>*>*>*>* حملة حواجـــــبي أحلى ما فيني *<*<*<*<

والله حلوه الفكره
وانا عني ماعمري حفيت حواجبي ولا ناوية بعد :cool2:

الله يوفقج
وان شالله البنات يتفاعلون وياج :yes:

الحمد لله انا تركت الحف لي خمس شهور والسبب
اول حاجه زوجي الله يخلي لي هو الي كان يكسلني كل مابي اروح اسويها عند الكوفيرة
يجيب اي مشوار غير الكوفيرة مثلاً البحر السوق اي حاجه تغريني المهم وكمان صار يقول انها احلى
وهي عريضة
المهم وانا كمان عشان اخذت دبلوم اخصائية تجميل صرت اسويها والعب فيها بالمكياج
لدرجة الكل يحسبون اني شايله الشعر الزايد
وغير كذا دايم فكري انك راح تنطردي من رحمة ربنا يوم القيامة لو شلتيها
والله من كثر ماافكر بها الشي شجعت نفسي
تخيلي تخسري رحمة ربنا يوم تكوني بأمس الحاجة لها يوم القيامة
عشان شوية شعر تشيليه من حواجبك
انا اشجعك وانا معاكي لا تستسلمي مافي شي يستاهل تخسري رحمة ربنا
يوم تكوني بأمس الحاجة لها بيوم

go go go go لاتسويها هذ الشهر وراح تحلوي اكثر

""آآآآلاف مبروك ع الهداية وأنا كنت نفس الشيء وكنت أشوف نفسي بشعة جدا وخصوصا عندما أقف أمام مرآة الحمام أعزكم الله ولكني أصررت على ذلك والآن صار لي 9 سنوات وأنا أمشي ع طريق الهداية وصرت أشوف حواجبي أحلى حواجب""
""شكرا لك يارب وشكرا لكل من وقف في طريق هدايتي""

الله يوفقكم

و أن معاكم

حواجبي عريضة و ازمة....

بس ربج يعين

الله يوفقكنا و يثبتنا و يرضى علينا

الحمدالله عمري ما فكرت اسوي حواجبي
وكل ما جفت في صالون وحده تسوي حواجبها وتحمل
الالم على شي ما يسوى يزيد كرهي للحف الحمدالله
ان الله عطانانعمة يمكن محد حاس فيها وانا شجعج حبيبتي
والله يصبرج ويقويج على الصبر عن حف الحواجب وشوفي اذا
انتي مقتنعه من داخل انج حلوه حتى لو ما حفيتي بجوفين عمرج
حلوه وان شاء الله كل البنات الي يحفون يتشجعون انهم ما يحفون
من يدشون موضوعج ويتفاعلون وياج ويكون لج الاجر يارب اللهم اميين

حلوة فكرة الحملة بس الحواجب مو أحلى ما فيني ! :tongue::tongue:

انا بصراحة ما أدري ليش البنات الله يهديهن يحفن الحواجب ويسووهن مثل الخط بصراحة شي مقزز واسمحولي على ها الكلمة بس ها الحواجب تكبر العمر وتخلي الحلوة ابد مو حلوة ...

والحواجب العريضة شوي احلى بمليون مرة وتعطي شكل بريء لوجه المرأة وطفولي وتصغر عمرها بعد خاصة اذا كان فيه "شوية" شعر بين الحاجبين لأنهم يعطوا شكل حلو

أنا ما أحف حواجب صح لكني أشقر اسفل الحواجب وفوق الحواجب علشان يصير شكلهم ارتب وأحلى ولحد الحين ما أدري ها التشقير حرام ولا مكروه ولا حلال ... بعضهم يقولون حرام وبعضهم يقولون حلال وبعضهم يقولون مكروه وكل يفتي ...

رفيجتي يحليلها مبتلاه بحواجب كثيفة واااااااااااااااااايد وبطريقة تنفر الواحد من شوفة حواجبها وهي متعقدة من ها الشي وحواجبها من النوع الغليظ جدا والأسود علشان شي تحفهم من أسفل الحواجب ولما سألتها وقلت لها ليش م تشقرين على الاقل قالت جربت وطلعوا "يضحكون" يحليلها فأنا أقول هل حلال اللي بنفس حالتها يحفون حواجبهم ؟ ولا بعد حرام ؟


وشكرا على الموضوع

انا بعد صار لي سنه تقريبا من تركت الحف والحمد لله الف مررررررررره والله اني حسيت ان وجهي صار احلى بكثير سبحان الله من ترك شي لله عوضة بأحسن منه ..

