باسعااار رخيصه

ولاتنسين الحين موسم رمضان على الابواب وباذن الله تجارتج راح تكون مربحه

وتقدرين تسوين اشتراك تاجره وتبيعينهم بالمنتدى بعد(f)

Hi, my name is luna, i live in Canada, but I used to live in Saudi Arabia, I just want to say good luck,this is a nice idea, god will help you. take care. luna