كيف اتعامل مع مسجات خطيبي؟!!!

ز

زهرة بين الثلوج

عروس جديدة

27-07-2008 | 05:19 PM

السلام عليكم

كيفكم خواتي؟ انا عضوة جديدة في المنتدى وبصراحة استفدت الكثير من مواضيعه وهذا اللي شجعني اسال هنا بدل الكتابة في احد المنتديات الاخرى

وسؤالي او استفساري او سموه اللي تبون؟ كيف تتعاملين مع مسجات خطيبك في اول فترة الخطوبة؟ انا توني اليوم مكملة اسبوع على يوم العقد وبصراحة انحرج من الرد على رسائله بالجوال وخاصة اذا كانت فيها كلمات غزل او دلع :ss: وكمان انحرج حتى اكتب كلمات مثل يا غالي وياعزيز على قلبي والقائمة تطول وهو ما شاء الله عليه ماخلى لقب او كلمة الا وحطها في مسجاته
غير كذا انا ماعندي خبرة في الشعر وكلمات الاغاني وهو ماشاء الله عليه كل يوم يرسل رسالتين، كيف اقدر الحق ارد عليهم :sad: وامس اتصل يسالني ليش ماتردين على مسجاتي :cry: بنات انتم تردون على كل المسجات؟ (لاحظوا اني اتكلم على بداية فترة الخطوبة) وعادي تكتبون اللي بخاطركم والا وش تسوون بالضبط؟ ياريت مع ذكر امثلة خخخخخ اقصد كلمات او عبارات استخدمتوها

الله يعطيكم العافية وتنال كل واحدة اللي في بالها.
بلييز ردوا وادعولي على الطريق :shy:

ر

روح ملكية

عروس مبدعة

27-07-2008 | 05:35 PM

هلااااااااااااااااا حبوبه
حياك بيننا
بالنسبه لسؤالك
لا لتردين على كل المسجات يعني خلك ثقيله شوي هههههعههع
بس مو معناته انك ماتردين موليه
اممممم اختاري المسجات اللي فيها مديح اكثر في البدايه
اتوقع بتكون خفيفه يعني ولا فيها كلام غزل كثير دامك تستحين
وروحي على قسم الجوالات هنا بالمنمتدى في اشياء وااااااااااااجد حلوه وشوي بحث على مسجات مدح وكيذا وابتشوفين

وبالتوفييييييييييييق

ب

بحرينية أصل

عروس ماسية

27-07-2008 | 05:51 PM

المسج مو لازم يكون من اغنية اوشعر

اكتبي مشاعرج له وشنو تحسين بداخلج اتجاهه خليه يحس انج تبادلينه نفس الشعور

وتقدرين تدخلين قسم رسائل الجوال في مسجات حلوة للزوج

موفقه

ا

انسانه بلا روح

عروس مشرقة

27-07-2008 | 05:56 PM

وعليكم السلام والرحمه

دام انج تستحين على اشوي اشوي حاولي :D

يعني مثلا طرش لج مسج حب وغزل اتردين ..

(هلا يا بعدهم كلهم شو هالمسج واااي فدييت قلبك وروحك)

هههههههههههههه >>> الاخت ما تقصرر

وبعدين اذ طرا ف بالج طرشي له مسج غرامي او مسج يبين مكانته عندج :wink:

واذ مثلا انتي الحين قاعده وفجاه طرا ف بالج وهو طرش لج مسج اهني بيكون قلبه على قلبج يعني

ردي عليه قولي (والله توووك كنت ف بالي يا بعد قلبي ربي لايحرمني منك يا اغلى خلاااني)

ومرات اذ ما سمعتي صوته يوم كامل طرشي (اشتقت لك)

وحتى اذ تكلمينه او تردين عليه خلج رومنسيه :tongue:

>>> خفي عليناااا :rolleyes:

وبعد شو يااا ربي

ايييي صح يوم تقعدين من النوم الصبح طرشي مسج صباحي وصبحي عليه

بيستااانس يعني حاولي تجمعيين لج مسجاات وتخزنينهم بتلفونج

وامممممممممم

>>> الحين البنت تبي شي عاادي الاخت مو مقصره بالعه راديو الحب هههه

وخلص درسنااا اليوووم

:D

ح

حنــــــــــــاني يسبق حروفي

عروس مشرقة

27-07-2008 | 07:46 PM

عبري عن مشاعرك بالصراحه ولاتنسي تكتبي في اخر رساله أحبك أو الله لايحرمني من الغالي أومن هذا الكلام وأنت لاتقصري

