ولدي من امس وصايدنه إسهال وكل حين ابدل البامبرز وانا خايفه عليه يصير له شي مع اني وديته المستشفى وقالوا لي نزله معويه وعطوني له املاح احاول اعطيه بس هو رافضه
ماادري شسوي الى تعرف حل تفيدني تراني حدي خايفه ومو عارفه اتصرف
حبيبتي انا و الله ما عندي فكرة
بس دام وديتي للمستشفى ان شاء الله ماكو شي يومين و تعدي
الله يشفيه
كم عمر ولدج حبيبتي؟؟
ولازم اعتقد ما تشربينه حليب
وتعطينه حليب تركيبه خاصة للاسهال
حاولي تعطينه الاملاح اجبريه حاولي فيه الاملاح وايد زينة للاسهال
الله يشفيه حبيبتي ولا تخافين
طمنينا عليه
بما انه في سبب للاسهال ... فضروري يتعالج السبب حتى تروح الاعراض .. ما اقدر انصحك بشي لان ابنك عنده شي مسبب للاسهال لهذا ضروري مراجعة الطيبب
ولدي عمره 6 اشهر وانا احاول اعطية الاملاح بس ابي شي يوقف الاسهال بسرعة
حاولي تعطينه الأملاح حتى لو مارضى..
وإذا هو بسن أكل عطيه بطاطس مهروسة وماء الرز..
ماعليه شر يارب...
مايشوف شر
وكثري من السوائل عشان مايصيده جفاف
أ
أم القمر والعسل
عروس ماسية
29-07-2008 | 11:42 AM
إذا رافض يشرب الدواء تقدرين تعطينه اياه في ملعقه طعام مع الأكل ومابيحس
أو انك تعطينه الدواء بإبره الدواء هذي مابيحس فيها إلا وهي في بطنه
وأهتمي بإعطاءه سوائل عشان ما يصيبه جفاف
واعطيه موز
والله يشفيه ويعافيه
[COLOR="Purple"]مشكوين بنات على ردودكم الطيبة انا عطيته املاح وسوائل عصيرات والحين الحمدلله صار احسن من امس [/COLOR]
خيو عندش نشا الذرة ذوبيه في ماي واعطيه واجد زين يجود البطن
اني ولدي صاده جدي وما نفعه الا النشا
الله يشافيه ان شاء الله
الحليب خففيفة
اذا تعطينة 120 ملي هو 4 ملاعق حليب
اعطية 120 و 2 ملعقة حليب نص الكمية
بخف الاسهال
و كثري من البطاطا و اعطية كاستر بالنشاء
مشكورين بنات على نصايحكم الي فادتني وايد وولدي صار احسن الحمدلله
حبيبتي لاتحاتين ان شالله مافيه الا العافيه .. وهاي طبيعي الطفل من يوصل 6شهور يبتدي معاه الاسهال .. عادةً يكون سببه التسنين..واهم شي تستخدمين الحليب الخالي من الاكتوز..والله يشفيه لج ان شالله ويحفظه لج...
الله يشفيه و يعافيه
بس ابنتى اجى لهل اسهال قبل هيك
و اعطيته مهلبيه و كترت النشا
او ماء الارز مع الببرونه (تحطى شويه ارز مع ماء و تتركيها تغلى ولما الارز يستوى كتير نخلطه و نضعه بدل الماء للرضعه )
بصراحة ماقدرت أطلع من غير ما أرد عليج
البنات ماقصرو كفو ووفو :clap::clap::clap:
ما دام قال الدكتور أن اللي عنده نزلة معوية يعني ديري بالج زين من نظافة الأشياء اللي يمسكها وخصوصا وأهم شي المراضع لازم تكون مغسوله زين ومعقمة ولازم تكون أكثر من مرضاعة يعني تقدرين تقولين على الأقل خمسه علشان يكون في فترة بين كل أستخدام لأن أنا ولدي نفس الشي صادة وأتبعت كلام الدكتور والحمد الله صار أحسن وألحين عندي المراضع مو أقل من 3 مراضع وحاولي تبدلينهم كل بين فترة والثانية والحلمات لازم على طول تتبدل
ثالثاً الحليب نفس ماقالت أم فاطمة على طول لو شفتي أبنك الله يحفظة فيه أسهال تقللين كمية الحليب البودر ويكون الماي أكثر ولو أحسن تغيرين نوع الحليب ويكون خالي من اللكتوز لمدة خمسه لسبع أيام فقط وترجعين مرة ثانية للحليب الطبيعي
رابعاً عطيه ماي مع نشأ وبطاطس مهروسه وكسترد ومهلبيه وشاي خفيف كلش مع قليل من الليمون الأسود وعندج بعد خيار آخر وهو أنج تعطينة سفن آب مخفف بالماي
هذا اللي في بالي لألحين وسامحيني على القصور
وما يشوف شر انشاءالله
ويخليه لج:D_smil1:
:Zd_bye_3:
مشكوين اخواتي على الشرح بس شنو يعني حليب خالي من اللكتوز انا اعطيه نان ماادري فيه او لا؟؟؟
أختي وائليه انا دايما اعقم المراضع بس ماادري من شنو يمكن بعد من التسنين مثل ما قالوا البنات انا اطالع لثتة شوي حمره ماادري بيسنن او لا العلم عند الله