اعطوني حل

الله يساعدش اني اقترح عليش تحذفين جم قناة وتردين ترجعينهم وقت انتي اللي تبغينه يقعد
بس بشرط ما يشوفش
وفيه اقعدي هذري وياه من تشوفيه يقعد يبي التلفزيون تسولفين ويا ه تلهينه واذا شفتيينه عاند وما عطاش وجه قولي ليه اذا تبي تطالع الرسوم لازم تقعد بعيد يعني تحددي ليه مكان على طول يقعد

وعلى سالفةالرسوم كل الجهال جدي من يفهمون على بدهم كل يطالعون الرسوم لا تخافين عليه

هههههههههههههههههههههههههههه
الله يخليه ويحفظه لك ... انا بنتي توها 4 شهور يعني بدري على هالتصرفات .. بس بقولك اللحين اكثر الاطفال يحبوا الرسووم الكرتونيه بسبب سبيس تون وغيرها وتراا عادي خليه ... شئ طبيعي جوووودا جووودا
بقولك حل يمكن يفيدك ...
حاول تندمجي معه يعني تشاهدي معه وتسأليه ايش صار وليش كذا .. للمراقبه طبعا ..واربطي الاندماج بتصرفات ثانيه معه يعني خذي الزين وطبقيه معه والشين وارميه .. سوي له جدول بغرفته يشاهد بوقت معين وياكل بوقت معين ... زي سوبر ناني هههههه

وصبري عليه تراا لسه باحلى مراحل حياته خليه يستانس ....
تحياتي نوقطه

مرحبا..

أم عسول شوفي..

مو أنتين تقولين تخافين على نظره..

قولي اليه .. اذا تطالع رسوم متحركه وااايد.. وزياده عن اللزوم..

وتلصق في الشاشه ولمدة ساعات طويله..

بتلبس نظاره .. وما بتقدر تشوف عدددل الا بالنظاره ..

وبتصير غير عن ربعك واصدقاءك والاهل .. كله عليك نظاااره..وما بترتاح في اللعب وفي المطالعه..

ومن هالسوالف..

هذا الحل اللي جى على بالي..



وان شاء الله باقي الامهات يفيدونش..

والله ماعندي فكره


الله يبلغني لمابنوتي وحيدتي تصير بنت 5 سنوات

واعرف كيف تصرفاتهم بذاك السن

الله يهديهم جميعا

الله يساعدش ام عسووول

اني بنتي من الحين لاصقة في التلويزيون و خايفة على اعيوناتها

ساعات اصكة و الحيها بشيء ثاني

انتين بعد حاولي وياة و طلعي الية العابة و العبي وياة

مثل لعبت السيارة اللي بالريموت يعجبهم هذي اللعاب

نفس مشكلـة ولد أختي....
بس أنتي حاولي تلهيه بأشياء ثانيـــة
اشتريله كتب تلوين وقصص..

ما ادري ايش اقولك ... وهي مشكلة صعبة ومحتاجة حل سريع منك ... كثر الجلسة على التلفزيوم تخرب عيونه ... والله العظيم هذا الي حصلي انا واخي .. كنا نجلس قريييييييييييب للتلفزيون وكل يوم من الصبح حتى اخر اليوم ... وهذا سبب لبسي النظارة من يوم عمري 14 سنة ..

ابنك ما شاء الله كبير يعني المفروض الان يكون في المدرسة يعني المفروض طول اليوم الصبح وهو في المدرسة ... حتى اذا هو الان في اجازة المدارس المفروض انتي تدخليه لدورات صيفية .. يعني يتعلم السباحة ... الكراتيه ... التنس ... الفروسية ... وهكذا ..
الفراغ هو اللي يخلي ابنك يجلس في التلفزيون بالساعات الطوال ... انتي امليء الفراغ هذا باي نشاطات ..
لااااااااااااااااام ابنك يفهم ان الجلسة امام التلفون وقريب منه باتضعف نظرة .. وضروري تراقيبه وكل مرة ترجعيه بعيد من التلفزيون ... ولا تفتحي له التلفزيون الا اذا جلس على بعد مناسب منه .. هذي صحة ابنك ولا مجال للعب فيها

الله يعينا ياختي انا ولدي مثل ولدك بس اخف شوي .ولكن اتبعت عدة طرق واشاء الله انها تنفعك .احيانا اصك قنوات الاطفال اذا نام وفي الصباح اقوله لس نيام او انه الكرتون زعلان عليك لانك ماتسمع الكلام او انه تعبان التلفزيون .ايظا اشتري له كتب رسومات واشركيه مع اطفال الجيران والنوادي الصيفيه.باالنسبه للعيون اذاتقدرين ترفعي التلفزيون مثل في المستشفيات .واذا بكى احبسيه في غرفته او في مكان بعيد عن ابوه حتى يهداء وحاولي تمنعيه من التلفزيون في اوقات يكون الاب مستيقظ حتى لاينزعج ولابد ان يشاركك حتى لايكون لدى الولد فرصه يستغلها والله يعينك .

