زوجي صعب التعامل معاه

السلام عليكم ،،،،

أول شي فهمي زوجج الفاهم مربي الأجيال شنو معناة ناقصات عقل ودين ، وبعدين ترى أغلب الرياييل

يغارون من زوجاتهم لأنها عندها شهادة أعلى من شهادته ، وبعدين أخذيه باللين عشان تطلعين معاه

وحددي لج يوم بالأسبوه ، بالأسبوعين عشان تطلعين ، ترى أغلب الرياييل قليلة طلعتهم مع زوجاتهم

والشي الحلو إن أهله طيبين معاج ، فشلة تجمعين أهلج معاه عشان موضوع مل يستاهل ، نصيحتي

طنشي الموضوع وكأن شيئاً لم يكن ، كلنا في حالة الغضب نذكر الطلاق حسبالنا حل حق كل مشاكلنا ،

على الأقل زوجج وايد أهون من غيره ، إذا انتي تقولين يومه في البيت يا نايم يا تلفزيون ، أحسن من

الإستراحات والتدخين والخرابيط والسهر بره البيت ما تدرين وين يروح ومع من يطلع ومتى يرجع ،

تعوذي من إبليس وخففي مشاكل معاه لا يطفش وتتحسفين بعدين ، وإذا على لسانه وتكراره لج إنج ما

تفهمين ترى كلنا ما نفهم عند أزواجنا مو بس انتي مع إن كلنا شهاداتنا أعلى منهم + وظايفنا أرقى منهم

عادي لا تاخذين بكلامه مهما كان زوجج من النوع العصبي وتطلع منه الكلمة لا شعورياً ......

دايما ادعي له بصلاتج بالهداية ، وعسى الله يهديه ويسخره لج يارب .............

أهلين يامنال الكويت :87457:
تسلمين ياقلبي على الرد , بس ترى انا ماذكرت كيف علاقتي مع اهله ..
انا فضلت انها تكون رسمية يعني انا ماأروحلهم الا في المناسبات ( اكيد بتقولي ليش؟) لأنه انا ماجيت على مزاجهم
1- انا اصغر وحدة في اخوات زوجي وفي السلايف
2- هما يحبوا ينصحوني كثير في لبسي وفي تربية اولادي مع انهم يسووا العكس
3- انا انسانة احب الوسطية , لا افراط ولاتفريط , يعني احب التزم بالدين بأصوله , وكمان اعيش حياتي في حدود ما يرضي الله , وطبعا انا كده عندهم (مفلتة أي حرام اللي اسويه)
وطبعا ملك زمانه (زوجي) متأثر بيهم وشايف كلامهم صح وانا غلط 100%
فأنا حبيت ابعد عنهم بس ماأقاطعهم , يعني في المناسبات والواجب ماأقصر , لكن كثرة الروحات والجيات لقيت انها مالها داعي علشان لا ينخرب بيتي...
على فكرة انا بداية زواجي وبداية ماكانت تحصل مشاكل بيني وبين زوجي كنت اكلم اخته اللي اكبر منه , لكن مالقيت منها الا انه انا دايما على غلط ( سبحان الله كلامهم جدا حار مايعرفوا يقولوا كلام حلو ولايهونوا المشاكل) والله يا أشوف تناقضات بين نصايحهم وافعالهم ولمن اقول لي زوجي كدة يقولي (هما بشر والبشر يغلطوا ) لكن انا ماأغلط ...:no:
ما أقول غير حسبي الله ونعم الوكيل

إذن عليج بالتطنيش ، حبيبتي دايماً الحمولة ( أهل الزوج ) يطلعون ول\هم بالزينة مهماً كان غلطه ، ودايماً انتي مو مريحته ولا ماعطيته ويه ، ولا تهتمين فيه ، لو تشبين أصابعج العشرة شمع ماراح يبين بعينهم

عشان جذيه اللي تسوينه صح بس بالمناسبات وايد عليهم ، ترى الحمولة دايماً يحبطون الكنة ما يحبون لها التفوق والنجاح خصوصاً انتي قاعدة تقدمين الدكتوراه وعندج بيت وزوج وعيال ( أكيد ما تهتم بولدنا )، وإذا على الطلعات وياه مو ضروري طلعي مع أهلج بو طبيع ما يجوز من طبعه ، المهم ما يمنعج من الطلعة وياهم ، انتي حساسة وهو نوعاً ما شايف حاله ، فالحل إنج تاخذينه على قد عقله وبالهداوة ويمكن الله يحنن قلبه عليج

والله يعينج ........

التطنيش يجيب نتيجة....يمكن يحس لما يشوف أحد مايعبره

والزوج دايما يفرح لما يشوف زوجتة زينة وتلبي طلبات وعزايم أهله


والله يسهل عليكي..

خلاص طنشي ولا تخربي على نفسك ولا تضيعي اولادك وان شاء الله زوجك يتغير اختي
بس سؤال انت كنت عارفة انه كده من قبل الزواج؟؟

يقولي انا ما كنت ابغى اتزوج لكن امي اللي اصرت علشان اعقل ؟

ههههههه حلوة هااي كيف يقولج ان الحريم ناقصاات عقل ودين ويقول اهلي يقولون لي تزوج عسب انه يعقل ..

يعني يعرف نفسه مب عاقل ويقول ع الحريم هالرمسه ..

وحاولي انج تطنشينه .. عسب يحس فيج ..

الله يعينج عيل حبوبه ..

