لشعر ناعم+طويل+لمعة+دون تساقط+دون قشرة تعالي هنا

السلام عليكم

كيفكم بنات..؟

عساكم تمام وبخير..؟

صراحة لي فترة اشوف مواضيع بنات كثير يطلبون شي
للطول
واللمعة
والقشرة
والنعومة

وحبيت افيدكم بتجربتي هذي
الصراحة ماستخدمتها إلا من 3 شهور بس بجد في فرق فضيع

والكل لاحظ حتى خطيبي الله يسخرة لي يارب
قولوا آمين

المهم هذي الخلطة ترا كانوا يستخدمونها اهالينا من زمان
وهي من جزئين:

1:مقادير الخلطة الاولى وتستخدم يومياً:
1 علبة زيت الجرجير
1 علبة زيت النارجين او النارجيل الاخضر سعرة بـ 7
راس كامل ثوم

الطريقة:
حطي علبة زيت الجرجير ع النار الهادئ
وبنفس الكمية زيت النارجيل
النار هادئه هاه لاتطولون عليها
قشري الثوم بيدك واطحنية (بالنجر) يعني مو بالخلاط
خلي الزيت ع النار تقريبا ربع ساعة
وبعدين حطي الثوم فوقه
خليه ع النار زيادة 10 دقايق
واطفي النار
خلية يبرد على راحتة
وصفية من الثوم
وبعدين حطية فعلبة للاستخدام

الأستخدام:
حطي برأس اصابعك الزيت من الجذور للأطراف
ولفي شعرك فوق
واربطي راسك بكيس

تقولوا لية كيس؟
أقلكم لية..!
عشان مسامات الشعر تتنفس
فلما تتنفس بتلقى حالها مكتومة بالكيس
فتضطر انها تمتص الزيت لداخلها
خلية براسك قبل ماتتحممي بساعتين
وتقدري تستخدمية يومياً لوحابة النتائج اروع وتقدري بعد يوم ايه ويوم لا

2: الخلطة الثانية وهذي مرة وحده بالاسبوع:
نصف حزمة جرجير طازة يعني خضار
3 حبات صغار ثوم
1 ملعقة ماء ورد
1 ملعقة زيت نارجين

الطريقة:
اطحني الثوم بالخلاط
وبعدها حطي الجرجير بالخلاط لحدمايصير مثل الملوخية مطحون
وحطي ماء والورد وزيت النارجيل ولفة بس عشان يختلطون

الاستعمال:
حطية بجذور الرأس كانك بتحطي حنة وركز ان الماء حق الجرجير بلل الفروة
ولما يبقى شي حطية بالثلاجة واربطي راسك بكيس
وهذي مره وحده بالاسبوع فقط لمدة ساعتين

وجربوا وصدقوني ماراح تندموا

طبعا لوحصل لا قدر الله تساقط
ماراح يكون اكثر من شعرات
طبعا لاتخافوا ماراح يكون كثير والشعر اللي طاح شعر ميت وراح ينتب بداله شعر جديد
طبعا مابكذب الريحة شوي قوية بس بعد ماتتحممي بخرية او حطي عطر بس لما ينشف حتروح الريحة

وإذا فادت بالامانة
لاتنسوا تدعولي ربي يسخر لي خطيبي ويرزقني منة الذرية الصالحة
ويحقق اللي فبالي

اشوفكم على خير