رضيعك ينام الليل بطوله؟؟ كيف علمتيه

ع

عزف الوتر

عروس جديدة

26-07-2008 | 08:18 AM

السلام عليكم و رحمه الله و بركاته

اخواتي اللاتي ارتحن من النوم الليلي المتقطع .. بالله عليكم تساعدوني و تقولون لي كيف قدرتوا تعلموا الطفل الرضيع انه ينام الليل بطوله "او على القليله يصحى مره مرتين مش كل ساعتين"

انا قرأت كثير عن هالموضوع و الطريقه المضمونه هي ترك البيبي في سريره بعد ما تكوني بدلتي له و اكلتيه و هيأتي له جو النوم .. طبعا البيبي راح يصيح و يصارخ.. معليش نتركه 5 دقايق و نرجع نهديه و نتركه مره ثانيه و هالمره نتركه 10 دقايق و بعدها 15 دقيقه و هكذا الين البيبي يتعب وينام

ادري الطريقه تبان متوحشه و ما فيها رحمه بس فعاله و انتي و البيبي راح تستمتعوا بنوم طويل و مريح على المدى الطويل

ابي اعرف اللي جربت هالطريقه تعملنا عن تجربتها.. الله يجازيها الف خير

مشكورين

ع

عروس جنان

مشرفة سابقة

26-07-2008 | 10:54 AM

أنا عــودت ولدي على هالطريقــة ...
كان ما ينام الليل الا الساعة 1 أو 2
فقمت أعشيه واسبحــه.. واخلي الغرفـة هااادية وضوء خاااافت..
وارضعـــه... وعلى طول اخليه في سريره ... واذا قام يصيح
اطبطب عليه شوي شوي لحد ما ينام ... والحمد لله الحين
مرتــاااااااااااااحـــة ع الساعة 9 خلاااص ولدي ناااايم...

ن

نبعه الريحان

عروس برونزية

26-07-2008 | 12:24 PM

انا ماجربت ها الطريقه........

بس اجوعها شوي يعني اخلي بين الرضعه والثانيه مايقل عن ساعتين وابدل لها واخلي الانوار خفيفه وبعدين احسها نعست وعطشت ارضعها وتنام وماتقد الى بعد ساعتين او ثلاث او اكثر على حسب ...

واذا كان عندها غازات او فيها شي يألمهاماتنام الى ساعه او ساعتين متواصلين....

ع

عزف الوتر

عروس جديدة

26-07-2008 | 12:31 PM

مشكوره يا عروس جنان
بس ممكن تعلمينا اكثر عن تجربتك؟ يعني كم كان عمر البيبي و كم يوم احتجي عشان تعودي الطفل على هالنظام
انا عودت ابني على النوم بدري بس ما قدرت احد من قعداته المتكرره
انتظر ردك عزيزتي

ا

ام عمـار

مشرفة سابقة

26-07-2008 | 10:09 PM

حبيبتي انا عن نفسي كنت انيمه بس مرتين باليوم عشان ما يشبع نوم

و كنت محددة وقت نوم محدد قبله مستحيل ينام ب 5 ساعات

اشبعه و ابدله و انيمه

و ان شاء الله تستفادين

s

smsm78

مشرفة سابقة

26-07-2008 | 10:20 PM

الطريقة هذي وايد مفيدة وتنفع

انا جربتها وااااااااااااااايد وصراحة نفعتني اخلي ولدي بالسرير لين ينام بعد ما يتعشى واسبحه وابدل ملابسه ويرقد، بس ممكن يقول بالليل مرة على الاقل

واذا قام الصبح ما يبكي يلعب وانا اقوم على صوته واهو يلعب بالالعاب اللي عالقة بالسرير، فاكمل نوم عادي

كان يقوم لما اخوانه الاولاد يرقدون معاي بالغرفة، اللي يقوم من النوم يقوم الثاني ههههههههه
بعد ما طلعتهم بغرفة بروحهم ارتحــــــــــــــــت وااااااااااااااااااايد

الله يخليهم لنا يا رب

ع

عذاري...

عروس برونزية

26-07-2008 | 10:23 PM

اول شي ممنوع النوم بعد الساعة 8

ما تجي 9 الا هلكانة وتبي تنام

اما شلون ما تقعد في الليل لازم الطفل من يوصل الشهر السادس ما يقعد في الليل

شوفي هالموضوع

ح

حبيبه رائد

عروس مبدعة

27-07-2008 | 01:23 AM

بالنسبه لي نص نص
يعني احيانا تنام الليل وتستيقظ مره او مرتين واحيانا كل نص ساعه تصحى ؟؟ يعني حسب
وانا ماسبحها بالليل اسبحها او ل ماتصحى من نوم بالنهار...
تنام ظهر واحيانا العصر بس من تجي مغرب احاول ماخليها اذا قدرت فهي تنام عدل واذا ماقدرت ماتنام الا ساعه 3 او 4

وهكذا ... لاكن احاول معاها كل ليله واشوف تحسن كبير عن ايام الاربعين ..
الحمد لله .. ربي يحفظها لي ويحفظ عيالكم ...
وان شاء الله تستفيدي خيتووو
وتراا يعتمد على عمر طفلك بعد.. وبقولك شئ اهم حاجه لاتصارخين عليه بالليل ...

تحياتي .. نوقطه

د

دمع الليل

عروس ماسية

27-07-2008 | 01:45 AM

السلام عليكم ورحمة الله وبركاته

انا عودته خلاص ما ينام الا مرتين باليوم وكل مرة نص ساعة بس او ساعه الا ربع
وقبل النوم اخليه يطالع التلفزيون برنامجه المفضل عنبر على الجزيرة للاطفال ....

وطبعا وهوه يطالع اكون اعشيه و بس يخلص ابدل له و اعدل فراشه وهوه يعرف حزة النوم يمد يده عشان الرضاعة واعطيها اياه وينام بروووحه وهذا البرنامج اتببعته معاه من كان عمره 11 شهر لحين الحمد لله

وينام للساعة 12 الظهر وهكذا الحمد لله

في أمان الله

ا

ام شـوق

عروس مبدعة

27-07-2008 | 09:49 AM

ما اخليه ينام من بعد المغرب ولما يجي الليل ابدله ملابسه ةارضعه واخليه بالسرير

ح

حلاوة المر

عروس ماسية

27-07-2008 | 10:01 AM

مشكورة يا اختي

ا

امـ علاوي

عروس ذهبية

27-07-2008 | 10:48 AM

انه اعشيه قبل لاينام وهو يلعب وبعدين ابدل حفاظته والبسه بجامته
واشغل ليت النوم وارضعه وبعدين انيمه
احيانا مايرضى يبي يواصل لعب مع المحاولات الكثيرة بالاخير ينام هههههه