نحكيلكم حكايتي

السلام عليكم
كيف حالكم اخواتي وكيف اخباركم
حبيت في اول مشاركة لي احكيلكم عن حكايتي في الغربة
حنبداء من الاول من يوم ما كنت بنت وكان حلم حياتي اني اعيش في بلدي ليبيا وما اطلع منها ابد حتي الزواج والله ماكنت افكر فيه نبي نشتغل واعيش حرة ؟؟؟:(:( افكار زمان:o المهم اتخرجت واشتغلت بعد 3 سنوات حصل اللي حصل زي مابقولو اخواتنا في مصر اتنيلت علي عيني وحبيت :15:وطبعا انا باب الحب عندي مقفول ولقفل والمفتاح مش عندي ومانعرفش وين المهم جاء الي البيت وتقدم لخطبتي وتحدد كل شئ عن العرس زوجي كان حلم حياته نعمل شهر عسل في مصر (y) بس انا قتله نبي شهر العسل في بلدي قالي مش مشكلة نمشو مصر وبعدين نعملو شهر عسل تاني فب بلادنا (i) قتله اوكي
المهم يا بنات سامحوني طولت عليكم
المهم قبل العرس بشهرين خطيبي قالي انا بنسافر الي الصين في شغل :confused::ss::eek: قتله كيف والعرس مازال عليه شهرين والحوش ...كلمة حوش عندنا معناها بيت...قتله كيف والحوش مازال الاتاث فيه ناقص قالي مش مشكله لما نتجوزو نشرو الاتاث الناقص مع بعض :( قلت اوكي مرة تانيه
المهم فاتو الشهرين(o) ورجع شن تتوقعو يقولي خطيبي ؟؟؟؟
قالي اعملي حسابك بنمشو نعيشو في الصين:eek:
وزي العادة قتله اوكي:confused::confused::confused:
وانا مانبيش نسافر
المهم عرفو اهلي بابا ماقال شئ لكن ماما زعلت وبعدين اتجوزت قعدت في بلادي الحلوة 26 يوم بس
وجيت الي الصين
:confused: شن كان اراجي فيا في الصين اااااااااااااااااااااه يا بنات قريب جنيت لكن طبعا ولا اه من الاهات وصلت لزوجي مع انه والله كان حاسس بيا
المهم الشقة اللي اجرناها او المكان اللي اجر في زوجي ممنوع تركبي ستالايت ياناااااااااااااس في الصين ممنووووووووووع يعني تلفزيون عربي لا
اوكي ...جيران عرب بجنبي لا
اوكي... نت لا
يعني معزولة عن العالم تقريبا
وزوجي بطلع الشغل من الساعة 10 بيرجع الساعة 8 طول الوقت وانا لوحدي تعرفو قريب بديت نتكلم مع الحيطان تعرفو قعدت علي هدا الحال حوالي 3 اشهر ااااه
لغاي ماربي رزق زوجي بشقة في حي اخر اي نعم من غير تلفزيون لكن في جيران عرب عرب عرب عرب وليبيين هلبة ليبين غادي لين بكيت من الفرحةوبعدين ركبنا نت وتوا احتمال انغير شقتي ونمشي لشقة تانيه بس في الحي واركب ستالايت
هي الستالايت ممنوعة لكن مش في كل الاماكن اماكن قليلة في الصين تسمح بتركيبها لكن ممنوعة منعا باتا علي الصنين انفسهم ليش مابعرف طولت عليكم سامحوني خلص قريب انكمل
الطامة الكبرى من يومين كلمني زوجي وقالي انا قررت انعيش في الصين طول عمري الشغل هنا افضل وطبعا اختكم زي العادة قالت اوكي:confused::confused::confused::confused::confused:
وانا قاعدة صابرة وانشاءالله ربي يفرج عليا وغير زوجي رايه
وفي الاخير ادعولي بنات الله يرزقني بالدرية الصالحة
والسلام عليكم