أنا مخطوبه وحاسه بحالتك وكل ماأتذكر شي راح أرجع وأقولك

وإذا تبغي رسايل أحاول أفيدك حبيبتي
أسأل الله لك التوفيق مع الحبيب

ص

صقره

عروس مبدعة

27-07-2008 | 08:02 PM

ربي يسعدقلبك

ز

زهرة بين الثلوج

عروس جديدة

28-07-2008 | 10:13 AM

روح ملكية;6762999:
هلااااااااااااااااا حبوبه
حياك بيننا
بالنسبه لسؤالك
لا لتردين على كل المسجات يعني خلك ثقيله شوي هههههعههع
بس مو معناته انك ماتردين موليه
اممممم اختاري المسجات اللي فيها مديح اكثر في البدايه
اتوقع بتكون خفيفه يعني ولا فيها كلام غزل كثير دامك تستحين
وروحي على قسم الجوالات هنا بالمنمتدى في اشياء وااااااااااااجد حلوه وشوي بحث على مسجات مدح وكيذا وابتشوفين

وبالتوفييييييييييييق

هلا حبيبتي
يسعدني ردك على سؤالي ومن ناحية اني اكون ثقيلة الظاهر مافي مجال لانه يمكن يدق مرة ثانية ويقول "ليش ماتردين على مسجاتي؟!!!!:mad:"
شكرا اختي على النصيحة والله يوفقك

دموع الكوثر;6763104:
المسج مو لازم يكون من اغنية اوشعر

اكتبي مشاعرج له وشنو تحسين بداخلج اتجاهه خليه يحس انج تبادلينه نفس الشعور

وتقدرين تدخلين قسم رسائل الجوال في مسجات حلوة للزوج

موفقه

الله يعطيك العافية اختي.. الظاهر هذا اللي راح اسويه لان فكرة اني اكتب رسائل طويلة مليانة شعر اتعتبتني نفسيا.. كيفه ماحد قاله يوافق على واحدة خبلة في الشعر :angry:

انسانه بلا روح;6763142:
وعليكم السلام والرحمه

دام انج تستحين على اشوي اشوي حاولي :D

يعني مثلا طرش لج مسج حب وغزل اتردين ..

(هلا يا بعدهم كلهم شو هالمسج واااي فدييت قلبك وروحك)

هههههههههههههه >>> الاخت ما تقصرر

وبعدين اذ طرا ف بالج طرشي له مسج غرامي او مسج يبين مكانته عندج :wink:

واذ مثلا انتي الحين قاعده وفجاه طرا ف بالج وهو طرش لج مسج اهني بيكون قلبه على قلبج يعني

ردي عليه قولي (والله توووك كنت ف بالي يا بعد قلبي ربي لايحرمني منك يا اغلى خلاااني)

ومرات اذ ما سمعتي صوته يوم كامل طرشي (اشتقت لك)

وحتى اذ تكلمينه او تردين عليه خلج رومنسيه :tongue:

>>> خفي عليناااا :rolleyes:

وبعد شو يااا ربي

ايييي صح يوم تقعدين من النوم الصبح طرشي مسج صباحي وصبحي عليه

بيستااانس يعني حاولي تجمعيين لج مسجاات وتخزنينهم بتلفونج

وامممممممممم

>>> الحين البنت تبي شي عاادي الاخت مو مقصره بالعه راديو الحب هههه

وخلص درسنااا اليوووم

:D

ههههه الله يعطيكي العافية اختي اسعدني ردك حيل ياريت كل الدروس حلوة مثل درسك والامثلة اللي حطيتيها خزنتها في جوالي لووووووووووووول

بحر الحنان;6763794:
عبري عن مشاعرك بالصراحه ولاتنسي تكتبي في اخر رساله أحبك أو الله لايحرمني من الغالي أومن هذا الكلام وأنت لاتقصري

