ساعدوني اطلع بنيو لوك للدوام بليز ساعدوني

مرحبا

لفت نظري موضوعج فحبيت أطرح أفكاري يمكن تفيدج وإذا ما فادت ماراح تضر ..

بالنسبة للـ " المخور " فمافهمت يعني شنو !!

تقدرين تغيرين بدل ما تلبسين قميص تلبسين بدي وفوقه جاكيت مع التنورة وسير ع الخصر ,, هذا اللبس وايد رسمي وأكثر شي نتعامل معاه بالشغل سواء كان بمدرسة أو غيرها ..

وعلى حسب ما فهمت منج أنج مو ضعيفة فتقدرين تلبسين بانطلون وفوقه قميص طويل فضفاض شوي بحيث يخفي الكرش ,, صدقيني معانا بالشغل بنات والدات سبق لهم الإنجاب من قبل ويلبسون هاللبس ومو مبين عليهم الكرش وتقدرين تبدلين القميص بتوب فضفاض وفوقه نفس البلوزة مفتوحة قصيرة مع بانطلون ..

أعتقد أن هالستايلين يناسبون جسمج أكثر ..

وإذا وصلت البيت راح أصور لج شوي من ملابسي مع أن أدري ما راح يناسبونج بس ع الأقل تاخذين فكرة ..

ومسامحة عمري إذا ما فدتج ..

تحياتي

malaak;6762699:
هلا هلا عيوني

هلا بيج عمري .. :)

malaak;6762699:
لا بالعكس وااااااااااايد حلوة افكارك

الحمدلله عجبتج ,, لأن هذا الستايل المتعارف عليه بهالوقت ..

malaak;6762699:
وفعلا هذا الاستايل البسه بالطلعات العائلية بس بالدوام ممنوع البناطيل بس بدل

أها ,, فكرت عادي سامحين لكم بأي شي ,, المفروض يصممون لكم UNIFORM دام يحددون لكم شنو تلبسون وشنو ما تلبسون ..

malaak;6762699:
والمخور الدراعات الاماراتيه الي تكون تطريز على الرقبة ما ادري فهمتي علي

بوريك صورة لهم

الحين فهمت الخور ,, خطرت على بالي فكرة الحين مادري إذا تستحسنينها أو لا لكن راح أطرحها ونشوف ,, الفكرة عبارة عن لبس شبيه بالجلابية وهو يكون جلابية مفتوحة من جدام بس تكون من فوق شبيهة بالعباية وتحتها بانطلون بما إنها راح تكون مفتوحة وفق البانطلون قميص جبنيز أو مزلط أوردي ماراح يبين الكم ,, المشكلة ماعندي صورة لك راح أدور لج بالنت وإن شاء الله أحصل ..

malaak;6762699:

L0olo

انتظر الصور الغالية ان شاء الله ما تنسين

ما نسيت بس شوي كنت مشغولة والحين راح أنزلهم ومعذرة على ردائة الصور وعدم وضوح الألوان الطبيعية بسبب قلة الإضاءة والموبايل مو ذاك الزود كاميرته ..

ما أطول عليج وتفضلي الصور ..















تحياتي

مرحبا


L0olo

لولو هلا هلا الغالية
هلا بيج عمري

بجد وايد عجبتني افكارك وذوقك ما شاء الله عليك ذويقة
شكراً هذا من ذوقج الحلو وننتظر نسمع منج أخبار حلوة..


والموديل ما فهمت حتى لو ممكن ترسميه وتسوي سكان اشوفه واطبقه
إن شاء الله ,, بس أحصل جانس أرسم وأسوي سكان مع أني مو ذاك الزود بالرسم بس إن شاء الله أرسم الي الله يقدرني عليه ..

عجبوني كثير افكارك ولبسك لي نزلة قريبة على السوق ان شاء الله
الحمدلله ,, وأنتي هم نزلي السوق وشوفي أكيد راح تلقين أفكار جديدة وحلوة ..

وآنه مع الأخت بنت البدو ,, حاولي مثلاً تنوعين يوم تلبسين عباية ويوم بدلة بحيث العباية يوم تكون بشيلة ملونة ويوم بشيلة سودة يعني تكون الطقم مع العباية واليوم الي تلبسين فيه بدلة لبسي شيلة ملونة ,, الشيل الملونة تغير وايد بالمظهر وأهتمي بلون الشنط والنعل وتعددهم لأن الألوان والتعدد يلعب دور كأنج كل يوم تطلعين بنيو لوك يعني مثلاً تلبسين شيلة بيضة ونعال أبيض على بدلة قماشها جينز والشنطة تكون جينز وايد حلو الستايل أو مثلاً تلبسين قبعة تحت الشيلة لونها مثل لون الشنطة والنعال ولون الشيلة غير عنهم ..

راح أحاول أرسم أي شي في بالي وأسويه سكان عشان تتوضع الفكرة أكثر ..