غريب
بس انتي حاولي معاه بشويش يعني كوني رقيقة معاه..الرجل مثل الطفل زي ما يقولوا لو حس بحنانك و حبك رح يتعلق فيكي
اعمليله مفاجأه..طبخي اكلته المفضلة و اكلوا على ضوء الشموع او اي شي من هالسوالف

زوجك يا اختي وهذا طبعه...ادعي لربك يصلحه ويحنن قلبه عليكي...وبالنهاية ما عليكي الا بالحيله...استخدمي ذكاءك الانثوي واكسبي شوفي ايش يحب وتقربي له ولك الاجر ان شاءلله والله يوفقكم

التطنيش يجيب نتيجة

استغفر الله صج صعب ... وكلامه يغث الله يساعدج

بس طنشيه يمكن يعقل ....

وانتي تعودتي على طبعه لا طلعه ولا شي خلاص انتي اطلعي مع لعيال

لا تحبسين نفسج عشانه وعيشي حياتج

ولا تجيبين طاري الطلاق عشان مايجي يوم هو يقولها لج ( لا سمح الله )

استخدمي معاه اسلوب ثاني وغيري من شخصيتج .. الرجال يحب يشوف زوجته كل يوم شكل

الله يهديه ويصلح مابينكم يارب

انا زوجي من النوع البيتوتي ,, طبعا وحضرتي من النوع اللي يحب يطلع ويفرفش ومطاعم ومجمعات،، فرق واضح
جربت قعدة البيت عشانه ،، لين رحت له بيوم وصحت ودموعي غرقت المكان ،،<سلاح المرأة اشتغل<
قلت له انا مابيك تحبسني ولا ابي كل يوم اطلع بس انا بشر وتجي ايام متضايقة او مستوحشة الخ...
ولو اتمشى بالسيارة انا راضية ويوم اللي نمشي بالسيارة انمر صوب مجمع عاد اقوله خلنا ننزل شوية بس نشرب شي ونطلع ،،وننزل بعد عناء كبير،،وبعدين اقوله بس اشتري من هالمحل،،وشوي شوي وهاذي حالة كل مرة،،،لين صار يتعود على عصير معين او لبس من محل معين او المشي في مكان غير الاماكن الثانية

اذا ماجرب في يوم ماراح يقتنع عاد انتي وشطارتج اشلون اطلعينه من حالة السبات البيتي الى جو المرح والطلعات والرحلات..
اذا على اهله زين اتسوين بخصوص الزيارات..انتي بخير واهما بسلامة مثل ماانقول
بس نصيحة مني ابدااااااا،لاتحاولين تجرحين اهله بالكلام عنهم حتى لو كانوا غلطانيين مستحيل يسكت ومستحيل مايعصب.ولو صار انهم غلطو عليج عطيه السالفة بهدوء بس عشان تكون عنده خلفية اشلون اهلة نفسيتهم واخلاقهم معاج،،
وفيما يتعلق انج مو اجتماعية ،، قولي له من قلة الطلعات والعزايم اللي اروحها،،ههههه صرت مااعرف اتكلم ولا اناقش ولا انعزم لاني مااتقبل عزايم من احد،،هالكلا قولي له اذا معصبة على الاخر عشان تكون في لحظة غضب،،ومايحاسبج وااايد
ونصيحة :: التطنيش مايحل المشاكل ،،كل شي يكبر مثل كتلة الثلج ،،الاشياء الصغيرة والخلافات التافهة تكبر لين توصل لحد الانفجار..يعني اي مشكلة يبيليها قعدة هادئة ومعالجة للمشكلة مو الهروب والتطنيش
عشان نفسيتج ماتتعب وعشان حياتكم تتواصل ومايكون في قلبج عليه شي ونفس الشي كل واحد يكون واضح من البداية

الله يعينج يا اختي

وعسى الله يحنن قلبه عليج يارب امين

اكثر شي بين لي ان زوجك طيب وما عنده سالفه ان كلامه متناقض جداااااااا
يعني باين عليه يقرأ ويجي يطبق براسك يا مسكينه بس يقرأ بدون تمعن وفهم
شوفي باين انك قويه وتقريبا متكامله وشاطره ومش معطيه لاي شخص مجال ينتقدك
علشان كذا هالهجوم صادر منه ومن اهله وقت المشاكل..
ودوم الاحظ الزوجه لما تصير عندها شهاده عاليه او مثقفه زوجها يحاول يثبت لها العكس ودوم يحقر من شخصيتها وعقلها ويحاول يقنع نفسه ان زوجته غبيه وما تفهم للاسف ((عقدة نقص في الرجال))
انتي خلاص طنشيه وعامليه زي ما يعاملك واهتمي بنفسك اكثر واكثر وحطي كل حنانك وحبك بعيالك
وربيهم احسن واحلى تربيه علشان تثبتي للكل انك انسانه ذكيه ومبدعه وبكره اذا كبروا عيالك
بيتبين هالشي للجميع
حبيبتي دوم استغفري وادعي ربك ان الله يسخر لك زوجك ويلجم لسانه عنك ويعمي عيونه عن كل عيوبك
ويشوفك دوم احلى واحسن امراه بالدنيا..
وانتي حاولي لا تتناقشي معه كثير علشان لا يسمعك كلام يغث وتحاشي الاصطدام فيه.
وهذا طبعه وللاسف بو طبيع ما يتغير
تحياتي

طبيب مو تقولي اله وجهه انت ماطلعني ترى الرجال يعصب لما ينقال اله كذا مثلا لو انا مكانك من ناحيه الطلعات اقوله مثلا صاحبتي متزووجه وكاسره بخاطري تقول زوجها مايطلعها ولايمشيها ترى بهالطريقه بحس
طيب قولي له انا عازمتك على عشا او غده
وصدقيني مره ثانيه برجعها لك وبعزمك وبمشيك انشالله
بس بصراحه على كلمه ناقصات عقل الحريم ؟؟؟
هذا هو استاذ بعد بس الي اعرفه انه معنى الكلمه تغسيرها غير ولاادري