أنا مخطوبه وحاسه بحالتك وكل ماأتذكر شي راح أرجع وأقولك

وإذا تبغي رسايل أحاول أفيدك حبيبتي
أسأل الله لك التوفيق مع الحبيب

الله يجزاكي خير اختي بتسوين فيني خير لو ترسلين كم مسج ولو عالخاص.. انا اكبر خواتي يعني ماعندي احد اساله او ينصحني والوالدة اذا سالتها في هالشغلات تقول ما ادري ما كان موجود بزمننا :ss: واستحي اسال صديقتي او قريباتي الظاهر الخجل مضيعني :confused:

صقره;6763919:
ربي يسعدقلبك

الله يعطيكي العافية اختي يكفيني دعوتك ومرور العطر

وين باقي البنات :(؟؟؟؟ 83 مشاهدة و5 ردود بس.... ما اظن السؤال اللي سالته محير ولا اظن ان عدد البنات اللي مروا في فترة الخطوبة قليل.... بنات رجاء ساعدوني ولو بنصيحة صغيرة تكسبون اجر عند رب العالمين فيني وفي كل بنت تكون في وضعي بعدين وخاصة اذا كان الخجل وراثي في عيلتها مثلي لووووووووووووووووووول :D

b

brbr

عروس نشيطة

28-07-2008 | 11:19 AM

اولا مبروووك حبيبتي الخطوبة
وممكن المسج تكون صغيرة ومعبرة ومش لازم ابيات من الشعر
مثلا لو ماكلمتيه يوم ارسليه له (وحشتني موووووت) وزي ما قالت لك الاخت ممكن في الصباح ترسلي مسج او قبل النوم (تصبح على خير حبيبي) او (احلام سعيدة يالغالي) ويعني من هالكلام...
في مسج حلوة لوحدة من العرايس في هالمنتدى بس بصراحة مااذكر اسمها وهي انك ترسلين له:
(انت بحياتي كل شي وانا بحياتك من اكون؟)
حلوة هذي لان هو راح يرد عليج بمسج بعد :-)

هذا اللي في بالي الحين واذا تذكرت شي جديد رح اقولج
وموفقة حبيبتي

ب

بيانسيهq8

عروس ماسية

28-07-2008 | 01:46 PM

اكيد ردي
لا تتجاهلينه

غلط

عبري عن مشاعرج بس بدون مبالغه

دوري مسجات شعر حلوه من صديقاتج وارسلي له

ب

بسمه ^_^

عروس مشاركة

28-07-2008 | 01:46 PM

ميته من الضحك على رد انسانه بلا روح

شوفي حياتي انا مثلج استحي وايد لدرجة انه اذا قعد جدامي ما اعرف اقول شي طبعاً هو يتضايق من هالشي بس اعوضه بالمسجات :D لاني لو ما طرشت له مسجات بكون مقصره في حقه

بالتالي يا ذكية شي يغطي على شي ،، يعني قولي الحمدلله ان في شي اسمه جوال ومسجات يا حظي

بسألج سؤال : انتي ما تستانسين اذا طرش لج مسج وتقولين واي فديته يفكر فيني ؟؟؟؟:15::o

طيب ما تبينه يستانس ويقول زوجتي تحبني او ممكن تحبني وتفكر فيني وانا شي مهم بالنسبة لها؟؟؟؟ :15:

مثل ما قالت عذوبة خلج وسط ... يعني اذا انتي ما طرشتي له مسجات حلوه من بيطرش له :mad: استعدلي يا بنت وخلج مره سنعه ,,,

يعني مثلاً مثلاً ( يا أول حب حبيته ،،، وسط قلبي خليته ،،، لا غيرك سكن قلبي ،،، ولا غيرك تمنيته )

والله بيستانس وبعدين هذا زوجج يالدبه يعني بتاخذين فيه اجر ،،، شوفي آنا دخلت قسم الجوال بالمنتدى ونسخت كل المسجات لوقت الحاجة :D

يعني مب شرط تنتظرين لين يطرش هو طرشي له مثل ما قالو البنات الصبح في الليل تصبح على خير وهالسوالف

ايه بعد حلو اذا كان بخاطرج شي مثلاً احساس معين وما قدرتي تقولينه اكتبيه له ،، عشان يتصل هو ويفتح معاج الموضوع وطبعاً انتي شوفي هو من اي انواع الرجال وش يحب وش يكره

بس لا تصيرين بخيله بمشاعرج مفهووووووم

هذا الجزء الثاني من درس انسانه هي موصيتني :tongue: هذي حصة احتياط

ا

اسيل!

