ملابس العيد

ابدا بنفسي
بالنسبه للعبايه اخذتها من دبي هاينك وعلى الصدر كرستال اخضر مع عسلي والاكمام جدا منفوخه وسواره على اليد فيها شك

الملابس افكر بفستان كلاسيك قصير اتوقع يصير حركه من ربورتو كفالي او اي ماركه ثانيه في محل جنب المملكه شغالاته حلوه العام شريت لبسي منه وسوا ضجه

راح اشتري شنطه مع جزمتها من لويس فوتون او قوتشي البسم سنه كامله مو خساره

المكياج مااااك بدون تفكير انتظر ينزل كوليكشن جديد

الشعر ناويه اصبغ برغندي لانه لون 2009 واقصه قصه جديده بس للان ماقررت انا شعري زي حصه اللوغاني الي بقناة الوطن

افكر يامدام اميره بالميسان او عبير ارابيل \

راح اكمل لما اشوف تفاعل
همتكم بنات

توو الناس على العيد

حتى رمضان باقي له اكثر من شهر !!!

الملابس تتغير ... تنزل ملابس جديده

أنا بعد اقول بعده وقت على العيد

مشكورات حلوات على المرور

بس سبب ذكري للموضوع الان انه بشعبان ماراح تلقي الاشتوي انا توني راجعه من السوق والاقي المجموعه الجديده صوف مو قادره اصدق لسى مابدا اغسطس ومنزلين شتوي ؟؟؟؟؟؟؟

الشي الثاني لما تشترين قبل بفتره مايصير احد مثلك اما الي بيشترو برمضان بيطقمون ههههههه

الحاجه الاهم اني برمضان مااحب ادخل السوق يادوب تراويح وقيام

هههههههههولو الموضوع مو مهم شوفي عدد الي دخلو الموضوع



ههههههههه اقول ابغير موضوعي من ملابس العيد الى تبرير شراء ملابس العيد مبكرا هههههه

بالعكس والله موضوع رائئئئئئئئئئئئئئئئئئئئئئئئع
بصراحه انا مستغربه على الي قالن بدري ،، طبعا مع احترامي لرايهن وكلامهن فوق راسي فديتهن وحده وحده، لكن انا اقصد كيف بدري!!
نحن عندن في الامارات كلنا قاعدين انجهز للعيد خصوصا العبي والمخاوير لان هذيللا يبالهن وقت وموضتهن ما تتغير بسرعه يعني بييين فتره وفتره مب نفس الملابس
يعني مثلا انا فصلت عباتين وحده عند العنود ولونها اسود كرستالي بلمعه قويه (يعني تناسب اي شي) وموديلها كلاسيك بس الموديل بنثرة الكرستالات موجوده عند العنود من موديلاتهم الجديده وما بيغيروهن الا بعد3شهور ونص (بعد الظرابه ب2300 درهم)
والثانيه فصلتها عند غناتي من تصميمي ، ولونها وردي لاني دووووم اشتري ملابس ورديه، اموووت بالوردي، وموديلها مبتكر شوي وعصري شبابي، يعني شوي غريب بصراحه انا احب هذي الموديلات وسواها لي (بعد الظرابه كالعاده ب1600 درهم)
عشان محد يقولي شي بليز بنات هايللا العبي للمناسبات يعني ما راح اطلع فيها مولات يا دوبك من كراج بيتنا على كراج بيت عمي يعني محد يشوفني غير حريم في حريم وغير اني احط فوقهن للاحتياط غشوووه كبيره تغطي التطريزات اوكي يا حلوات
فصلت لي مخوره وحده (لاني مااحب المخاوير وايد) فصلتها عند حرمه ولونها بيج على سكين كولور(جسمي او لحمي) ب500 درهم (بس هالمره بدون ظرابه لان اسعارها وايد اقل عن السوق) وبصراحه حلوه وهاديه
من باريس جاليري خذتلي عطر فلور بمب وعطر باسيك من فيكتوريا سيكرت هم جداام بس احبهن موووت
الميك اب اخذت من كوليكشن ايستي لودر اليديد
الدوبل واير ستاي ان بلاس
البودره
الاللوس باودر
روج لونه هادي
وروج ستاي ان بلايس
وجلوسين
ومحدد واحد
واي لاينر وماسكرا
وكلهم بعدني ما جربتهم لأن عندي ميك اب وايد مدمنه بعيد عنكم فمخليتهم للعيد (الله يستر)
واخذت كولكشن العنايه من كلينيك بصراحه مش هالقد عادي جدا
اما بالنسبه لاسعار الميك اب والعطور وكولكشن العنايه فناسيتهم والله
خذتلي شنطه سوداء من فات فيرم او بايبي فات كانو مسوين تنزيلات فخذتها ب380 درهم
وطقمت عليها جوتي اسود من كوف هوف بميونخ على حدود ال300 درهم

