فاشلة في المكياج أبي مساعدة

فاتنة العرب 28-07-2008 9 رد 2,188 مشاهدة
ف
السلام عليكم يا بنات و مدامات عروس

انا بالمختصر فاشلة جدا في وضع المكياج ما اعرف احط الشدو بشكل صحيح و ما اعرف الا احط كحل بس بس اذا حطيت شدو كاني مضروبة بوكس:sm215:

و عيني مدورة و صعبة لما يحطولي خواتي يقولون لي عينج صعبة و ما تبي مكياج قوي

ابيكم تساعدوني بمكياج ناعم بخطوات سهلة لاني تعبت و انا اجرب بروحي

و بودي اصير فنانة مكياج و ما احتاج اروح الصالون

و يعطيكم العافية:shy:
م
هلا حبيبتي
انا حبيت انبه قبل ما افيدك ان موضوعك نقل لانه استفسار والمفروض تحطينه بالمكان الصحيح

بالنسبة لمشكلة الشدو عادة لما تكون العيون الي مساحتهم كبيرة احس يكون دمج بين لون غامق وفاتح يكون بطبقة مثل شدو اسود يبدا من مدامع العين وخط الرموش لغاية نص العين وبعدها حطي بشدو فاتح تختارينه انتي االمساحة بتصغر اول مرة ما راح تضبط وافضل فرشة تشتخدميه هو اسمك لانه يساعد بدرجة كبيرة للتمويه والدمج

جربي التدريب راح يفيدك واذا تحبين المكياج الغامق حطيه بس باصبعك ببخفة ما لا تكثري منه


جربي هالطريقة واتمنى تفيدك انا اسميها السموكي
ف
يعطيج العافية اختي مسزز غموضة و اسفة على الازعاج

و تسلمين على ملاحظتج بس ياريت توضحولي من الصفر لاني ما اعرف شي بالمرة
ف
بنات وينكم؟

اذا كلامي مو واضح اوضحه يعني ابي اعرف شنو احط من البداية اسمع بشغله اسمها كونسيلر ابي اعرف شنو هذا

و شنو احط بالضبط من البداية حتى النهاية لاني ما اعرف احط الا كريم مرطب و عقبها احط بودر اساس
ك
اختي فاتنة اشتري سيدي عبير الياسين
اتوقع ممكن يساعدك
وروحي مكتبة جرير منزلين كتب تعليم مكياج جديدة حق خبراء بالمكياج
واذا صرتي خبيرة درسينا
ك
نسيت البنات ما قصروا منزلين دروس في كل انواع المكياج
حلوة لا تطوفك
الله وياكي
خ
مرحبا اختي ذكرتيني بنفسي ايام زمان خخخخخخخخ دايما كنت احط حق نفسي واصير كأن احد معطني بوكسات على عيني بس مافقدت الأمل وضليت أعلم نفسي لحد ماعرفت حق نفسي عدل واكتشفت اني اختار الوان مو مناسبة للون بشرتي >>>قصة حياتها خخخخخخخخخخ

المهم عزيزتي أول شي الكونسيلر أهو خافي عيوب في منه اشكال مختلفة ومن كل الماركات ومختلف الأسعار عندج كونسيلر فور ايفر وكريولاين حلوين اما شلون تستخدمينه فبعد ماتغسلين ويهج وتنظفينه وترطبينه حطي الكونسيلر على منطقة العين ووزعيه اما باستخدام فرشاة خاصة او باستخدام اصبع اليد بالطبطبة : )

الحين قبل لاتحطين الشادو في شي اسمه بيس يعني اساس ممكن تحطينه ( اذا حبيتي ) قبل ماتبدأي بوضع الشادو وهذا البيس يساعد على بقاء الشادو لفترات اطول افضل بيس للعيون من ماركة اربان ديكاي

الحين لما بتبدأين بوضع الاي شدو اذا كانت عينج مدورة وكبيرة يناسبج السموكي يعني تحطي لون اسود عند في الجفن السفلي وبعدين اي لون فاتح اخر غير الاسود وتدمجينه بواسطة فرشاة خاصة بالدمج وبعدين تحطين في داخل العين الكحل الاسود وتحت العين ايضا ممكن تكحلينها بكحل سائل او باستخدام كحل كريمي او اي شادو اسود او اي نوع من الكحل ولاتنسي الاضاءة عند الحاجب مهمة جدا والماسكرا ، اهم شي تعرفين شنو نوعية المكياج الي تناسب عيونج ولاتيأسي ابدا وفي المنتدى بتحصلين طرق وايد للمكياج انا ماقدر احدد شنو يناسبج لان ماشفت عينج للأسف اتمنى اكون ساعدتج واذا احتجتي شرح اكثر لاتترددي عزيزتي وتمنياتي لج بالتوفيق


وهذا الاول ستيك كونسيلر والثاني كونسيلر كريمي



ف
يعطيج العافية اختي كلارنس و مشكورة وايد

و يعطيج الف عافية اختي خذيت الروح الحين فهمت شنو كونسيلر خلاص بقول لخواتي يروحون معاي عشان اشتري الاغراض و عقبها اجرب بروحي و اقولكم النتيجة :shy:

و يعطيكم العافية
t
بالتوفيق انا مثلك خام بالمكياج ما انفعك هاهاها
f
زين اعرف احط لي شدو وادمجه :)
X