عروس ماسية

28-07-2008 | 06:41 PM

شوفي حبيبتي بقولك حاجة

الرجل دائما هو المبادر صح والالا؟

وهو يجلس ينتظر منك اشارة بس او مسج او كلمة حب واذا اعتاد سماعها خلالالالاص بيكون شئ عادي

لكن خلييييه يقوولك ابيات شعر ويتغزل فيك >>>>حقك والا لا؟خخخخ

وفي المرة العاشرة من مسجاته اعطيه مسج واحد كرد للمسجات اللي ارسلها لك

يعني حتى في مشاعرك خليك ثقيلة اذا كان هو يغلي

ب

بحب الورد

عروس مبدعة

28-07-2008 | 07:11 PM

بصراحة البنات ردهم كافى
الله يسعدك ويوفقك واوعى تبعتى رسايل كل ما يبعت هو ولكن كل رسالتين او ثلاثة ردى بواحدة حتى لا يزهق ولا يفقد الامل

أ

أميرة الحلوين

عروس نشيطة

28-07-2008 | 08:00 PM

عن نفسي صار لي مخطوبة فترة
تعتبر طويلة رغم ذلك (كنت) ماخذة الثقل كله,, (الحين الوضع تغير)
حتى أذكر اني بعد...... فترة من...... قلت له كلمة أحبك .. ما صدق أنهبل و الله حتى يقول لي كنت بدخل بالمبنى اللي كان قدامي
و بالنسبة للمسجات تعتبر مرات معدودة اللي ارسلت له فيها من الرسايل اللي يتبادلونها العالم فيما بينهم
يعني كنت اكتب له شي من عندي
اي صح بيوم من الايام كان بالدوام ارسلت له (احبك) بعدها اتصل ما اقدر اوصف لك شعوره
رديت عليه و انت صدقت كنت امزح هههههههههه
بس من جد من قبل خطوبتي كانوا صاحباتي يحسدون اللي بيتزوجني علشان اني كنت اكتب لهم أشياء حلوة
بس مع الأسف من خطوبتي تقريبا بطلت اكتب.... أحسن :21_133: في البداية بس مو على طول
اممم وبس
نصيحتي لك لا تقولين له كلام حلو من البداية خليه يحس ان هالكلمة اللي طلعت منك من قلب مو علشان انك ودك تبادلينه نفس المشاعر او......
يعني مو معقوله انك راح تحبينه من بداية الايام ......
عندي لك امثلة:
لو صار له وقت ما اتصل ترسلين له (حبيت اسأل عن القمر وين غايب..؟)
رسلة للصباح (أغلى حبيبة تحب تقول لأغلى حبيب صباحك ألــــــــف خير ياعمري)
و هو طالع للدوام (صباح الورد يا وردة حب ما تذبل.. صباحك ألف خير يا عمري..صبح و مسا كله خير و سعادة و هنا ببركة الرحمن<بالتوفيق حبيبي الله معك>) هذي طبعا تعطيه طاقة و حيوية و نشاط
اعذريني طولت عليك كثير,. و لو ما عجبك اي شي من كلامي عادي طنشي اهم شي تسوين الشي اللي يريحك بس الله الله بالثقل اوكي يا قلبي

ا

انسانه بلا روح

عروس مشرقة

29-07-2008 | 11:00 AM

بسووووومه فديييتج وربي طلعتي تسمعيين الكلااااام

وزين انج نزلتي الدرس الثاني يا ابلة الاحتيااااط ههههههههههههههه

ادري ادري فيهاااا حبيبة قلبي ما عليهااا قصووور :D

جوفي زهووور حبيبتي يبت لج مجموعه حلوووه ويديده من المسجااات وان شاء الله يعجبوونج

:)

