حلاة اليوم يبتدي حلو من اوله .. صح ولا لا ؟
عشان جذي لاااااااااااازم نحاول كثر ما نقدر اننا نبتديه صح
وهذي افكار لفطور شهي وحلو بنفس الوقت
كتغيير ..
ولتقارب النفوس
وعشان نبتدي يومنا فرش .. ويا محلا الصبح واوله ابتسامه
الفكره الاولى .. فطائر الوافل
شهيه وتقدرين تسوينها بطرق مختلفه
وهذي كمن صوره
فيه فطور اسمه الفطور الانجليزي
وهو عباره عن توست محمص .. شوية نقانق .. بيض .. ومرات بينز
تقدرين تستبدلين الاصناف اللي ماتحبينها باشيا مختلفه
الفكره ان حصة البروتين فيه كبيرة
وهذا ينصح به للاشخاص اللي اعمالهم شاقه ويبيلها مجهود بدني عالي
احلى فطور الجماعي
الكل متواجد والمزاج رايق
ونغمس من هنا ومن هناك
حاولي يكون منوع بشكل كبير عشان ترضين كل الاذواق
هذا ستايل تركي
وهذا ستايل هندي
الكرواسون .. ياعيني على الكرواسون ..
ويا محلاه لو كان على جبن
يمي شنو لذيذ
شكله كثير حلو .. هذي كمن طريقه لتقديمه
التوست وما ادراك ما التوست
تقدرين تسوين فيه بلااااااااااااوي
انا خطر ببالي التوست الفرنسي
والتوست مع زبدة الفول السوداني وشرايح الموز وشوية عسل
للاطفال ممكن تحببينهم بالفطور وتسوين لهم اشكال
عاد انتي وابتكاراتج
انا بحط لكم فكره وانتوا وابداعكم
بالنهايه .. الافكار الرومانسيه
اللي ابد ماتخلص
وتقدرين تتفنين بها على طريقتك واسلوبك
انا يبت لكم شوي .. والباقي عليكم
كلي رجاء
اللي بتنقل الموضوع تراه من تعبي وافكاري وتجميعي
بليز تذكر اسمي ومنتديات عروس
والاهم الدعاء بالخير لي
اختكم الصغنونه
انا الغلا
كل الحب
