قضين نصف عمري اضحي 00 وش بقى يا اخوات ؟؟؟؟؟

صباح الخير

مدري شفيني اليوم قايمه ضايق صدري 00بقولكم السالفه وعطوني رايكم يابنات

انا الحمد لله تزوجت من زوجي وماكان عنده شي وانا ولله الحمد بنت عز

لما هو جاء يخطبني قالي ابوي يابنتي ترا الرجال ماعنده شي وعلى قد حاله اذا بتقدرين تعيشين معه ولا خليه يروح بحال سبيله قلت له اللي تشوفه يبه

ابوي في اعتقاده ان الحرمه تجي برزقها فعلا الحرمه تجي برزقها والصراحه ابوي ماكلف عليه بشي وقال خذها بعباتها

وانا الحمد لله يعني دايم كنت اقول انو زوجي بيقدر الشي هذا واكيد اذا ربي رزقه مابيقصر معي وبيعوضني

وفعلا تم الزواج اصلا مافيه زواج جاء هو وابوه واخوه وتقهووا وحط لهم ابوي ذبيحه تعشوا واخذني زوجي ورحناااا

طبعا انا تزوجته مامعه عود اسنان لا بيت 00وشو بيت اقول لا شقه 00اي شقه ؟
بقول لاغرفه ولاسياره ولا غرفه نوم حتى

واللي مثل زوجي يابنات مايتزوج ولا بعد 20 سنه 00
ابوي الله يجزاه خير ماقصر معهم لانه يعرف ابوه من قبل 30 سنه 00 المهم

توقعت ان زوجي بيقدر الشي هذا 000 لكن للأسف 00

يعني انا تزوجته وهو عليه دين يعني من قبل اتزوجه وهو عليه ديين في البنك
ولما تزوجته ماحملته ديون 00 بالعكس الا قصرت على نفسي عشان يسدد ديونه
كان مهري 10 الاف بدون ذهب وبدون بيت وبدون غرفه نوم وبدون زواج وبدون حتى حفله صغيره

وابوي رغم هذا كله ماقصر معنا كان يرسلي المصروف للبيت وامي ترسل لي القهوه واللحم والدجاج يعني والله اهلي ماقصروا
لكن زوجي الله يهديه 000 كان دايما يوم يسولف ويقول اذا جتني فلوس ابشتري لي افخم سياره وابفصل ثياب على 500ريال وابشتري لي ساعه الفلانيه وووو

وماكان يذكرني بشي 00مايقول يازوجتي انتي صبرتي علي واذا الله رزقني بعوضك وبشتري لك غرفه نوم او بلبسك ذهب او او او

والله يابنات يحز بخاطري نفسي انه يذكرني بشي
انا ماكلفت عليه بشي ولا سويت مثل ماباقي الحريم يسوون احاول اوفر له
حتى ابوي يوم يرسل لي مصروفي ما اشتري فيه واوفره وزوجي بكل بساطه يصرفه على حلااقه
وعلى بطاقات شحن وعلى اشياااء تافهه

مايقول زوجتي اولى 00واذا طلبته مصروف او قلت ابي الغرض الفلاني نفسي بالشيء الفلاني يطالعني بأستغراب يعني كني ما استاهل اللبس كني مو مثل باقي الحريم

دائما يقول اذا اخذت قرض بشتري لي سياره فخمه وووو
لكنه مايذكرني بشي حتى لو بالكذب لو بس يواسيني

يابنات انا اللحين ولله الحمد ماعندي شي لاذهب ولاساعه ولا اي شي والحمد لله

ولما قعدت اتكلم معه قلت له شوف ترا انا تزوجتك وانت عليك ديون انا ماحملتك ديون انا احذتك وانت محمل بالديون وصبرت وتحملت نفسي بغرفه نوم نفسي بساعه
اي شي ابي احس اني انثى

قال عاد انتي تزوجتيني وتحملي 00

ودي اقسي قلبي واقوله عطني مصروفي ولاعلي منك 00ودي اقسي قلبي معاه واحمله مسؤليتي

حتى اذا ابوي عطاني فلوس اروح اشتري فيها له 00وانسى نفسي
واخر مره ابو عطاني فلوس 00 اخذ منها وراح يشتري فيها شي تافه بدل ما يعطيني ياخذ مني

وللأمانه هو احيانا يعطيني مبلغ بسيط وانا اوفر الفلوس لكنه يرجع ياخذها

يابنات شوروا علي

رمضان جااااااااي والعيد عالأبواب الله يبلغنا رمضان وياكم على خير ان شاء الله

شورا علي وش اسوي 00ترا العيد اللي راح ماشريت شي ولا سويت شي

ولارحت عند احد بس سلمت عند الباب وانا بعبايتي وطلعت

الله يرزقني وياكم ويرحمنا رحمته

عطوني اااااااارائكم يابنات وش اسوي