[ ممنوع ] أحب غيرك لأن الحقيقه ؟
مـافيه " أحد " يسوى يجي في / مكانك
[ ممنوع ] أنام إلا بـ هذي الطريقة :
( أنام أنا ويَّاك .. و أحضن حنانك )
[ ممنوع ] أنا أنساك لو في – دقيقة - !
لازم ( أفكر فيك ) , و ( أعز شـانك )
[ ممنوع ] أسمع : صوت : كل الخليقة
ويا زين كل كلمه تجي من { لسانك }
[ ممنوع ] أحس إنْ كنت ويَّاي ضيقه
ياللي خدمك الحظ .../ فيني و عانك

\\

ابتـداءً مـن ’ عشقتـك ، نسبـه لمـا لا يقـال
ومـرورًا ’ بـ / هـويتك ، تكملـه لمـا سبـق
وإنسيـاقٍ مـع ’ احبـك ، لـ / آخـر حـدود الخيـال
ما أحـس إن فيـهـ كلمـه " سـابقه لمـا لحـق "
اللـي أحسـه تجـاهك شـي × أشبـه بـ / المحـال ×
|| واقـع || أقـرب للخـرافه رغـم إنـه منطبـق
اللـي أحسـه وأعـرفه إنـي ’ ميـت بـك ، وصـال
واللـي أعـرفه وأحسـه إنـي ’ ذايـب بـك ، عشـق

\\

سنين وغيرك يخطر القلب ويطوفهـ
يدرج وكلما رقى في خاطري حوّل
إلا إنت ياملهم القصّاد بـ حروفهـ
اقبلت لي تالي وجلست بـ الاول !

\\

الصاحب ..
اللي له في ضميري محبه
ارسل له الاشواق جمله وتفريق؛؛

الله ينور له حيـاته ودربــه
ويسقيه من حلو العسل صافي الريق؛؛

تشتااااااق له عيني وقلبي يحبه
وله منزله من دون كل المخاليق؛؛

\\

ألقى خيالك في خيالي واضمه
وأشوف طيفك بين رمشي وعيني
يمرني طاريك عجل والمه
من لهفتي تسبق عيوني يديني
مثل العبير يفوح عطرك واشمه
في لحظة تسوى بقايا سنيني
أحتاج لك حاجة وريدي لدمه
ترد لي روح تروح وتجيني

\\

آنآ مقدر اكون آصدق من { آحسآسي ومن آشوآقي ..
تبي تعرف { كبر شوقي } شوف عيوني وتكفيك

إذآ مآ يكفي آصرخ { بإسمك } داخل اعماقي
واشوف { العمر لك وحدك بالفرح صار ملك يديك ..
.
ترآني ماعرفت القى { لحبك } حل او معنى
تخيل كثر ماحبك { انا صاحي واحلم فيك ..

\\

مدري وش اللي جرالي يوم تلمس ايديني .!
غصب عني سكًت وضًاع منيً الكلام
ضعت مدري حبيبي وينٍـٍك انتا ووينٍي
يوم تلمس ايديني انكسـر بنهزام . .!
ماتحس فيني ارجف وانتفض مًن حنيني
حتى × دقـات قلبي × ماتدق بنتظام

\\

سبحان ربي بديع الخلق سواه ..
حتى عيوبهـ في ناظر قلبي مرغوبه !
أخاف أقصّر ليا من قلت أهواه ..
الكون يصغر لاجات عيوني فـ صوبه !
اليا لمحتهـ كأن الأرض ماطاه ..
أطير يمّهـ واشوف الدنيا مقلوبه !
يضيق صدري ليا صادفت مسراه ..
خفيف دمّهـ وحكيهـ زايد عذوبه !
بـ القلب قصرهـ ونبضهـ صار مركاه ..
مدري بـ شمالهـ ومدري يسكن جنوبهـ !
تتعجب الناس لـ إعجابي بـ شرواه ..
كلن يدور بهـ الدنيا لـ مطلـــــوبه !
عجبني فيه عجايب صعب نحصاها ..
عجيب يعجب مدام إعجابي فـ "اعجوبه !! "

\\

أيام عمري ياحبيبي بـ يدينك 00
سو ماتبي فيني تراني محللك 00
دامك مدللني وأنا وسط عينك 00
واللهـ لـ أحطك وسط عيني وأدللك 00
" بــوســـهـ غــــــلا " علقتها في جبينك 00
عن الحسد يا نور عيني تظللك !

