كيف اتعامل مع زوجي المعاق؟
احبه مره
01-08-2008
28 رد
1,950 مشاهدة
السلا عليكم
انا عضوه جديده معكم
اتمنى ان اكون اخت لكم واستفيد وافيد
انا مشكلتي باختصار اني ملكت على ابن خالتي
وهو اكبر مني بسنتين وجامعي وموظف ولكنه مصاب من صغره
باعاقه شلل نصفي
الملكه لها ثلاث اشهر والزواج بيكون في شوال
وانا موظفه ايضا وعلى قدر من الجمال واخذته عن اقتناع
ولكن اصبحوا الاقارب والزميلات يحذروني في كيفية التعامل معه
وانا ما اشوفه صعب للدرجه اللي يقولون عنها00وهم يتكلمون عن المعاق بشكل عام وليس زوجي تحديدا
برغم اننا فعلا مرينا بمشاكل انا وهو ولكنها قد تحدث لأي مرتبطين وخطاب00عادي
بلعكس هو شخص يحب النكته والضحك وو اثق من نفسه
والان نحن نفرش البيت وكل شي ماشي تمام
ولكن تعبت من الزن اللي حولي؟
بالذات في موضوع المبيت:o
وسألته عنه واحسست بأني جرحته لان جوابه كان مقنع
قال وهل تعتقدي لو اني لم اكن قد المبيت هل كنت سأطلب يدك؟
ومن بعدها اصبح كتوم ولا يتصل كثير مثل اول
ولا يمزح ولا يضحك ولا حتى يسأل عني مثل قبل:(
وندمت اني فاتحته بالسالفه برغم ان والدته اكدت للوالده في اول ايام الخطبه
بانه قادر
ولكن كلام اللي حولي اربكني وجعلني اصارحه وليتني ما تسرعت
الان هل انا غلطانه؟
وهل عندكم نصائح لي في كيفية التعامل معه مستقبلا؟
مع العلم اني احبه ولست اشفق عليه:15:
وشكرا
الله يبارك لكم هل زواج اختي .. نسيه هل موضوع و لا كأنج سألتيه و عامليه عادي و لا تحسسينه انه تغير و ان شاء الله بينسه و بيرد عادي
اول شي الف مبرووك
الاعاقه ماتكون عائق للزواج ياما ناس معاقين وتزوجواا وماشاء الله حياتهم افضل من غيرهم
مدام الريال اخلاقه زينه ويخاف ربه ومقتدر ف ليش اذا مجرد التفكير بكلام الناس وانتي مقتنعه فيه
نصيحتي لج لاتهتمين لكلام الناس لانه لاييب ولا يأخر وانتي المفروض عرفتي هالشي بعد مافاتحتيه بموضوع القدرة اللي الناس كانوا يتكلمون عنه واتضح عكس هالشي
ربي ان شاء الله يوفقج ف حياتج وبسهل امورج
السلام عليكم ورحمه الله وبركاته
ااختي استخيري الله واذا كنتي مستريحه معاه فتوكلي علي الله انتي ذكرتي مواصفاته وواضح انه انسان جميل فلا يهمك كلام الناس فان كل اصابه من الله وافرضي انك تزوجتي انسان سليم وبعد فتره من الزواج اصاب بالشلل راح تسبيه بسبب قدر الله بصي للي بداخل الانسان واتركي المظاهر الخارجيه واهم شي انه يكون بيخاف الله ويراعي ربنا فيكي وربنا يسعدك يا اختي انتي وكل بنات المسلمين
شكرا اختي
هذي السالفه لها اسبوعين تقريبا
وانا احسه تغيير كثيير
وانا اعامله عادي ولا جبت طاري للسالفه
بس احسه انجرح مني وهو للعلم مايعرف يحاور
يعني اذا زعل يسكت وهذا طبع فيه من زمان
هو اذا اتصلت يرد عادي بس نبرة صوته وطريقته اختلفت
امس حجزلنا بنسافرلندن شهر العسل وكنت فرحاانه كثيير
وهو عادي وقبل ماينام امس سألته قلتله انت مبسوط انك بتاخذني
قلي ايه
فقلت ليش ماتسألني نفس الؤال؟
ضحك ولا تكلم
وقال تصبحين على خير برغم ان اليوم جمعه بس مايبي يسهر معي على الجوال
الله يسامحني
ب
بائعة الوووورد
عروس مشرقة
01-08-2008 | 02:45 PM
حبيبتي ماقول الى الله يديم هالحب بينكم يارب ...
حبيبتي والله الصدق تبين راي من دون ماتزعلين ماسويتي فيه خير سؤال بجد
يجرح ومكان له داعي اكيد ماتزوج وهو عارف انه قادر ,,لكن الي ابيه منك حاولي
تصلحين غلطتك وحاولي تبيننله ثقتك فيه الموضوع لاينفتح ثاني ولاتعتذرين فيه
حتى لكن حاولي تتحسيسنه انك تحبينه ومعاه تحسين بأمان ,,ادري انك تمرين
وتسمعين اشياء ممكن تأثر فيك لكن افهمي ان الناس موعاجبها شي دامك تحبينه
كل شي بعدها يهون حط بين عيونك زوجي ابيه بعيوبه وحسناته واعتقد راح تلقين
فيه صفات وميزات تميزه عن غيره من الرجال عاديين ,,لأن دامه بهالحال اكيد حساس
والحساس تلقين يخاف على مشاعرك ولايبيلك الأذيه ولاراح يتعمد اهانتك ولا حتى على
الاقل يرضى بزعلك ,,ولاتقولين اشلون اعامله حبيبتي موغيرعن الباقين فشي عامليه
كزوج وحبيب اش راح تعطينه كل ماتقدرين لكن حاسبي قي كلامك ترى حساس متأكده
وانتبهي في الفاظك لاتتعمد التجريح واصبري والله راح تلقينها دنيا قبل اخره ,,اسفه على
الأطاله لكن موضوعك اثر فيني ....اختك بائعة الووورد
شكرا حبيباتي
بائعة الورود00صحيح كلامك بالذات في موضوع انه ما يحب يجرح احد
والله صادقه هو فعلا كذا مو بس معاي حتى مع اخواني واهلي واهله وهو حبوب وعنده اصدقاء
كثييييييييييير لانه انسان طيب ومعدنه اصيل
وازيدك من الشعر بيت انا طبيبه بس امتياز باقيلي كم شهر واخلص
تخصصي باطني ومناظير
يعني اعرف هذي الامور لاننا ندرس بالبدايه عن كل شي بجسم الانسان ببداية دراستنا
وانا اعرف حالته من زمان والان اعرفها اكثر من خلال تقاريره بس حالة الشلل اما المبيت ماتكون واضحه
بالتقارير فقط مكتوب انه قادر على الانجاب واعتقد المتزوجات فاهمين وش قصدي
فأنا سالته عن شي محدد ؟فهمتوا
ولا انا اعرف حالته بالتفصيل وهو فاتح ملف بالمستشفى اللي اطبق فيه
وهو شلله مو سفلي
نصفي يعني جانب واحد فقط من الجسم00فهمتوا؟
اليوم انا عزمته على قهوة المغرب ولقيته مو متحمس بس اصريت عليه ووافق
ويارب اذا جا احاول اصلح غلطتي معاه
وشكرا
الله يوفقك معاه حبيبتي اللي صار صار ولا تفكيرين فيه كثير,,
من وجهة نظري زيدي جرعت الحب عليه هاليومين من رسايل وكلام حلو وبالعزيمة عطيه وردة أو هدية رمزية,,
أهم شئ حسسيه إنك طايرة فيه مرة وتعشقين التراب اللي يمشي عليه ,,,
منها بيحس إنك بتحبيه ومنها بينسى الجرح اللي فيه وإن شاء الله ما يكون فيه جرووووووووووووووح
بالتوفيق
هلا حبيبتي
انا احس اني كسرت نفسه
لان هو يحبني بجنووووون من زماااااااان
وجيت انا وماقصرت فيه
برغم انه انسان رااائع جدا
انا زميلاتي بالعمل ازواجهم واللي خاطبينهم متعبينهم
لدرجه احيان يطبون عليهم فجأه من الغيره والشك
الا زوجي برغم اني اقله تعال مرني العمل نشرب شاي ولا قهوه
بس هو مايحب يضايقني ولا يقيدني ويقلي انا ما احب هالسوالف
والله زميلاتي يقولون يابختك فيه
حتى ماهو من النوع المتطلب
الله يهديه اسلوبه
نرفزنييييييييييييييييييي
تخيلوا قبل شوي متصله اخته تقلي
فلان يعتذر عن حضوره اليوم
انا قلت وليش هو ماعنده لسان؟
قالت انتوا بينكم مشكله صح؟
قلت ايه
قالت طيب هو ما يحب ولا يعرف يواجه؟
قلت وبكره لمن نكون ببيت واحد وشلون نسوي؟
هذا مو اسلوب
ولا وشرايكم؟
انا ارسلت له مسج وعتبت عليه
وقلت اللي بيني وبينك اكبر من كذا
المفروض اذا زعلان مني نتواجه ونتناقش
مو تتهرب
اعطوني اراءكم؟
وحلولكم؟
ح
حنــــــــــــاني يسبق حروفي
عروس مشرقة
01-08-2008 | 06:13 PM
لابصراحه هذا مو اسلوب
اعتبي عليه وخلاص مادام انك ارسلتي رساله لاتتصلي ولاشيء
بس ارسلي (احنا كبار ونقدر نحل امورنا بيننا بدون تدخل احد واظن اني مرتك وتقدر تواجهني ونتفاهم!!!!!!!!!!!!!)
