من الكوويت إلى البحرين الغالية

بناااات بلييز ساعدووني
لا تبخلوون علي

:D


اشدعوووه ماتيون تساعدووني :confused:

حياج الله أختي عسولة قلبه بديرتج..

وكل بنات البحرين أكيد يرحبون فيج، بس أنا أعتقد محد شاف موضوعج..

بالنسبة للفندق عندج فندق "اليت سويتس" موقعه بالسنابس.. وقريب للمجمعات التجارية بالمنطقة..
يعني لروحة مجمع السيف ومجمع البحرين والدانة.. تلاقين في مجمع الدانة سينما ومطاعم متوفرة والتسوق أنا أقترح عليج مجمع السيف وانتي تعرفينه أكبر مجمع بالديرة..

أخيراً انفتح منتزه عذاري، مع ان المدينة الترفيهية عندكم بالكويت وايد أحلى عن عذاري هههههههه
صغير على قدنا شنسوي؟!

المطاعم في مطعم الأبراج في الرفاع والسهلة والمحرق، اختاري واحد من هالفروع كله حلو.. أو مطعم مرمريز، مقابل لمجمع البحرين وقريب للفندق..

محلات الأطفال..
روحي مذركير في أحد فروعه.. أو آدمز.. أو بمبكن باتش..

لاسنزا موجود أختي بمجمع السيف

الله يعينج ع الحر.. "عندنا وعندكم خير".. أكيد طلعاتج بتكون في المساء لأن النهار بقة هههههه

آمري بعد..

وحياج شقتي إذا تحبين خيو..

مشكوورة واايد الغالية وما يآمر عليج طالم ان شاء الله

صج افدتيني واايد لانه حدي حايسه ومو عارفه وين ارووح خصووصا اني بقعد فترة بسيطة

وعلى الحر خخخخخخ عادي صار عندنا مناعه الله لا يوريج الغبار والرطووبه الي عندنا

حبيبتي ما قصرتي ويين اقعد عندكم انا بزوركم مع زوجي :)

تسلمين الغالية صج انج بنت اصاايل :)

شفتي عاد

انا داشه هالقسم ابي نفس المساعده بس بالعكس خخخخخخخخخخخ

خل احط اللي عندي وبعدين بسأل سؤالي

شوفي حبيبتي

بالنسبه للسكن انتو شقد ميزانيتكم للسكن؟

مجموعه اليت مثل ماقالت الاخت راقيين و نظاف

في بالسيف واحد اسمه اليت غراند هذا اجدد واحد بالمجموعه

شوي غالي يعني بس لو تبون فنادق حلوه و نظيفه

عندك فندق الخليج

فندق نوفوتيل بالمحرق ( وايد حلو بيعجبك )

فندق الريجنسي

الدبلومات ( راديسون ساس ) بعد مجدد و نظامه حلو

وكلهم بالعاصمه المنامه قريب من اماكن المجمعات ( السيف , العالي , الدانه, البحرين )

في مجمع ذي سنتر هذا بتلقونه في سند منطقه شوي بعيد عن المنامه يعني تقريبا ثلث ساعه او اكثر

حق اليهال بتلقين بهالمجمعات كل الماركات حق اليهال واغلبهم بالسيف ( العالي غالي ما انصح فيه )


الصوغات طبعا اكيد مو من المجمعات عندك سوق محرق اشوف وايد كويتيين اييون ياخذون حلوى صوغه حق اهلهم

و بتلقين فيها سوق العبايات الشارع كله عبايات

امممممم مادري بعد شنو تبين عشان اقول لك


انتظري ردي الثاني <<<< ورا وحده بوحده ؟

الحين انا يمكن نيي عندكم لان كل ما حاولنا نرتب حق سفر بره مو قاعد يضبط و شكلها اخرتها بنطقها الكويت

عاد انا رايحه قبل و دايريين بعض المجمعات بخاطري هالمره اغير ( ينقال لي مسافره بره يعني )

ابي شنو عندكم اماكن سياحيه حلوه حق عايلات كل واحد و منطقته

ابي اسواق حلوه غير المجمعات و غير النقره الشمالي و الجنوبي

يعني شي احصل فيه بدلات حلوه ستايل ماتكون مكرره

اللي بالمجمعات اذا لبستيه معروف انه من المحل الفلاني عشان جذي ابي اسواق بره

ابي مطاعم حلوه كشخه و سعرها مناسب و في اي منطقه

و اي شي ممكن يفيدني قولي لي :)