\\

فديــت .. اسمك .. انا و رسمك
وارض .. تشرفت
بخطـــآك
فديت عيونك .. ولونك ..!
وصـوتك .. لي وحــش اذني
فديـت
احساسك و قلبك
وريحه عطر ../ انفاسك
وذيـــــــك الضحكه .. لي منــك
عن الدنيـا
تغيبني

\\

لو حب المخاليق ينقاس
كان حبي لك فاق القياسي

ولو تجتمع كل المشاعر و الأحساس
في شخص واحد ما تساوي حواسي

لأنك غير عن كل هـالناس
هم عندي فالهوامـش وأنت الأساسي

\\

ببتدي أول حروفـي [ بكـ ] ..!
وابنهيها بـ قول يا صاحبي " فديتكـ "
لو انكـ تعرف اشكثر " أح ـبكـ "
وكم بدمي نقشت كلمة [ هويتكـ ]..
كان عرفت اني اشوف نفسي فيكـ و أزهـا بكـ..
لين صـار " بيتي " في الهـوى.. هو [ بيــتكـ ] ..!!

\\

هلا باللي تميز بزين "الاخلاق"
هلا باللي لعب "بقلبي" وغدابه
تستاهل مني "التحيات" و"الاشواق"
تامر على "قلبي" ولك منه الاجابه
عسى مايجي بيني وبينك "فراق"
وعسى درب "المحبه" مايصك بابه

\\

{ تظــن إنڪ قليـل الشآن في قلبي
أو انـڪ مثـل باقي النـاس

حنــا لما تعارفنا
-- زرعت بداخلي ورده --

وڪانت ڪلها إيمان
بأن الطيب -- من ساسڪ --
و أن الذوق -- من أصلڪ --

و إنڪ بعيني * قمة الإحساس *
و غيـر عن ڪل الناس ..}

\\

ودي أشوفــڪ دايم الدوم فـرحان
و الإبتسامـﮧ ما تفارق شفاتـڪ

و الود ودي ما يزعلــڪ انسان
حـرام يضيق قلب شراتـڪ

صدقني الدنيـا بها مليون انسان
وما فيهم حد يسواڪ واللّـﮧ وغلاتـڪ

\\

باللي صدوقه نواياه
×الصدق طبعه يالله انك تحييه×

تفرح بشوفه يوم وقت الملاقاه
×مادمت عايش ودك انك تخاويه×

سلام مني بـ :المسج: ياك واقراه
×ياللي غلاك بصدق محدن يساويه×

\\

كـلـك ’’ احـبــك ,, انــت ،،
ايـــه انــت كــلـّك
تـسـئـل مـحـبـك ،، لـيـه مـن قـبـل يـسّـألـك
لاصــرت فــي قـلـبـه ،،، تـواجـد مـحـلـك
وانـــتـه | مـلـكــتـه | دون كـل الـبـشـر مـلـك

\\

وهااي المسجات الصباحيه والمسائيه :tongue:

صــبــــااح الخـــيــــر..
لاقــبـــلك ولا بعــدك..صبااح وخــيـــر..!
تعااال وسووولف لــقــلبن يحبك كثر ما احتااجك..
صــــبااح الـــشــوووق..
واحشني بعد عــمري..عسااك بخــيـــر..
ترى ما ابي من الدنيااا..سوااكــ..وضحكه..شــفـــاك..!

\\

صباح النور لا أكثر
صباح الورد بأنواعه
صباح الشمس لي تظهر
ونور الفجر وشعاعه
صباح السحب لي تمطر
كل لحظة وكل ساعة
صباح الجوري المعطر
بدهن العود وأتباعه
وفوق أكثر ما تتصور
صباح الأمر والطاعه

\\

صبـآحگ حب ..
صبـآحگ غير../
صبـآحگ گله [ خير فـ ~ خير ]
صبآحگ ضحگةٍ حلوهـ // تنـآم و تصحى ~ بشفآتگ ..
يا ـأغلى غالي ،، يـآ |غالي|!
../ يا |أغلى من الغلا| بگثير ..
يا و1حد صرت في قلبي? ../
تسـ=ـــاوي ميــ100ــه و حيـآتگ ..!!