ولاااااااااتتصلي حالياً لان اعصابك مشدوده وحيصير شيء لايحمد عقباه
(آسفه ارسلت الرساله الخاصه قبل مااشوف ردك الاخير)
السلام عليكم
معليش ياأختي موضوعك نرفزني
سبحان الله مافي انسان كامل
خطيبك ماشاءالله عليه مليان حسنات اعاقته ماتمنعه يسعدك
ومن اعاقته انا متأكدة انه حساس جدا
اتركيه شوية لما يرتاح يرجع بنفسه لاتزيدي المشلكة وترسليله رسايل تضايق
وبالله خدي هذا الموضوع درس لكي
ولاعاد تعطي اذنك للناس
الناس اذا دخلو بموضوع يخربوه
طالما انتي تحبيه ويحبك ومبسوطين سوا لا تدخلو احد بينكم ابدا
وربي يوفقكم وترجع احوالكم احسن من اول
شكرا حبيباتي
والله انا اعرف انه حساس
بس انا مابيه يتحسس مني
ابي نكون صريحين مع بعض وهذا اتفاقنا من اول
وانا اعامله كرجل عادي وليس معاق
وسؤالي اعرف انه يجرح ولكن ؟؟؟للأسف صدر مني
والمفروض يقلي مو يرسلي اخته
والله تفشلت منها لانها مو عارفه وش السالفه
وانتوا عارفين بكره بنتزوج وبتصير مشاكل
مو معقول بيتبع اسلوبه هذا لاني ما احبه
حتى لو نتهاوش عادي بس الصمت لا
اختي : أحبه مره ليه ماتكتبين له رساله توضحين له انو موقصدك وتتأسفين له
وتطلبين منه يرجع زي اول ترى عادي زي الأمور هذي تصير بين الزوجين
الله يوفقكم ويرعاكم
لازم تكلمينه
لاااااااااااااااااازم لازم
لازم يرجع لج زي اول هو زوجج اعتذري منه
الله يوفقج ويسعدج دنيا وآخره
اكثري من الدعاء والاستغفار
دعواتج اتزوج ولد خالي والله يرزقني منه بالذريه الصالحه الباره ياارب
هاي احبه مره ------------------
الف مبروك --- اذا انتي مقتنعه فيه ومتاكده ان هذا الانسان اللي راح تعيشين معه طوووول عمرك توكلي علا الله وما عليك من كلام الناس وسؤالك عن النومه غلططططط الرجال حساس من هالناحيه انتي اتصلي عليه عادي ولا ادخلين ثالث بينكم لا اخته ولا احد
الله يوفقك ياأختي والله يمكن المعوق احسن من السليم
أميت مره لا تردين على كلام البنات واحتسبي الاجر من الله والله يهنيج
ان شاء الله ربنا يصلح بينكم يااارب
انتي حاولي تفهميه انه ماقصدك شي بالسؤال بس من الضغوط واقعدي معاه وحاولي تبيني له انك تحبيه اكثر واكثر الين مايهداء وينسى بس مو حلوه انه يدخل اخته بيناتكم صدقيني حلو لما الازواج يحلو امورهم بين بعض ومايظهرو للغير مشاكلهم
حبيبتي لاتلومينه حتى موقفه الاخير
صدقيني هو مجروووووح منج واهووو دام فيه اعااقه بتلاقينه انساان حسااااااس بزياااده
هالشي اكبر شي يهين الريال ويجرحه ويحرجه واهو من داااخله للحين منحرج وشايل عليج
حااولي اتطولين بالج عليه وعالموقف الاخيرر لاتكلمينه باسلوب جاااف كلميه بدلع وعااتبيه انه كنسل الموعد
مثل ماقالوا البنات زيدي جرعات الحب ودلليه بزياده عن اللزوووم
فاجئيه بورد وهدايا بين فتره وفتره
بس حبيبتي اهو فيه شلل نصفي يعني نص جسمه مايحركه؟؟
ما ينلام انتي جرحتيه ...
وانا فيني من طبعه يوم ازعل اسكت وما اتكلم ( الصمت ) ،، يعني هو انسان حساس وايد وأحسن طريقه تراضينه انج تكتبيله مسج طويل عريض تعتذريله وشوية كلام حب وجي ونهايتها عتب .. واتريي يرد عليج واذا مارد اتصلي فيه وراضيه واتوقع بيرضى بسهوله ...
وربي يوفقكم