باقي لي لبستين (طبعا وحده فيهم لازم اتكون ورديييه،،يااااي) واطقم معاهم الشنطه والجوتي والاكسسوار بس باذن الله
وبكذيه اكون جهزت للعيد اغلبيةالاشياء وخصوصا الاشياء الي يبالهن وقت عسب اكون ريلاكس واتسوق ع رااااااحتي مب يلله يلله ما بقى وقت
وبصراحه والله يا بنات مب مدحه بس دووم اكون مرتبه ومب مضغوطه عكس بنات عمي اللي دومهن ع اخر لحظه فتلقينهن يا حرام لابد ما ينسن شي او يخربطن فشي
فنصيحه يا بنات هالموضوع حلو تسلم ايدج اختي ضي القلوب وعيبني موضوعج وواله لو اعرف انزل صور كان نزلت
اختكم المؤمنه

بالعكس موضوووووووووع روعه وحنا بالنسبه لنا الان البضاعه احلى من العيد

لكني حامل وموعارف وشاقضي وشو اشتري خاصة بشهر العيداوضع

انشاء الله الله يرزقني بالولد ادعولي وقولولي وش اقضي

ضي القلوب .. تحياتي لج

والله آنا من فترة أفكر أشتري حق العيد
بس محتارة من وين؟؟؟

اوووه سوري بس نسيت اكتب عن الشعر
انا راح اسوي شعر سايييح وبقص قصه (يعني التسريحه الصينيه شوي) بس اتيي اشوي فيها خصله طويله
بصراحه ما اعرف اوصفها اتمنى اتكونو فهمتوني وبصراحه مب عارفه وين اقصها بس افكر اسير صالون ديسانج بدبي اسمع وايييييييييييد عنه بس ما اعرفه بصراحه،، حد ايعرف عنه؟
وما راح اصبغ ولا حتى خصله!!!
وبركب رموووش دائمه عند هيلين حد سوى عندها؟ انا خاطري بس بصراحه اسعارها ضووووو
وبسوي ميك اب خفييييييف على باربي
يعني اساس حلو وبلشر وردي لون باربي وروج وجلوس ورديين بعد لون باربي
وماسكرا مع الرموش الصناعيه الي يمكن اكون مركبتها
وبس!!!! يعني بدون كحال بالمره بيكون ويهي نظيييييف في العيد كتغييير خصوصا انه مع هالقصه بيعطي بيبي فايس
وبس يا حلوين

يسلموو خواتي السنعات هههههههه وحده فرحت انه احد يشجعها

ماشاء الله عليك مؤمنه جد سنعه انا كذا احب اتخيل اللوك كامل قبل لاتكون عندي مناسبه لانه حلو المكياج

يكمل الشعر اللبس يكون ستايل محدد كان عندي جمعه رسميه الاسبوع الماضي وسويت لوك متكامل تنوره

سوده ضيقه قصيره مع بلوزه حرير من زارا مع شراب طويل للفخذ شبكه مع صندل مع المكياج وردي فاقع

للروج والعيون لاينر مع مسكرا ديور خطيره والشعر قصه كاريه فرنسي بس مدرج من ورا بصالون عمرو بدبي كان

شكل متكامل

اما العيد افكر بفستان كم طويل قماش شيفون او حرير طبيعي وسيع من تحت و قصير ربورتوكفالي منزل

كوليكشن حلو او كارن ملين او هارفي مع صندل لونه غريب او ماركه زي الشنطه افكر ببرادا او فوتون

والشعر ويفي واللون برغندي المكياج من ماك لامع الاساس الكحل ملون والروج زاهي

بالنسبه لاطفالي السيد او القرعاوي للاطفال ينزل ماركات مثل ديور وغيره او من غيس السواني كلهم تنزل ا

شياء حلوه دايم احب البسهم بالعيد الوان فاتحه او ابيض احس تعطي فخامه مااحب البس جنز او سبور. طبعا

الثوب ضروري لصلاة العيد مع دقله مطرزه هذا الي ببالي الحين لان السوق كله تخفيضات والجديد فيه صوف

مشكله

مانستغني عن مشاركاتكم الحلوه

صحيح حبيبتي نسيت اقول الحوامل الفتره هذي ذهبيه بالنسبه لهم موضة البلايز الطويله مع بنطلون او تنوره

قصيره مع بلوزه منفوخه او فستان وسيع وحزام تحت الصدر كلها خيارات تلقينها بالمحلات العاديه وعلى الموضه

ربي يوفقك

ضي القلوب شنو اللبس اللي لبستيه وسوا ضجه ابي اشوفه ماعليج امر

موضوعج بالعكس فو وقته

للاسف مااعرف انزل صور بس وصفته انه تنوره ضيقه تحت الركبه موجوده باغلب الماركات والبلوزه من زارا حريرمشجر لون موف نيلي وردي وسيعه و فيها حزام منها على الورك اتمنى الوصف واضح

مشكوره فديتج اختي ضي القلوب
وفعلا مافي احلى من الترتيب قبلها بوقت والله انه مرات ما يكون عندي ولا مناسبه ولا شي بس تلقيني بعد ما اسوي شوبينج لا اراديا اطقم واتخيل شو بلبس معهن من اكسسوار وشو بسوي شعري وشو بحط مايك اب والخ
يعني انا انسانه مدمنننننننننننننه ستايلات وشوبينج واحسه يخلي الوحده دلوووووعه وتتهنى بشبابها (بس المشكله ان الواحد يبى يخفف من التبذير)
وبصراحه احس الستايل الي قلتي عنه روووووووعه ماشالله خصوصا اذا كنتي طويله شوي مب نفسي،،،،،لووول
وبالنسبه لروبرتو كفالي انا توني من تقريبا اسبوع سرت شفت الكولكشن الاخير ماله بس اكثر شي عجبني فيه الستايلا الكلاسيك احس روبرتو كفالي مبدع بالكلاسيكات خصوصا الحرييير ،،،، ما اعرف اذا ذوقي بيعيبج بس بصراحه موديلات الحريييير عنده عذأأأأأأأب واغلبيتهن كانن على حدود ال5000 درهم بس بصراحه انا ماخذت من عنده ولا شي لأني قررت ان اللبسه الثانيه مالتي بتكون باذن الله جينز من جسس والتوب من فات فارت

و صراحه من اللي لفتوني في العيد ستايل جرين بيرد!!! بصراحه منزل اشياء ررررروعه وصرعه شوي يعني للبنوتات الخريش حالاتي (بس بفخامه طبعا) بس تحسين غالب على الكولكشن الستايل العصري انا عيبني قميص من عندهم كان بحدود ال1800 درهم على ما اعتقد بس قلت بشوف فات فارم لاني انا امووووت بأغراضهم (وارخص بعد لوووول زطيه انا)
بالنسبه لصالون عمر انا واااااااااايد اسمع عنع ودوووووم اشوف بنات في المناسبات قصات شعورهنرووووووعه وتحسينها مودرن ع الاخر ويوم اسألهن يقولن بصالون عمر بس الي اعرفه انه اللي يقصووون رياييل فأنا ما اقدر!!
بطرش حق راعيه ايميل يدرب حرمه عسب انسير له.........لوووول
وسمحيلي عندي سؤال ،، وسمحيلي وان كان ثقيل سوي نفسج ما قريتيه....لووول
لا بس انتي من السعوديه صح؟ انا قلت يمكن بتيين الامارات زياره!!! (ليكون بس عشان صالون عمر) لوووول اسولف اختي
المهم عاد مره ثانيه اقولج موصوع حلو واختيار موفق للوك العيد من اللحين اتخيلج......

تووووب فاشيون جيرل
موفقه الغاليه وخلونا انتابع الموضوع عيبني ماشالله

بصراحة معاك حق مو بدري على العيد الوحدة افضل انها تجهز من بدري

لأنه احنا برمضان راح نكون بإجازة لأول مرة وراح نشوف كيف الزحمة

وغلااااء الأسعار بنات في وحدة تأيديني الرأي ؟؟؟؟

اشهد ان لااله الا الله

مني لين يقرب العيد

تو الناس اختي

اهلين حبيباتي

صادقه مؤمنه كفالي ستايله يخبل والالوان حلوه وانا فعلا من الرياض بس زوجي يجي شغل كل شهرين ثلاثه واجي معاه احب الشوبينغ على ان اغلب الماركات نفسها بس وش تقولين ادمان ههههههه وبعدين انتي بنت الامارات وانا الي اعلمك ؟؟ صالون عمرو له فرع نسائي شارع الرقه بادارة اخت عمرو وقص وتسريحات ومكياج يخبل وعندهم فرد بالبروتين شفتهم يشتغلون على شعرها خلوه طري وحرير

اما بالنسبه للخوات الي يقولون بدري ههههههه ترى احنا ماغصبناكم تشترون ههههههه حنا نقول للذربات ا

لسنعات الي يحبون يخلصون بدري او يسافرون اهلهم او مكه خصوصا السنه رمضان عطله نبي مشاركاتهم

وارائهم بالي لقوه بالسوق

سلام حلوات

اليوم بنتكلم عن اللوكات و الموضه من وين ناخذها

اول شي قنوات الموضه مثل فاشن او تيفي مودا او برامج مثل بنات وبس القنوات تعرض كل شي حق السنه ا
ا
لجايه يعني الان موضه 2009 وضحت اغلب المصممين نزلو عروضهم

ثاني شي الكليبات الاغاني انا عن نفسي اقصر ازعاج الصوت واتفرج ههههههههه سميره سعيده منزله كليب

جديد كمان فيه لوك جديد قصة شعر قصيره واللون ناري موضة السنه الجايه واناظرها وافكر شكلها شاريه الة

الزمن ماتعجز ابد ماننسى هيفاء

نانسي كليبها فيه فساتين مره ناعمه وحلوه للبنات كمان وحده اسمها سالي نجيم مكياج يخبل

نجي بالتفصيل

نبدا بالشعر الالوان دخل فيها لون احمر ناري او برغند زي لون نور والكستنائي رجع الهايلات اختفى والعسلي

باقي

قصات الشعر الكاريه تغير صار اكثر تدريجات والقصير المنتف هههههه بقوه

الستايلات ويفي وتجعيد الليس اختفى المظهر الستينات داخل بس مو كل الوجيه يليق بها لانه يكبر اقصد زي ا

اليسا بالعراب


هذا الي عندي اليوم نكمل المكياج والللبس الاكسسوار الاطفال بعدين

للحين انتظر مشاركاتكم

عزيزتي اشكرك على الموضوع الرائع لكن حبيت اسال عن اللون البرغندي للشعر كيف ولو فيه صوره لاني ناويه اصبغ وابغي شي غريب مليت من الهايلايت والكاريه المدرج كيف محتاجه صور وتقبلي مروري

الحمدلله شريت لبس العيد و ارتحت عشان في رمضان اقضي للجامعه
والله يعينا
واشكرك يا ضي القلوب ع التجمع الاكثر من راااائع