\\

يآ " صبح "..
طمني عسى قلبه بخير ..!
يآ " صبح " ..
جب منه الخبر والبشاير ..
لـ الشوق لذعه ...والوله طعنته غير ..
وفـ القلب ماباقي فضا للخساير ..
يآ " صبح " ..
قله كلمه دون تقصير : انه حاضر في قلبي ولو هو غايب

\\

يا مسا التراحيب بالناس لخيار،،
عن حالكم قلبي يطرش سؤاله،،
لولا ظروف الوقت والبعد في الدار،،
ما تشفي المشتاق فيكم رساله،،
بس الرسالة مثل ما قالوا تذكار،،
والله غلاكم أبد ما وفت به رساله،،

\\

مساء الخير من الي يحبونك
مساء حلاه من حلا عيونك
مساء يحفظك ربي فيه ويصونك

\\

وبـــــــــس

(f)

ا

اسيل!

عروس ماسية

29-07-2008 | 05:24 PM

اتمنى انك استفدتي

بقولك حاجة

عندي اخت توها ملكت

واحسها عقلانية لدرجة ماتتخيلها ماشاء الله تبارك الله

رغم ان فيها رججججججججججججة خخخخخخخخخخ:tongue:

بس لاتستغربي من التناقض

خطيبها يطلب منها انها تسمعه كلمات حلوة او مثلا تصحيه للعمل او يرسلها مسجات حب ومن هالكلالالالالالالام

هي ردة فعلها تقول>>بامكاني اقوله صباح الخير او صباح الورد او اي شئ

او ارسله مسجات حب ووله لكن تقول لو تعوّد على سماعها مني الان في فترة الملكة

خلالالالاص محا يجي الزواح الا هو قد ملّ

وكمان توي سويت ملكة يعني لسه ماحبيته او دخل قلبي بمعنا اصح اقوله ياحبيبي لييييييييييييييش >>>احس نفسي كذابة في مشاعري

هو اذا اعطاني جرعات من كلمات الحب والدلال وحدة تكفيه

وبس اتمنى انك استفدتي :)

م

مسك*

عروس مبدعة

29-07-2008 | 10:07 PM

الله يوفقج ويسعدج دنيا وآخره
الله يتمم لج على خير ان شاء الله

ا

الشوق وبس

عروس مشرقة

30-07-2008 | 07:59 AM

بسمه ^_^;6771789:
ميته من الضحك على رد انسانه بلا روح

شوفي حياتي انا مثلج استحي وايد لدرجة انه اذا قعد جدامي ما اعرف اقول شي طبعاً هو يتضايق من هالشي بس اعوضه بالمسجات :D لاني لو ما طرشت له مسجات بكون مقصره في حقه

بالتالي يا ذكية شي يغطي على شي ،، يعني قولي الحمدلله ان في شي اسمه جوال ومسجات يا حظي

بسألج سؤال : انتي ما تستانسين اذا طرش لج مسج وتقولين واي فديته يفكر فيني ؟؟؟؟:15::o

طيب ما تبينه يستانس ويقول زوجتي تحبني او ممكن تحبني وتفكر فيني وانا شي مهم بالنسبة لها؟؟؟؟ :15:

مثل ما قالت عذوبة خلج وسط ... يعني اذا انتي ما طرشتي له مسجات حلوه من بيطرش له :mad: استعدلي يا بنت وخلج مره سنعه ,,,

يعني مثلاً مثلاً ( يا أول حب حبيته ،،، وسط قلبي خليته ،،، لا غيرك سكن قلبي ،،، ولا غيرك تمنيته )

والله بيستانس وبعدين هذا زوجج يالدبه يعني بتاخذين فيه اجر ،،، شوفي آنا دخلت قسم الجوال بالمنتدى ونسخت كل المسجات لوقت الحاجة :D

يعني مب شرط تنتظرين لين يطرش هو طرشي له مثل ما قالو البنات الصبح في الليل تصبح على خير وهالسوالف

ايه بعد حلو اذا كان بخاطرج شي مثلاً احساس معين وما قدرتي تقولينه اكتبيه له ،، عشان يتصل هو ويفتح معاج الموضوع وطبعاً انتي شوفي هو من اي انواع الرجال وش يحب وش يكره

بس لا تصيرين بخيله بمشاعرج مفهووووووم

هذا الجزء الثاني من درس انسانه هي موصيتني :tongue: هذي حصة احتياط

أنا أؤيد كلام بسمة..!!

