التوافق الفكري بين الزوجين (( قضية ساخنة ))

هلا اختي

حاولي تعرفين ليش زوجك قال انكم مو متوافقين فكريا ؟

يمكن لانه جاد ويفكر في امور السياسة والقضايا ( اغلب الشباب جذي ) انتي بعد اقرئي عن هالاشياء وافتحي معاه حوارات ونقاشات خليه يتفاجأ منج ..

مثال .. انا زوجي يمووت في شي اسمه كورة يعني ايام الدوري او الكاس اف انقهر ما اطيق اقعد وياه وحسيته يتضايق ويبدل القناة بس عشاني .. قمت وغيرت من نفسي وصرت اتابع اخبار الكورة واسوي روحي فلته اجي اساله عن اللاعب وهذا يعرف يلعب وهذا لا وزوجي مستانس مبطل بوزه شبرين ومن يحطون المباراة اقعد وياه ونتابع ..

شفتي اشلون صار توافق بيني وبينه

انتي حاولي تسوين مثلي تتقربين وتفهمين من الاشياء اللي هو يحبها
لان الرجال بطبعهم مو رومانسيين مثلنا احنا البنات ...

والله يوفق بينكم يارب ويسخره لج :)

مرحبا اختي ...

عدم التوافق الفكري هذا مش عيب او مشكلة ... في نظري ... انتي بنت وهو رجل ... انت من عايلة وثقافة مختلفة وهو نفس الشئ .... اهتمامتج كبنت تختلف عن اهتماماته كرجل .... وللاسف الرجل الشرقي مهما وصلت مرتبته العملية ومكانته الاجتماعية يظل يطالب المرأة بالتوافق الفكري وهو ناسي انها من جنس وتركيبة غير عن جنسة وعن تركيبته .... ولكن فيه نقطة وسط ... يعني انتي كبنت اهتماماتج وكلامج كله مكياج وشوبنج ولبس والخ وهو يا سياسية يا كورة الخ ... بس تظل شغلة وسط ممكن تجمعكم ... يعني مثل ماقلتي الكلام عن اهله او اهلك ... الكلام عن الفن ككونه شئ مشترك ... عن القضايا الاجتماعية والحوادث اليومية ... عن شغلج او دراستج اذا كنتي تدرسين او تشتغلين اشركيه في هالشئ ( طبعا لو كان مجالج محايد مش مجال بناتي ) ... حاولي انتي تخلقين مواضيع واهتمامات مشتركة ... اقرأي كتب ثقافية ... النت مليان مواضيع ... حاولي تكونين انسانة خلاقة ... كوني المبادرة بالكلام بالبداية بكون صعب بس مع التكرار راح يصير الموضوع سهل ... ولا تتوقعين انه مع اول مبادرة راح يتجاوب معاج ممكن مرة او مرتين وبعدين راح تلاقينه هو اللي يجي ويسولف وياج ...

الله يوفقج اختي ... واتمنى لج حياة سعيدة :)

شكرا بنات افدتوني كثير

عدم توافق فكري؟.!!!! بعض الناس يقولون هالجمله وانا أجزم انه نص المعاني اللي تحملها هم بالاساس مش فاهمينها.. بس ما علينا

اول شي هل يوجد فارق كبير بالعمر؟؟؟ هل يوجد فارق كبير بدرجة التحصيل العلمي؟؟؟ هل يوجد فرق في البيئة المحيطة وطريقة التربية؟؟؟!!! اذا كانت الاجابة بنعم ... شي طبيعي بيكون في عدم توافق فكري واذا الاجابة لا فانا أقول انه ما كان في داعي تنقال هالجملة .... يمكن لانكم لسه مش عايشين مع بعض عشان كذا مش عارفين تتكلموا في شو ولا عن شو... الواحد يتوصل لقناعة " عدم التوافق الفكري" عندمااا يكون معاشر الشخص الثاني " ليل ونهار" او عندما تكون الاسئلة السابقة إجابية مش من مجرد خطوبة ... الحكم لسه بدري

واذا مافي توافق فكري بينكم ؟؟.. مو مشكلة حاولي تسألينه شو يعني توافق فكري وكيف ممكن اتوصل له معاك... لانه هو اللي لازم يقولج كيف تتوصلون له ... احنا ما نعرفه ولا نعرفج يالغاليه ... هذي المسألة يجب انها تنحل من بينكم... ومع التعود والمعاشرة .. انتي راح تتعودين على مواضيعة وهو راح يتعود ع مواضيعج وبتصير المواضيع تنفتح تلقائيا مافي داعي للقلق

هذا رأيي والله أعلم

تقبلي تحياتي

كلام اختي دموع الكوثر عين العقل...بس هذا مو معناه إلغاء لشخصيتك بلعكس انتي اتفقي معاه لازم يشاركك اهتمماتك مثل ما انتي حتشاركيه اهتمماته....والله يوفقك ويسعدك

سبحان الله الحال معكوس
انا وخطيبي بالعكس انا فكري واسع واحب اتكلم بكل مواضيع الحياه وهو ما عنده الا سوالف اطفال
سيارات وسباق وتفحيط واذا حب يتفلسف تكلم معي بالكوره المباريات
بالبدايه حسيت اني مخنوقه وودي اتركه لان فعلا مافي اى توافق فكري بس جلست افكر وافكر ووصلت لحل
الحل حبيبتي موجود بيدك ويده يعني تساعدون بعض...
انا صرت اجبره يتناقش معي بمواضيع الدين والسياسه غصب عنه وهذا عن طريق استفزازه واني اقول كلام ما يدخل العقل علشان هو يدافع ويتكلم بلي يعرفه ولو كان بسيط بس يسعدني
وانا من جهتي صرت اقرأ اكثر واكثر عن طريق الانترنت عن السيارات والكوره وصرت خبيره خخخخخخخخ
ودوم اسولف معه بلي يحبه وصاااااااااار يموت على السوالف معي يعني ما نلحق نخلص من سالفه الا ندخل بجديده عن طريق الحوار المرح وحسن الاستماع من جهتي وجهته.
حبيبتي بالحب تقدرين تكسبين فكر خطيبك وتكوني صديقه لك وتشاركينه هواياته بل وتكوني اقوى منه بالتكلم فيها وتكون عندك معلومات...
يعني شوفي ابرز الاشياء الي يهتم فيها وحاولي تتثقفي فيها علشان تقدري تناقشيه ويكون الحوار بينكم مثمر وجميل
وترى هالشي مو علشانه لا بالعكس قبل كل شي علشان نفسك وهالشي بيزيد ثقافتك ويقوي شخصيتك...
يعني انا اى انسان بهالدنيا اذا حاول ينقص من شأني ويقولي انتي ما تعرفين شي بالموضوع الفلاني ما ازعل بالعكس افرح واقول نبهني لهذا الشي واروح اتعرف على الموضوع اكثر واكثر واثقف نفسي وكل يوم عن يوم احس ان عقلي اكبر بكثير من عمري وهذا هو مفهوم الثقافه وهي المعلومات العامه...........
الله يوفقك
تحياتي

وانا مع كلام الأخت hend_unreachable
التوافق الفكري يبان مع الأيام والعشرة ومضي السنوات .. ماتقدرين تحكمي على شخص تميتي معاه شهر إنه مب متوافق فكرياً معاج .. مثال طبعا هذا..

وشي طبيعي بتكونون مختلفين في بداية الحياة المشتركة بينكم.. انتي خذيتيه ماتدرين شنوا للي يدور بعقله وهو خذاج مايدري وش اللي يدور بعلقج ..

حاولي تتناقشين معاه في المواضيع اللي هو يحبها وهو يتناقش وياج في المواضيع اللي انتي تحبينها وبعدها كل واحد منكم راح يفهم عقلية الثاني..

التوافق الفكري يجي بس مع مرور الزمن .. وفعلاً ترى كلام خطيبج صحيح .. توافق العقل مهم تماماً مثل توافق القلب..

الله يوفقكم مع بعض وتفهمون بعض أكثر وأكثر

حبيبتي التوافق الفكري من رأيي ما بينحكم بوجوده من عدمه بهالسهولة ... وانا مع الأخوات انو مشاركة الطرف الثاني اهتماماتو بتفتح مجالات جديدة للحوار وبتقرب من وجهات النظر ...
تقبلي مروري

انا عجبني راي اختي دموع الكوثر انا كنت اقول لخطيبي انه انت شب وانا بنت اهتماماتك كشب غير اهتماماتي انا اهتم بشي وهو يهتم بشي وما كانت تفرق معه بس لما احسه حابب يتكلم بالسياسيه اصير ا قله خبرني عن كذا ليش صار كذا واحكيلي عن السياسه ويصير يحكيلي عن السياسيه ويفهمني ايش احوال السياسه وانا ابينله اهتمامي في الموضوع واني حابه اتعلم السياسه منه . بس اللي كنت الاحظه كان يتصل فيي ويقلي انااالان احضر كرة القدم احضريها
او مش فاضي احضرها احضريها وخبريني ايش يصير وكان يفرح بغير يوم لما اقله اني حضرتها من غير مايلطب مني ( يعني مره قلي صايره تهتمي بالكوره ) حكيتله عشانك وعشان انت تحبها انا احب اللي تحبه كثير فرح ممكن تسوي معه كذا
تقبلي مروري

كلامكم عين العقل وراح اعمل به مشكورين