ارجووووووكم ..ابغى ارائكم ..واختموها بدعوة لي ؟؟تكفوون

السلام عليكم ورحمة الله وبركاته

كنت متردده اكتب مشكلتي ..ولكن بما وجدته بينكم من محبة ..وتعاون ..على خير والصلاح
ما ابغى اطول عليكم ..ولكن هدا موضوعي بسدحه لكم

انا عروسه ..منكوبه ...متزوجه صارلي حتى الإن 5 شهور ..مشكلتي بدت قبل ما اكمل نص الشهر من زواجي ..صار زوجي يدور المشاكل معاي ..ويطردني من الغرفه النوم لما يشوفني اصلي وتلفظ على بالكلام اللي يمس الشرف والعرض واكيد انتو عارفينه ..وتعدى بهده الألفاظ على اهلي وأمي واخواتي ..حتى ابوي واخواني ما سلمو منه ..وقال انتي يهوديه ولاعاد تصلين .ولا عاد تصحيني للصلاه ما ابغى اصلي ..ومره كان بيطلقني ...لأنه شافني صاحية الفجر اصلي في الصاله ..واستغفر ..قال ليش تستغفرين كأن الإسلام كله عندك ..وقال خلينا نشرب ونسكر يوم واحد وبعدين نستغفر ..وهو والله اعلم.. كنت الاقي بعده في الحمام (أعزكم الله)شي محروق زي الحشيشه ..وكنت اشم معاه ريحه كريه بعد ما كسهر ويجي ..وكان يتهرب من سؤالي له ..وعلى طول يروح يتحمم وبعد مضي الشهر حللت وطلعت حامل ..وصار يتعبني نفسيا بكلامه ..وانا متحمله اقول يمكن يتعدل عشان انا بأول زواجي ..ومع الدعاء وكل شي بيد رب العالمين ..
ولكن قدر الله ..وتعبت ..وسقط الجنين ...والحمدلله على كل حال ..
كنت بتركه بعدها ..ولكن قلت اصبر ولا شكيت لأهلي ولا شي ..وبعد فتره منع اهله ..انهم يتصلون فيني ومسح ارقامهم من جوالي ..وقال انهم طاردينه من البيت بدون سبب..الله اعلم
وبعد شهرين ..حملت منه ..ولما عرف اني حملت بدأ يضربني ..ويهدد بقتلي لو اني ما سقطت الطفل ..وحلف انه راح يجيب صك من المحكمة عشان يجهض الطفل غصب عني ..واتهمني بشرفي ...وسافر فيني على جده ..وحبسني هناك مع الضرب والتهديد ..وتحايلت عليه وبعد اسبوعين ردني المدينه على اساس انني سامحته ولا راح اشتكي لأحد ..وبعد ما وصلني المدينه رحت بيت اهلي واشتكيت لهم ..... ولا موني عشاني كنت ساكته من اول ..اما هو حلف بالطفل اللي ببطني انه ما ضربني ولا اهانني ولا كأن شي كان ..وبعد اسبوع سقط الجنين مره ثانية .... ولله الحمد..

ولما اهلي كلمو اهله ..قالو انه مطرود من البت ..ومالهم علاقه فيه ..وبين انهم زوجوه عشان يفتكون منه ..وانا اللي طحت فيها ..

الحين رفعت عليه قضيه في المحكمة ..وانكر كل شي سواه ..واتهمني عند الشيخ بأني اطلع مع رجال ..واتهمني بأشياء لا يعلمها إلا الله ..

وقلت للشيخ يحلفه ..على دا الشي ..وقال انه مستعد يحلف ....

لا حول والا قوة إلا بالله ..

والحين موعد الجلسه الثانية بعد اسبوعين ..

الحين جالس يرسلي بالجوال انه يتأسف ..ولا عاد بيكرر اللي صار ..وانا ماني مصدقته لأنه وعدني بالأول واخلف ويحلف وانا ادري انه يكدب ..

وانا عازمه على الطلاق ..

اعطوني ارائكم وادعولي الله يفرج همي