انا برد عليج من تجربتي ومن تجربه اقاربي المقربين وايييد وكيف يتعاملون مع عيالهم:
1- ابي اسافر انا وزوجي ونستانس وقالي يبى يعوضني عن شهر البصل اللى كان اول ماعرسنا بس كيف وويانا الصغيروون المتعب؟؟ يعني اللى عندهم اطفال مايسافرون ولا يستانسون
لا اللي عندهم اطفال يستانسون :yes: ليش لا؟؟ لا تقنعين نفسج انج ما تقدرين عقب خلاص بتتكيفين على هالشئ!! ياتني اوقات فكرت نفس هالتفكير واقول كيف بطلع وانا عندي 3 يهال كيف برتاح، اقلمت نفسي اني بعيش حياتي مع عيالي وابوهم يتحمل معاي المسؤوولية ونعيش عادي ونستانس بحياتنا بوجودهم
الحين عندي 3 يهال، اقعد افكر اقول انا لما كان عندي واحد كنت اتشكى احس اني كنت....!!! لأن الولد الواحد سهل تربيته جدااااااااااااااااااااا غير عن 3 واعمارهم متقاربة
بامانة ما كنت اخذ بطلعاتي لأي مكان غير ولدي الكبير
الحين صرت آخذ الكبير والمتوسط __________> والصغير بالبيت
انتي قلتي بالبداية ان ولدج ما يطلع ولا يشوف حد وهذا غلط كبييييييييييييير انا جربته مع ولدي الثاني
صراحة ما كان يطلع ولا يشوف حد وصار انطوائي، قعدت ادور حل، قريت بمواقع اجنبيه واترجمها بروحي كيف اتصرف مع ولد بها الحالة،لما بديت اطلعه واوديه العاب واعرفه على بعض اقربائه وطلع وشاف الدنيا، تغير 180 درجة وصار حبووووووووووب وااااااااايد:888345:
فانتي___< الحين ابدي طلعي ولدج حتى ولو ضايق بج، (استحملي)المهم يطلع من البيت لازم يشوف الناس ويتعرف عليهم، وصدقيني بتلاحظين تغير عليه، خليه على راحته بس ابعدي عنه الاشياء المب زينة
اشتري له اشياء يتعلق فيها ويحبها
اكيد اذا خيتيه مشوار وراج بتاخذين له العربانة ، يقعد يبكي خليه يبكي وطننننننننننننننشي مولية الا اذا زاد عن حده وزاد البكي
عطيه حليب او مصاصة، بتخافين انه يتوسخ خليييييييييييه يتوسخ اكيد انتي تشيلين شنطة فيها اغراض ولدج شيلي معاج 4 بدلات او 4 عادي شو يعني؟؟!!!
اشتري له العاب يقدر يشيلها او تنحط بالعربانة بس فيها موسيقى او اصوات تلفت انتباهه!! جربي وشوفي وباذن الله بتلاقين حل له:yahoo:
قمت اطلع عيالي، الحمد لله يستانسون واااااااااايد ، ما يتمون بالبيت وايد مثل قبل: ان شاء الله اطرشهم بيت يدتهم عادي طول اليوم المهم يتعلمون انهم يطلعون برى البيت
اخليهم يروحون بيت اخوواتي عندهم يهال ما شاء الله وانا اصغر خواتي اللي عندهم عيال
يعني نهاية كلامي حاولي تفجين لا تخلين ولدج طول الوقت معاج، شوي عن ولدج خليه يبكي شوي عااااااااااادي كل الاطفال يحنون ويزنون قوي قلبج بس:smile:
3-وللدى لين الحين فاقده معاه النوم المتواصل هو نومه استوى احسن وصاير يقوم كل 3 او 4 ساعات بس بالنادر اذا يقوم كل ساعتين مثل قبل او كل ساعه بس هل كل الاطفال جي متعيبين ؟؟ علما انه بييكمل السنه ؟؟
ولدج اكبر من ولدي بشهر تقريبا،فظروفي علشان عندي اثنين غيره وكله اشتغل بالبيت واااااااااااااااااايد ومب قادرة اوفق شوي، اشتريت له هزاز من بيبي شوب، نفعني واااااااااااااااااااااااااااااااايد بالنووووووووووووم:up:
هذا الهزاز يستخدم من الشهر الاول عادي..بس انا شاريتنه من الشهر الخامس، والله للحين نافعني من بعد الله سبحانه وتعالى
فيه درجات للهز من رقم 1 الى 6 وموسيقى اطفال هادئة جداااااااااااااااا، تخليه ياخذ راحة ويصير هادئ و يناااااااااااااااام
تنفع للاوقات الحرجة :21_177:
المفروض ولدج خلاص تعلم ينام بالليل ويعرف ان هذا ليل وهذا نهار
من اول ما يقوم الصبح عطيه سيريلاك
عقب خلاص بيكون نشيط خليه يلعب يطلع طاقته كلها ( لين اعتقد وقت الظهر اكيد راح يجوع )
