افرازات في الحمل

حبيبتي .. باين انج خايفه بس الافرازات وقت الحمل شي طبيعي جدا و احيانا يبدا خروج الافرازات من اول شهور الحمل و الحساسيه بعد طبيعيه جدا مثل ما قالتلي الدكتوره ...

لا ترتكبين الخطأ الي كثير يرتكبونه و هو انج تستحين من الدكتوره و ما تقولينلها هالاشيا المهمه حتى لو واجهتي شي غريب اثناء الجماع لازم تقولينلها لانها بتعطيج الحل على طول و بتطمنج و بلا ما تتهربين من ريلج لانه ممكن يتفاهم في هالامور بس لاتخوفينه:)...

حطي شي في بالج .. تسألين الدكتوره افضلج بكثير من انج تسألينا نحن .. صح عندنا خبره بس الدكتوره تعرف مصلحتج اكثر... مافي حياء في هالامور .. انسي كلمة استحي و حافظي على صحه جنينج:) :) و ان شاء الله ربي يرزقج الصحه الكامله لج و لجنينج :)

تسلمين اختي وان شاء الله بسوي نفس ما قلتي وبسال الدكتوره .الف شكر لج حبيبتي

شلون تستحين من الطبيبه
انت غلطانه حبيبتي
لان الافرازات بتاثر على الياهل
انا اقولك اقرب مراجعه لتج مع طبيبتك
خبريها عشان تعطيك غسول للمنطقه
الله يسهلتج
انت بكريه
لان البكريات دوم خجولات
الله يقومك بالسلامه ياااعيوني

مشكوره اختي شانييل .انا بكريه عشان كذا مستغربه من الي يصير لي .ان شاء الله براجع الدكتوره.بس صدق الافرازات تاثر على البيبي؟؟؟؟؟؟؟؟

حبيبة قلبي روووفي ... اذا كانت الافرازات لونها احمر او قريب للاحمر يعني خطيره و احتمال ما يثبت الجنين لكن اذا لافرازات بيضا مايضر قلت او كثرت و الله يديم الصحه و العافيه لج يالغاليه.. :)

لاتخافي اختي طبيعي الافرازات في الحمل خصوصا اول حمل .. زي ماقالت دكتورتي ..
حتا انا نفس الشي ومرات تزيد مع المشي او اي مجهود حركي ..صرت استخدم الفوط اليومية اريح لي
/
لكن يمكن يكون معاك بكتريا او التهاب او املاح في البول .,في هالحالة لازم تروحي للدكتورة وتساليها وراح تعمل لك تحليل يورين ...ومافيه الا كل خير

راح توصف لك مضاد لها وخلاص
موفقة..

الله يقومك با السلامه حبيبتي وهذيله خواتي ما قصرو معاك

والله يعطيك العافيه ان شاء الله

والله يا اختي ماعندي فكرة
استشيري دكتورة احسن واضمن
وان شاء الله مايكون فيج الا العافية

مشكورين خواتي وان شاء الله براجع الدكتوره .الف شكر .

So0oS;6778190:
حبيبة قلبي روووفي ... اذا كانت الافرازات لونها احمر او قريب للاحمر يعني خطيره و احتمال ما يثبت الجنين لكن اذا لافرازات بيضا مايضر قلت او كثرت و الله يديم الصحه و العافيه لج يالغاليه.. :)

تسلمين اختي soosوما قصرتي والحمد لله الافرازات الي اعاني منها لونها ابيض مش حمرا