منع الحمل يا حلوين

يسعدني اكون اول وحده ترد عليج
الصراحه انا ماعندي فكره عنها لاني ماحملت اصلا بس اسمع من الناس يقولون هلحبوب في المستقبل لها اثار خطيره على الانسان وانا ما ايدج تاخذينهم هاي رايي
ودعواتك اختي بالذريه الصالحه

الله يسامحكم 8 مشاهدات ولا ردود ارجوكم بنات محتاجه لردودكم
وجزاها خير الي ترد

مدمنه ورق عنب
مشكوووره يابنت بلادي ويارب يرزقج بالذريه الصالحه

أختي أنا هذا المواد الكيميائية ما تلائمني فأنا دائما أواضب على عملية الحساب كما يقال أي آخذ حذري في الفترة ما بين اليوم الثامن إلى اليوم التاسع عشر ما ألأمتنع تماما فيها و لكن أستعمل الواقي الذكري طبعا و الله منعت الحمل عندي بين الطفل الثاني و بنتي الأخيرة آلاء الرحمان 4 سنوات و الآن عندي 8 أشهر من الولادة و متبعة نفس الطريقة لكن حابة طريقة آمنة فكرت في اللولب لكن سمعت أنه ضار فأنا متبعة طريقتي الآن إلى حين أجد الحل

والله انا بعد ما عندي فكرة .. لانه الواقي هو الحل الوحيد الي مجبورين نستخدمه

استخدمنه طريقة العد وفشلنا ويتنا احلى بنوته ..

والحمدلله هاي المرة نجحنا باستخدام الواقي ان نطول المده ..

بس تبين الصراحه انا دكتورتي سالتها عن حبوب منع الحمل وحذرتني منه وسالتها عن الابره بعد منعتني منه لانه له اضرار فالمستقبل على الام والجنين ..

عني انا ماكنت ارضع واستخدمت حبوب مارفيلوووووووون

بس بصراحه كانت عجيبه لا متنت ولا جاتني اعصاب ولا أثرت علي ابدا ابدا

عقب سنة قلت بسوي مانع العد ومن اول شهر حملت ): اللهم لك الحمد والشكر

بس حبوب الرضاعه واااااااااااايد خفيفة لدرجة ان وحده من اهلي حملت عليها وتحلف انها ماطوفت ولا يوم

بس الله كاتب

أنا بستخدم الواقي الذكري أفضل حل .. لان الحبوب اللي حاطه صورتهااا مرت عمي حملت عليهااا لانهاا مره من المرااات أخرتهاا ساعه عن الموعد بس .. واللولب له مشااكله أختي أستخدمته فتره 8 شهور بس صااارت تجيها الدورة 15 يوووم بالشهر وسببت لهاا فقر دم فشالته وبدت بالحبوب ولدهاا عمره سنه اللحين يعني تعتبر رضعت

والحبوب الثااانيه تنشف الحليب وأنا مستحيل أفرط بالرضاااعه الطبيعيه ..

أنا سمعت من خالتي اللي سمعت دكتور قال عن شرب مغلى الكزبرة في اليوم الخامس من الدورة و الله أعلم و خايفة نغامر و نجربها صراحة

انا استخدمت هل الحبوب وخلتني عصبيه

وسمعت ان حبوب منع الحمل لها اثار في المستقبل

ومنكم نستفيد ..

اناما استخدمت ولا شي بس ماتوقعت اني احمل بعد ثلاث شهور من ولادتي...

بس ها المره افكر باللولب لان الحبوب مستحييييييييييييل استخدمها والي اعرفه ان مضار اللولب بس ايزيد ايام الدوره عندج ...

ركبت لولب ومرتاحة عليه الحمد لله

خالتي منعت 3 سنوات وشالته والحين حامل

مرت اخوي ركبته والحين شالته بعد علشان الحمل

اللي اعرفهم مرتاحين عليه

ما افكر اشيله الا ااذا سبب لي متاعب

اولا اختي العزيزه الموانع الطبيعيه مو كل الرجال يوافقوا عليها
ثانيا انا وحده حملت وهي تستخدم حبوب الرضاعه بس مو نفس حقتك
ثالثا الانسان كل ما يكبر سنه تتغير فيه اشياءكثيره انا مثلا بعد طفلي الاول
استخدمت حبوب منع الحمل اسمها جنيرا مع العلم رضعت طفلي سنتين
بعد طفلي الثاني كنت مريضه ومنعتني الدكتوره من الحبوب نهائيا وركبت
لولب طبعا ما ناسبني نزيف لمدة 6 شهور متواصله وفكيته واخذت حبوب
الرضاعه وحملت بالثالث بعد الولاده سمحت الكتوره بالحبوب لكن سلامتك
كأني اتوحم غثيان وتطليع وصداع شديد ورجعت للولب والحمد الله ركبت نوع
ثاني والحمد لله عايشه حياتي طبيعيه لانزيف ولادوره طويله 5 ايام واودعها
ومعليش طولت عليك بس حبيت اقولك عن مغامراتي وليك الخيار بعدين:wink:

والله انا بعد محتاره نفس الشي مب عارف .. توني ولاده ومب عارف واخاف من الحبوب واللولب .. :(

وانا بعد خايفه احمل بعد الولادة
وانا اعرف نفسي الحبوب ماراح تنفعني واللولب خايفه منه
بس سمعت عن الابر كل ثلاث شهور .......... شرايكم فيها؟
وبعد عن التحاميل اللي تستخدم قبل الجماع مباشره فقط

انتظر الردود

كتكوته بس نمروده ... وش هو نوع اللولب اللي مركبته اللحين ؟؟

فالحه ... التحاميل أول مررره أسمع فيهم .. والابر يقولون لهااا مضااار كثيره

طيب سمعتو عن اللولب الهرموني ... في أحد مجرررربه من البناات فيدونا الله يجزاكم كل خير؟؟

أنا صراحه استخدمت حبوب daian

من الصيديليه

صراحه نتيجتها مضمونه و أنا بعد ما طلعت من النفاس استخدمتها

لمده سنتين ولما بغيت أحمل تركت الحبوب و بعدها ب 4 اشهر حملت

الحمد الله ... بس أكيد يختلف من كل وحده

أنصحج تروحين الطبيب و تستشيرينها عن هالحبوب

اسمحوا لي بنات انا كتبت عن التحاميل اللي تستخدم قبل الجماع
بعد التاكد تاكدت انها مثل الابر بها سائل تستخدميها من تحت قبل الجماع مباشره

والله الحبوب و اللولب ووو ..... الخ مو مضمونه يعني ممكن تحملين معاها

وحده من اهلنا حملت على اللولب .. و الحبووب اغلبها ان لم يكن كلها لها آثار جانبيه حتى ع المدى البعيـد ..

فـ برايي طريقـة الحساب + الواقي افضـل .. بشـرط ان يكون العـد صحيح مو تلخبط في العد و عقب تقول واااي حملت بالغلط !!

اغلب اهلي على طريقة العـد و ولا مرة حملـوا الا برغبتهم الحمدلله