اقعد ولدي بها البيت الكبير بس اشيل الاشياء الصعيرة، واخليه وانا مطمنة
بعد هذي لعبة حلوة يتنططون عليها ووايد ولدي يحبها تخليه ينط لين يتعب ههههههههههههه
انزين وبعدين ، عقب غديه ورقديه ،بعدين العصر بيقوم وبيظل لليل بعد يلعب: عقب عشيه وبينام وخلاص يمكن يقوم مرتين وينام بس يبي حليب
بالليل لو حاولتي فيه ينام وما رضي، اقولج عطيه وجبته بالليل، حمميه ضروري، اي طفل لو تحمم واهو شبعان بينام باذن الله وبيروح بسابع :21_165: نومة ودخليه بالسرير واطفي النور وخليه بروحه وانتي عنداله، شوفي تلفزيون او اي شئ او شغلي له قرآن
خليه بالسرير عنده العاب ، صراحة انا اخلي لولدي العاب، يقعد يلعب بروحه لين يتعب ويناااااااام ، من اشوفه نام اغطيه واطلع من الغرفة، تاكدي مهما قام وهو مرتاح ما راح يبكي بيشوف العاب حواليه وبيفرح، بالاضافة اني اشغل سبيس تون واقصر شوي واطفي النور يقعد يطالع لين يرقد
يعني عندي اكثر من طريقة على حسب الظرف اللي اشوفه المهم ارتاح منه وينام
ولدي اعطيه مصاصة ( وهذا الوحيد اللي اخذ المصاصة) عند اللزوم تريحني صراحة، من احس انه قام بالليل اعطيه على طول او اخلي المصاصة عنداله بروحه ياخذها ويحطها بحلجه وطبعا تكون مسكرة اهو يفتحها
- هل كل الحمل مثل بعضضه؟؟؟ ولدى هذا تعببت فيه بالحمل ادوخ جدام الناس وازوووع ...هل الولادات كلها مثل بعض ؟؟؟
اكيد الحمل متعب والولادة متعبة وتربية الاطفال متعب، بس احنا انخلقنا وهذا دورنا نحاول نربي عيالنا ونريح ازواجنا، الزوج بيشارك زوجته قدر الامكان بس تاكدي ما يقدر يقوم بدورها صعب جدااااااااااا، انتي خلج شطورة واتحملي وحاولي تريحين ولدج علشان انتي ترتاحين وتقابلين ريلج وانتي بوجهه بشوش
..اتخيول لما رحنا المطعم كان اول مرة اخذه ويياه قبل كم يوم قاعده اكله من اكلنا واكل مثل المينونه ونسيت البرستييج جدام ريلي كل ها ادري انه ولدى مجرد يخلص الاكل (ترى ماياكل وايد )بيطلب حليب وبيصييح وفعلا سوااها وريلي حتى قام من اكله ومسكه لى واليوم الصببح جدوله في النوم كان كالتالي
نام 10
قام 2
مانام الا 3 الا ربع
رد قام 6
بس مارضعته
قام 7 رضع مرضعه وتم لين 8 وشوي واخر شي قام على 9 يعني اقل من ساعه ..على فكره لين الحين انا ماعرفت السر لما ارووح بيت اهلى ينام مرات طوووووووول الليل لين الصببح وامى اتقول من المكيف لانه بيتي انا هدووووء ...هل كل الاطفال نفس الشي؟؟
ما اعرف بس احس جدولج بالنسبة لنومه غللللللللللط!!
مبين ما ينام وايد ، نومه متقطع!! بس انتي اتبعي طريقة البنات وطريقتي من بينهم وباذن الله بترتاحين ..والله خذي راحتج دام عندج بس واحد الحين باجر لي يبتي اثنين وثلاثة شو بتسوين؟؟:21_178:
بخبرج شئ: بالنسبة لما تطلعينه وراج مطعم/ شو رايج :think: تشترين له كرسي خاص للأطفال: اللي يبيعونه بايكيا وتعلمينه عليه بالبيت
كل ما تعطينه وجبة تقعدينه على هالكرسي، علشان اذا سرتي مطعم وخذيتيه يكون متعود :smile: وما يخاف ولا يصارخ!!
اانا باخذ لي يديد خشبي بغير اللي معاي/ لرمضان الحين من ايكيا او من مذر كير، عودت ولدي عليه وعادي،ياكل عندالي انا وابوه بالمطبخ
احيانا اخذه معاي لما اكون مضطرة واقعده عليه وما يخاف لآنه متعود عليه، وبالشنطة مالته حطي له كوب فيه ماي طبعا خاص للأطفال، ورضاعة حليب، وروب او اي شئ ياكلونه الاطفال علشان تعملين حسابج يمكن ما ياكل من الاكل اللي تاكلينه او ما يعجبه!!
لازم تأمنين كل شئ علشان ما تتضايقين ولا تخربين الجو مع :1_81: ريلج
هذي الحلول اللي في بالي الحين واللي قدرت احصرها بالرد
سامحيني لو قصرت
:smile: