جهزتي طفلك للمدرسة !! خلينا نشوف ..

مشكوره ماما حسون عالموضوع الحلو
لسى بدري عالمدارس

ما شاء الله حلو الموضوع

انا عندي ولدي بيدخل الروضه وعمره 3 و8 شهور

بعدني ما اشتريت بس هالاسبوع ببدأ ان شاء الله بسافر الدمام والخبر والبحرين واذا عندكم محلات عندهم شغلات مميزه خبرونا

واول ما اشتري شي بحطه هني ان شاء الله


وهذي بعض الاشياء اللي ناويه اشتريها

شنطه
اقلام رصاص
اقلام تلوين شمعيه
شنطه
دفتر ملاحظات للمعلمه
ستيكرات
ملف
الشاره المدرسيه(بطاقه تعريفيه باسم ولدي)
اللانش بكس

ملابس داخليه
جوارب
ساعه


طبعا بغيرله كل شي
فراش للسرير
مشط
عطر
فرشاة اسنان
بودرة التلك الخاصة بالاقدام
محارم بشخصيات ديزني شفتها في الكارفور


وبسويله ان شاء الله حفله قبل دخوله للمدرسه
وعندي فكره اني اشتريله هديه اول يوم بس ما بخليه يفتحها إلا لما يرجع البيت
عشان اذا فكر يصيح اذكره فيها

وبشتري هدايا بسيطه للطلاب اللي في الفصل

وهذي كل ترتيباتي له

موضوع جدا حلو راح استفيد عدل مدل من وراه


أني للحين ماجهزت ولا غرض لولدي علاوي ولا حتى الزي المدرسي رحت أفصل له

موضوعك كثيير حلو حبوبة ............. لفيت كم محل ......... بس ما شريت لسة .... عجبوني اغراض لايف ستايل اللي بمجمع الرفاع ....... ودار راسي كل ما اشوف شي اقول هذا حلو التفت على الرف اللي الثاني القى شي احلى احلى خخخخخخخخخخخخخخخ والله حيرة ........... ان شاء الله باخذ الصغار بروحهم يختارون احسن

حلو موضوعج ام حسين بس للاسف اني للحين ما شريت ولا شي وهذي فرصتي اني اختار الافضل من هالموضوع .

بس انتي شريتي اكيد يالله ابتدي انتي

ولدي بعده صغير عالدراسه حبيت ادخل واشارك وياكم
الموضوع حلوووو

موضوع حلووو

ان شاء الله نستفيد منة

ولدي بعده صغير عالدراسه حبيت ادخل واشارك وياكم
الموضوع حلوووو

اني بعد بنتي صغيره عالروضه والمدرسه

بس حلوو الموضوع خلنا ناخذ فكره من اللحين

موضــوع حلــووو ويا ريت تدعمــوه بالصــور بيكــون أحلى واااايد...

هلا ماما حسوون موضوعك مررة حلو عندي ولدي الكبير حسن هالسنة بيروح اول ابتدائي شريت له شوي

احنا عندنا في السعودية المرحلة الابتدائية للمدارس الحكومية يلبسون اي شي يعني مو زي موحد والحين منتهزه فترة التخفيضات للتجهيز

ان شاء الله اذا صورتهم بحطهم لكم

مشكورة الموضوع حلو أنا بتني رايحة صف الأول وللحين ما جهزت لها ولا شي أن شاء الله هاالأسبوع راح ابتدي عالأقل بالزي المدرسي

موضوع حلو وكنت احتاج مثله :)

بدخل حمودي الحضانه هالسنه خخخخ وحليله ادري صغير بيكون توه مكمل سنتين على بدايه السنه الدراسيه بس احس اباه يتعلم يكون له شخصيته المستقله..غير اني مااباه يتعلق بالشغاله في البيت اذا انشغلت عنه بالبيبي الجديد ان شاء الله...وبعد لاني وايد احس انه يمل اذا ما طلعنا من البيت..ويبغي يهال يلعب وياهم...المهم الحضانه اصلا مب كل يوم...يومين بس بالاسبوع و من الساعه 8 ونص للساعه 12 و نص...

طبعا انا موووووووووووووول ما عندي خبره بهال سوالف...فمب عارفه اصلا شو اخذ له...قالولي بيسوون اجتماع امهات في شهر 8 ..اكيد بيقولون لنا شو نودي معاهم..هم قالولنا لازم اودي ملابس كغيار اذا وصخ ثيابه...وحفاضات اذا بعده يلبس...طبعا انا بديت ادربه بس في البيت ما البسه..ان شالله هناك ما يفشلني خخخ
وطبعا اكله لازم اطرشه...فلازم اخذ له لنج بوكس حلو :) وهاي سالفه ثانيه لاني ما اعرف شو اطرش له من اكل :(


انا قلت بتريا مفاجات العوده الى المدارس اكيد الكل بينزل اشيا حلوه..بس يلزمني شنطه لاغراضه من ثياب وجيه و شنطه الانج بوكس..و هاليومين اضن ببدا اخذله ثياب مريحه للحضانه لانه ما يحاجون يونيفورم يلبسون اي شي...


اللي مدخلين عيالهم حضانات قولولي شو يحتاجون :)

بكون متابعه الموضوع واذا خذت شي على طووووووووول بصوره و بنزله لكم

موضوع رائع و جديد

ننتظر مشاكاتكم بالصور

السلام عليكم ..

شخباركم أمهات..

انا كملت أغراض ولدي ..

أمس كمل 3 سنوات..

سجلته من شهر 6 .. واشتريت ثياب الرياضة من بيت الأزياء.

وفصلت ثياب الروضة في يوني فورم..

وخذت جوتي الرياضة من مذركير الأصلي..

وجوتي العادي من مذركير مارينا..

خذت الشنطة من تويز آر اس,,

وشنطة الأكل من لولو هايبر..

اشتريت فايل وسبورة وأقلام ماركر..

الجواريب خذت من بي اج اس ومن مذركير

الملابس الداخلية خذت طقم من آدمز..

هذا الا اذكره

بس بصراحة ما اعرف احط الصور

موضوع واااايد حلوووه

بس انا عيالي بعدهم صغار على المدرسه انشالله أستفيد من خبراتكم

موضوعك يجنن يا ام حسين طالع على صاحبته

اني تقريبا جهزت كل شي لصدوقي للروضة وانشاء الله بيكون لي رد مرة ثانية وبصور اغراضه

موضوع رائع ماما حسون

ولي عودة ان شاء الله.....

موضوع وايد حلو وجاي بوقته... الناس يادوب توها تسنانس بالإجازة لكن لازم تجهز كل أغراضها من الحين..

أنا تشريت شويت أغراض لعبودي وهو السنة راح يكون سنة ثانية روضة... أحاول أصور الأشياء الحالية ولما أشتري أشياء جديدو بعد راح أعرضها..

سؤال.. دورت شنط HULK وماحصلت غير في تويز ار اس.. وحتى بالكويت ماشفت.. ممكن حدج من بنات البحرين يدليني إذا في مكان ثاني؟؟؟

موضوع حلو وراح يفيد كل الامهات

بس انا ولدي للحين صغير بس عندي امي تجهز حق اخوي وخواتي ان شاء الله كل مااشوف شي حق مدرسه راح اخبركم

انا خذت حق اخت ريلي شنطه لولو كاتي من تايلاند

نصيحه اللي بيروحن تايلاند لايطوفون هالشغلات حق المدارس خاصه محلات لولو كاتي عندهم اغراض حلوة للبنوتات