السلام عليكم و رحمة الله تعالى و بركاته،

الله يعينش .. عندي نفس المشكلة مع ولدي الكبير (7سنوات) بس بشكل متفاوت بعني أيام يزيد و أيام يخف شوي .. و إبتدت عنده من حوالي سنتين يعني كان تقريباً بعمر إبنك .. و أني مثلك كنت أخاف لما بديت ألاحظه من سنتين و هو قاعد يتعلق بالتلفزيون و كل كلامه عن الكرتون و وش صار فيه و ما يسمعنا لما نكلمه ...إلخ

الصراحة وقتها كنت منشغلة عنه كنت توني والدة و أوبوي (الله يرحمه) كان وقتها مريض و نروح له المستشفى أكثر الوقت و أضطر أتركه في البيت مع الشغالات .. و الصبح أكون في الدوام و أخليه مع الوالدة بس الصراحة ما كان ليها خلق ترفه عنه لأن بالها مشغول على الوالد .. بس حسيت إني ما أقدر أمنعه بدون ما أوجد له البديل و حسيت إني لازم أخليه يتحرك شوي .. و هو بعد من حبه لـ بور رينجرز و كان يسمع ولد عمه يتكلم عن التيكوندو فقال لي أبي أروح ألعب تيكوندو .. فقلت في نفسي والله فكرة زينه و سجلته .. الحمد لله حالته خفت بشكل كبير .. و الصيف إللي بعده سجلته في تعليم السباحة .. كان الموضوع هلاك بالنسبة ليي إني أوديه سباحة و تيكوندو بس النتائج رائعة و هو إستمتع .. حالياً مستمر بالتيكوندو بس مبتلين وياه مع الـ PSP و مشكلتها إن طول الوقت في إيده و يلعب فيها من يفتح عينه من النوم .. و إحنا في السيارة .. و إحنا عند أي ناس نزورهم .. حتى و هو في الحمام الله يعزكم .. و حتى لما يلعب مع أصدقائه يقعدون مع بعض كل واحد لعبته الـ PSP في إيده و يلعبون ما أعرف شلون يستمتعون مع بعض بهالشكل ؟؟

المهم و خلاصة هذرتي الموضوع يحتاج إلى جهد منك و الله يعينك لأن إذا الأقارب محيطين بكم ساعات بدون قصد منهم و بدون ما يحسون من محبتهم لأطفالك يدللونهم بشكل يضرهم ... المهم المطلوب منك إنك توجدين له بدائل بنفس إثارة التلفزيون .. يعني خليه يشترك في نادي في سباحة أو تيكوندو أو أي شي ثاني بس يكون شي يحبه و شجعيه و خليه يثابر عليه يعني مو يتملل و يقول ما بروح و تخلينه على كيفه لا إغريه بالهدايا و غيرها من المكافآت كل ما يثابر على عمله .. إنتين إلعبي وياه أحياناً و سوي برامج ليش وياه مثلاً خليه يساعدش في الطبخات البسيطة أو لعبي معاه في ألعابه أو رسمو و لونو أو إقرأي ليه قصة أو علميه الصلاة و خليه يصلي معاك .. و طلعي معاه وديه المجمعات من السيف و مارينا مول و خليه يلعب في الألعاب .. أو وديه البحر .. أو في مكان وصفوه ليي في منطقة "القدم " إسمه بزي بيز يقولون حلو حق الأطفال يلعبون فيه و يلعوزون روحهم و الأمهات في ليهم كوفي شوب ممكن يقعدون فيه .. أو أي مكان ثاني و خليه يلعب مع أصدقائه لأن الطفل يحتاج لهذا الشي .. و إن شاء الله زوجك يكون من النوع المتعاون و يساعدك في هالموضوع .. إذا سويتين له بعض هذه الأشياء و بينها بعد طالع التلفزيون بيكون أهون شوي لأن في النهاية ما بتقدرين تمنعينه عن التلفزيون نهائياً بس تقدرين تخففين منه .. طبقي بعض هالأشياء و إن شاء الله بتشوفين النتائج و بتحسين إن باله معاكم و مو دايماً سرحان في الكرتون .. و بالتوفيق يا رب

تسلموووووووووووون اخواتي
والله انكم ما قصرتوووون

ولو اني اتبعت بعض الطرق مثل التلوين والسم والقصص والسيارة بالريمووووت
بس ان شاء الله استفيد من الخبراات الباقيه

وجزاكم الله الف خير