أنا بالنسبة لي وااااايد أستحي منه..فأعوضه بالمسجات..حرام يعني أحرمه من كل شيء..يعني لا كلام باللسان..ولا كلام بالمسجات؟؟!!!

بعدين هذا ريلج..حراااام وااااااااايد تثقلين..صح الثقل حلو..بس الشيء لو زاد عن حده انقلب ضده..!!
كوني وسط حبيبتي..!!

ج

جدة ياهواء الولهان

عروس مشرقة

31-07-2008 | 01:38 AM

في كتاب اسمه رومانسيات زوجية حتلاقيه في المكتبات اشتري منه حينفعك الحين وبعد ماتتزوجي انا من جدة يعني حتلاقية في السعودية ب25

ع

عيون الفهد*

عروس ذهبية

31-07-2008 | 01:50 AM

ماكنت زيك امكن عشان او 3 اسابيع ماكنت اكلمو ع الجوال

بس كنت اشوفو في العزايم واتكلم معاه

واول مااخذ رقمي ارسلي مسج ورديت عادي

وانتي اتدخلي على قوقل واكتبي (مسجات حب_ رومنسيه_غزل_ غرام)

زي كدا واكييييييييييييييييييييييد حتلاقي مسجات

ومو شرط هوا يرسل بعدين انتي

ارسليلو انتي من نفسك عشان يفرح

عيون الفهد

م

مس فوفا

عروس نشيطة

02-08-2008 | 10:39 PM

أميرة الحلوين;6774344:
عن نفسي صار لي مخطوبة فترة
تعتبر طويلة رغم ذلك (كنت) ماخذة الثقل كله,, (الحين الوضع تغير)
حتى أذكر اني بعد...... فترة من...... قلت له كلمة أحبك .. ما صدق أنهبل و الله حتى يقول لي كنت بدخل بالمبنى اللي كان قدامي
و بالنسبة للمسجات تعتبر مرات معدودة اللي ارسلت له فيها من الرسايل اللي يتبادلونها العالم فيما بينهم
يعني كنت اكتب له شي من عندي
اي صح بيوم من الايام كان بالدوام ارسلت له (احبك) بعدها اتصل ما اقدر اوصف لك شعوره
رديت عليه و انت صدقت كنت امزح هههههههههه
بس من جد من قبل خطوبتي كانوا صاحباتي يحسدون اللي بيتزوجني علشان اني كنت اكتب لهم أشياء حلوة
بس مع الأسف من خطوبتي تقريبا بطلت اكتب.... أحسن :21_133: في البداية بس مو على طول
اممم وبس
نصيحتي لك لا تقولين له كلام حلو من البداية خليه يحس ان هالكلمة اللي طلعت منك من قلب مو علشان انك ودك تبادلينه نفس المشاعر او......
يعني مو معقوله انك راح تحبينه من بداية الايام ......
عندي لك امثلة:
لو صار له وقت ما اتصل ترسلين له (حبيت اسأل عن القمر وين غايب..؟)
رسلة للصباح (أغلى حبيبة تحب تقول لأغلى حبيب صباحك ألــــــــف خير ياعمري)
و هو طالع للدوام (صباح الورد يا وردة حب ما تذبل.. صباحك ألف خير يا عمري..صبح و مسا كله خير و سعادة و هنا ببركة الرحمن<بالتوفيق حبيبي الله معك>) هذي طبعا تعطيه طاقة و حيوية و نشاط
اعذريني طولت عليك كثير,. و لو ما عجبك اي شي من كلامي عادي طنشي اهم شي تسوين الشي اللي يريحك بس الله الله بالثقل اوكي يا قلبي

المسجات اللي طارحتهم رووووعه والله استخفيت عليهم