قصه عذاب اقصد ولاده امي

مرحبا بنات شلونكم ان شاء الله كل شي تمام


ابشركم امي ولدت يوم الثلاثاء الساعه0:15 am

طبعا راحت يوم الاثنين بعد صلاه الظهر للدكتوره بديعه في مستشفى العرف على اساس ان موعد عادي ومافي اي مظهر او اشاره ولاده
دشت على الدكتوره
قاست الضغط واطلعت عيوووووون الدكتوره
قالت انتي لازم الحين ولاده لان الضغط مرتفع << امي ماكانت تحس ان الضغط مرتفع يعني لاصداع ولا زغلله ولا شي كان كل شي طبيعي بس الدكتوره تقول الضغط هذا صامت قاتل
امي قالت طيب بروح البيت اجيب اغراضي انا مو جايبه شي
قالت قبل يومين كانت في حاله بمستشفى الجهرا حامل كانت اتراجع عندي بمستشفى العرف(خاص) وحذرتها من الضغط بس هي ما اهتمت وبعد ولادتها بيومين توفى الجنين لا حول ولا قوه الا بالله
اهني امي خافت ووديناها الدور الثالث طبعا باب شفاف مكتوب ممنوع دخول الغير عاملين ودشت امي ومعاها السستر

هالكلام الساعه وحده الا ربع الظهر يوم الاثنين

رحت البيت وجبت الاغراض كااااامله ووصلت المستشفى مره ثانيه على الساعه 3 ونص
تابعت سنوات الضياع بالغرفه اللي حجزناها 480 دينار
طبعا الغرفه مو كبيره حيييل اهيا ارخص الغرف الموجوده والمستوى الثاني ب 580 والاجنحه الملكيه ب 680 مع الولاده والاقامه يومين
كنت ابي احجز اللي 580 بس كان المستشفى فل كل الغرف موخوذه الا ام 480 لا وغرفتين بس
اهيا مو مو حلوه بالعكس المستشى روووووووووووووعه والخدمه اروووووووووووووووووع والدكاتره فظيييييييييييعيييييين

جد جد جد بنات والله تعاملهم حلو والدكتور منصور العرف فظييييييع الله يجزاه خير

طبعا كل ساعتين ادق على قسم الولاده لان ممنوع ادخل
دقيت الساعه 6
قالتلي الفلبينيه 1 سم قلت يالله الحمدالله بدت
طبعا عطوها طلق صناعي لان مثل ما قلت ما كان فيها ولاده

دقيت الساعه 8:30 وقالت السستر 4 سم يا الله الله يسهل بدت بدت
دقيت 10 الا ربع قالت للحين 4 دقيت 11 وربع للحين 4 سم قلبي قرصني قلت امي فيها شي
الساعه 11:45 بليل دقت الدكتوره بديعه وقالت لابوي نبي موافقتك نسويلها عمليه !!!!!!

عمليه !!!!!!!!!!!!!!!!!!!!!
لان الرحم موراضي يتجاوب مع الطلق
والجنين تأذى لان الماي كله طلع

المهم اولدت على خير الساعه 12 وربع بعد ما وصل الدكتور منصور العرف

من غير طواله الحمد الله جابتلنا بنوته حلوه
الله يصلحها ويخليها
>> تعبت:eek: