الجوري جابت احلى خالــــــــد

السلام عليكم يابنات

الحمدلله انا ولدت بالسلامة بيوم الخميس 17-7 الصبح وجبت ولد يجنننننننن الله يخليه لي وسميته على ابو زوجي خالــــــد ...

بقولكم سالفتي باختصار
من قبل يوم ولادتي باسبوع كان عندي الم فظيع غير عن الالم مال الشهور الاخيرة
وكل يوم احس اني بربي ووديت كلللللل اغراضي بيت هلي

المهم يوم الاربعا قبل يوم ولادتي بيوم كنا معزومين عند بيت خالتي وانا مارحت لاني تعبانه

وماقلت لامي اني تعبانه قلت لها بطلع ويازوجي ناقصتني كمن شغبله عشان ماتحاتي

المهم قعدت بالبيت اقرا قران وادعي واحس ان الالم يزيييييييييد
:confused::confused:

المهم رد ريلي عال 9 ونص وقالي ليش جذي شكلج تعبااانه قلت له لاعادي بنام وكل شي اوكي وكنت اتنفس بصعوبه

المهم قالي لااا بوديج المستشفى

قلت له ابوس يدك لاااا خااايفة حدييي

قالي لي بخليج لما ال11 اذا زاد عليج بوديج

ماجات ال10 ونص الا قعدت اصيح واصيح وهو وعليه عليه توتر وقالي يالله بنادي امي

راح وجاب امه من تحت واخته وقعدو يهدوني ويقرون علي لما ركبت السيارة واتصل بامي عشان تروح المستشفى

وانا بالسيارة اصيييح وادعي وماسك زوجي يدي وانا اهوس عليها لما يجيني الام بالقوو وهو وعليه عليه يطالعني كلل ساعه ويهديني وعيونه منترسه دموع :(

المهم وصلنا وكانت امي هناك باستقبالي وجاب لي زوجي الكرسي ودخلوني داخل وقاست لي الدكتورة وقالت 2 سم وهي تقسي طبعا عورنييي

المهم عال3 وصلت6 سم
وعقب تعبت وارتفع الضغط وقل الاكسجين عندي وخرابيط وااايده
وخافو وقالو بنولدها بجراحه
ريلي رفض اول شي وامي قالت عطوها طلق صناعي جربو
عطوني والحمدلله استجبت وماجات الساعه 5 الا وانا جايبة الغالي

بس تعبتتتت وااااايد والحمدلله تعبي بنتيجه حلوة
واحلى شي لما عطوني البيبي داخل ودخلو هلي عندي

والحمدلله حصلت غرفة عال8 الصبح وكانو خواتي وخوات زوجي مجهزين كللللللل شي ومزينين السويت وطلععع جنان لان كل الاغراض من الكويت جنه من محل

وجا زوجي عندي وباسني وبارك لي وقلبه منترس علي واذن في اذن البيبي وامي تقول جننا ريلج كل دقيقة يسالنا ويسال النرسات خخخ
وقال لهم روحو نامو وانا بظل عندها ظل معاي لما 3 العصر جات امي وخواتي وبدو الناس

والمغرب ريلي طرش لي باقة ورد كبيرررة على ستاند تجنن وكله فيها بيبيات اولاد وبالونات غازية وطقم الماس حلووووو واااايد

احلى شي بالولادة ان الكل مهتم وااايد فيج ويدلعج وخاااصة بو الشباب وامي وابوي والكل
لاني صغنونه ويحاتوني :)

وبسسسس

طولت عليكم وولدي شكله قام ..