مراوي

مشكووورة وما قصرتي الغالية يعطيج الف عافية صج افدتيني


شوفي بالنسبة بالنسبة للاماكن السياحية

انصج بالمركز العلمي اذا مورايحة لا يطووفج واايد حلووو وهو بالسالمية على البحر

عندج بعد المدينه الترفيهية بالدوحة شوي بعيدة بس اهي احلى مكان ترفيهي عندنا

مممم حديقه الشعب هم عالبحر

حولي بارك فيه العاب لليهاال ومكتبه جرير بحولي

مرح لاند بالصباحية هم نفس الشي العاب لليهال

طبعا شي معرووف ابراج الكويت وبرج التحرير هم اماكن حلوووة فيها مطاعم ومحلات بسيطة

بعد الجزيرة الخضراء واايد حلوووة
عندج بعد اذا تحبين متحف الكويت وبيت لوذان وبيت السدو والمرسم الحر يعني اماكن تراثية حلوووة

بالنسبة للمجمعات طبعا عندنا اكبر مجمع بالكوويت الافنيوز واايد حلووو وفيه محلات يديدة وحلوووة من النوع الي يعجبج :) وفيه سينما ومطاعم حلوووة بعد

عندج سوق شرق اخير البحر
ومارينا مول بالسالمية استايلاته حلووووة بس نصيحة لا تروحين بليل وعععع
الشباااب ضبه عليه وهم فيه جسر من المجمع لي البحر
والقعده الي على البحر روووعه كلهااا مطاعم ومقااهي بس قعده حلوووة

الكووت والمنشر قبال بعض مممم شسمها المنطقه خخخخخخ
على ما اعتقد ابو حليفه
عندج بعد مجمع اجيال و كويت مجك مممم مو ذاك الزود يعني

المهلب بحولي هم في محلات حلوووة وبعد اذا تبين عبي وقمصان نووم مجمع الايووب والسندس قبال بعض بحولي ويمهم فيه مجمع البلازا واايد فخم


واذا تبين اسوااق رخيصه يعني من سوالف ال100 فلس وبو 5 دنانير للصوغات
عندج سوق السالمية اليديد بدايه البحر
والسالمية القديمة ( المحاميد _ مستوورة _ مارك سبنسر _ مجمع زهرة _ مجمع شاهه ) وفيه بعد كلهم تقريبا بسطره وحده

المطااعم

عندج واايد مطاعم على امتداد البحر منها ( تشليز _ فدركز _ ابل بيز _ نينو ) وفيه واايد
اذا حابه الاكل اللبناني انصج بالبستاان عجيييب هم على امتداد البحر
عندج بعد ميس الغانم عاد هذا رووعه القعده حلوووة والاكل لذيذ والسعر بلاااش

اذا حابه الاكل المغربي عندج مطعم مراكش بابراج عاليه وغالية وااايد حلووو بس مكاان صغييير

اي وبعد روبي تيوزداي يم ابراج الكوويت اكله حلووو

عندج بعد النوخذة وفش ماركت روووعه اذا تحبين الاكل البحري بس شووي غاليين

مممم بعد فيه مطعم او يعتبر مقهى بس مو مال شباب وشيشه لا
واايد راقي وحلووو فيه قعدة فوووق تطل عالبحر واايد روعه اسمه ديفاز
مم على شارع البلاجاات

وووو مادري هذا الي تذكرته الحين واي شي تبين انا حاضرة للغاليين :)

عسولة قلبه;6777998:
مشكوورة واايد الغالية وما يآمر عليج طالم ان شاء الله

صج افدتيني واايد لانه حدي حايسه ومو عارفه وين ارووح خصووصا اني بقعد فترة بسيطة

وعلى الحر خخخخخخ عادي صار عندنا مناعه الله لا يوريج الغبار والرطووبه الي عندنا

حبيبتي ما قصرتي ويين اقعد عندكم انا بزوركم مع زوجي :)

تسلمين الغالية صج انج بنت اصاايل :)

حياج الله بعد قلبي، الدار دارج..

إذا ما يشيلج المكان تشيلج العين حبابة..

متى ان شاء الله معزمين تيونا؟

تسلميين الغالية ما قصرتي

ان شاء الله نص شهر 8 يعني مو محددين الوقت بالضبط