حلو وااااااااااااااايد الموضوع

انا بصراحة كنت احف بس من تزوجت تركتها يعني صارلي 3 سنوات الحمدلله

كنت احف فترة واترك فترة يعني كنت مترددة بالموضوع

اول ما تزوجت زوجي راح جابلي ورقة من الافتاء فيها وايد نصائح للزوجة ومن ضمنها ان الزوجة المفروض تزين للزوج بما يرضي ربنا وايد علقت الجملة ببالي

والحمد لله صرت اكره الحواجب حتى الصالونات كل ما اروح يتحايلون هاه نحف الحواجب ما ادري شفيهم على الحواجب

من ترك شي لله عوضه الله بخير منه

انا صرت اكره احضر الاعراس والمناسبات الي فيها جمعه كل ما اشوف حواجبي اهون عن الطلعة بس الحمد لله قمت اقول كافي اني حلوة عند ربي بها الحواجب

شعرات بسيطة تطردني من رحمة ربي ما تسوى والله

وربي يهدينا جميعا ان شاء الله

:rolleyes:السلام عليكم
الحمدلله عمري مالمستهم ......................... ولا أحب نفسي بدونهم
الله يهدي الجميع لما يحبه ويرضيه (( الله ماحرم شي إلا لحكمه يعلمها))
ونا ماخليتهم إلاطاعة لله ثم رسوله صلى الله عليه وسلم .
والله يعلم أن حواجبي غلاظ بما فيه الكفايه والله حلوين وما أحب نفسي بلاهم .:o
(y):15:

فكري اختي المسلمة بالتالي؟

كم شعرة من حواجبج ادخلج النار!!!!!
ليش؟
و أساسا الحواجب فريم الوجة يعني إطار الوجة دققي في وجهك بالمرآه و ستتأكدين من ذلك

إذا بغييتي تعلقيين صورة حلوة أو تحليين الصورة اللي عندج أكيد بتدوريين إطار و على حسب طبيعة الصورة تحدديين الإطار و إختيار رب العالميين لأي انسان هو أحلى من أي اختيار...

فكري!!

أرجوا من الله لي و لكم الثبات
:wink:

هلااااا

موضوعك روعـــــة حبيبتي

الله يكتبه فيه ميزان حسناتك

ويثبتك ويثبتنا وباقي البنات

آمين

^_^

انا لعبت في حواجبي مرات معدودة بروحي بالملقط وانا صغيرونة خخخخ

بس الحمدلله تركت هالشي يمكن صارلي 5 أو 4 سنوات

لأني الحمدلله حواجبي ضعاف ومرسومين بس طمع بني آدم ومن باب الموضة كنت ألعب فيهم

بعدين طبعا تركته ..... حتى يوم مكلتي أهلي يقولون لي معقولة ما بتحفين!!!!

قلتلهم طبعا ما بحف وأصريت على راي

والحمــــدلله

^_^

عقبال كل بنت تحف

الله يحفظكم ويتمم عليكم

وجودكم أسعدني وااااااايد وسبحان الله تجاربكم حيل مشجعة

بالفعل أول الوقت الإحساس أبداً مو حلو وتقريباً هذا اللي أعيشه الحين لأن الشعر طالع بشكل مزعج .. لكن إن شاء الله الموضوع بس محتاج صبر والشعر بينعم ويرجع على طبيعته

الله يتمم علي وعليكم ويثبتنا على طاعته ويهدينا أجمعين لما يحب ويرضى

وربي لا يحرمني من وجودكم جزاكم الله كل خير :)

وعليكم السلام ورحمة الله وبركاته ومغفرته

اختي وحبيبتي بشه
الله يهديج هدايه لا تضلين من بعدها ابدا
ويريك الحق حقا ويرزقك اتباعه ويريك الباطل باطلا ويرزقك اجتنابه

انا عن نفسي ما فكر اني احف حواجبي
بس ماقص عليج اشقرهم
الصراحه يطلعون جنهم محفوفين
حتى اكثر من وحده تنصحني وحلف لها اني مو جايسه حواجبي

المهم الحين لج هو الثبات
لان اصعب مرحله بتمرين فيها
وقت بداية طلوع الشعر
بتحسين ويهج وصخ ودج اتغسلينه
بسبب منابت الشعر الي باديه تطلع

عاد هني بيشتغل عليج ابليس وشياطينه وسوسه
اعوذ بالله من الشيطان الرجيم
ليش لان حلف الا ادخلنا جهنم معاه

حزتها حطي في بالج انج بين اختيارين
الاول رضى الرحمن
والثاني سعادة الشيطان

الله اثبت قلبج على طاعته وما يحب من القول والعمل
اللهم امين

اختج
mothercare

موفقين و الله يثبتكم :)


انا ما احف و ولا افكر





ان شاء الله نشوف اقبال اكثر من العرايس




تحياتي
:9_33:

يا قلبي يا mothercare كلامج يهبل والله
ربي يسعدج ويوفقج ويجازيج كل خير
صاجه الحين قلبي يعورني على شكل حواجبي .. أحس شكلي مبهذل وويهي بالضبط مثل ما قلتي أحسه محتاج غسال :(

الله يثبتني ويثبت كل وحدة نوت اتهد حواجبها على حالهم .. والله أحس براحة نفسية بشكل كبير وأتمنى البنات يشاركوني فيها

--

maiooona

الله يتمم عليج يارب وناطرة إقبال البنات :)

سبحان الله صارلي كم يوم افكر بهذا الموضوع وان شاء الله انا نويت عليه بعد تشجيع البنات وزوجي بعد

كنت احف بس الحمد لله تبت لي يمكن سنة وانشاء الله مارجع توبةةةةةةةةةةةةة

لله يثبتناوإياك على الطاعه
قرار راااائع

الله يثبتكم

انا حواجبي كانت عاديه بس قلت لا لازم اعدلهم

من بديت اشقرهم واقصهم ماصاروا يضبطون

بس الحمدلله ماحفيت ولا افكر احف..