ايميلاتي انسرقت والسارق يهددني

الف مبروك أختي على رجوع ايميلاتك ومثل مانصحوك الاخوات أول خطوة هي انك تغيري بيانات البريد تبعك من السؤال السري وجوابه وتاريخ الميلاد والبريد البديل وتحتفظي فيها للمستقبل كإحتياط لو صار لك نفس الموق وانسرق ايميلك من جديد ... ولا تنسي تعملي فورمات كامل لجهازك لضمان حذف اي ملف تجسس تم زراعته على جهازك ثم اول خطوة تعمليها بعد الفورمات هي تركيب مكافح فايروسات قوي ليحميك من خطر الفايروسات وملفات التجسس ..

تعقيب على كلام أختي المجهوولة إذا سمحت لي ..

بالنسبة للــ IP فأنا اشوف ان كثير من الناس تخاف من انه يظهر IP اجهزتهم أو يعرفه اي شخص مع ان الموضوع عادي جداً والـ IP يظهر بشكل اجباري على الانترنت ويقدر اي شخص انه يجيبه لو بغاه لاكن ليش الخوف ؟!!

حتى الاشخاص المحترفين لو عرفوا عنوان الـ IP مو صحيح انهم يقدرون يدخلون اجهزة الناس ومليون مستحيل .. والهدف من الحصول على IP جهاز معين هو بس عشان الشخص يعمل Scan على الـ Ports أو المنافذ الجهاز المفتوحة علشان يشوف هل فيه منفذ مفتوح وغير محمي علشان يقدر عن طريقه انه يدخل الجهاز ويسحب أو برفع ملفات للجهاز الضحية .. يعني لو كان الضحية ماعنده اي منفذ مفتوح أو كل منافذة محمية فماراح يقدر اي شخص انه يدخل الجهاز مهما حاول ولو كان الموضوع كذا بهذي السهولة كان كل يوم نشوف الاف الاختراقات لأن عناوين الـ IP تظهر لما ندخل اي منتدى أ, ندخل اي غرفة دردشة أو بمجرد محادثة على اي برنامج ماسينجر كهوتميل أو ياهوو لأن اي شخص يقدر يجيب العنوان بسهولة ...

وبالنسبة لكلامك عن الـ IP الثابت .. الـ IP تبع الجهاز مايكون ثابت ابداً وحتى IP الاتصال لو كان ثابت كان ارتحنا وماكانت الشركات تقدم لك خدمة الـ Real IP يعني خدمة الـ IP الحقيقي أو الثابت وماكانت تاخذ علينا مبلغ شهري مقابل تثبيت الـ IP ...

لأن الـ IP لكل مستخدم على الانترنت يكون متغير دائماً ولو تبغي تثبتيه لازم تدفعي للشركة مبلغ شهري ثابت علشان يثبتوه لك ..

مودم الـ DSL اول ماتتصلي فيه على الانتر نت تعطيه الشركة IP ويتغير كل 3 أو 4 وأحياناً كل اسبوع .. والمودم بدوره يعطي جهازك IP لاكن مو حقيقي مثل تبع الشركة بل وهمي مثال :

192.168.1.55 مثلاً هذا IP وهمي ومو حقيقي لأن الايبيات كلها اللي في العالم مستحيل تبتدي بمثل هذا الاي بي وتلاقي معظمها تبتدي بـ 212 أو 88 أ, 85 أو 213 لأن الاي بيات محدده عالمياً لكل دولة Rang أو نطاق محدد ولو كان كل شخص يدخل الانترنت يكون له IP ثابت كان انتهت الايبيات لكل دولة وكان تلخبطت الدنيا ولا قدرنا ندخل الانترنت ابداً لأن الايبيات ماتكفي كل المستخدمين علشان كذا صارت متغيره .. وعلشان كذا الحين شركة Cisco الرائدة في مجال الشبكات اطلقت الاصدار 6 من الايبيات بدال اللي نستخدمه الآن وهو الاصدار 4 لأن الاصدار السادس يكون طويل جداً ويكفي كل الناس في العالم وحتى لكل شخص مخصص له تقريباً عدد 100 IP وراح يعملون بهذا النظام قريباً جداً .. وتقدروا تشوفوا هذا النظام وهو الـ IP الاصدار السادس إذا كان عندكم ويندوز VISTA من خصائص الشبكة ثم البروتكولات وراح تلاقوا IP v4.0 و IP v6.0 ..

اسف على الاطالة بس حبيت اوضح هذي النقطة للي يبغى يستفيد .. ولكم مني كل الاحترام والتقدير ..

أوكم الهـــاوي ............