ازاليا ولا الرونق؟؟؟ بسرعة عرايس البحرين لازم احجز بكرة

مرحبا عرايس
ادري الموضوع لازم يكون في قسم المكياج بس انا ابي اسئل عن مكياج و تسريحة العروس يعني بلييييز مشرفات لاتنقلونه

اليوم رحت ازاليا صالون ميساء القلاف و شفت شغلها بالصور عجبني واااايد مع ان في عروس متمكيجة هناك ماكان مكياجها ذاك الزود يمكن لانها كبيرة شوي
المهم ان المكياج الي بالصور وااايد عجبني خصوصا انها تستخدم ماركة كرايولان و انتو عارفين جونا الحلو و العرس في شهر 8 يعني يسيح المكياج يصير خرااايط
المشكلة ان شغلهم على الشعر ماعجبني و امها نصحتني اروح عند وحيدة بالرونق
دخلت المنتدى و شفت البنات يمدحون بمكياج الرونق و تفاجات لما عرفت ان معصومة ماك الحين صارت عند الرونق
الحين ابي رايكم اسوي الشعر و المكياج عند الرونق و افك روحي من المشاوير؟؟؟ و اذا خذيت مكياج الرونق اخذ عايشة ولا نهاد ولا معصومة؟؟ طبعا للعروس و اخت العروس؟؟
ولا اسوي الشعر عند الرونق و بعدين اروح لميساء؟؟
بلييييز الي شايفين مكياج الرونق و مكياج ميساء يساعدوني لان ابي احجز بكرة بالغصب لقيت التاريخ الي ابيه فاضي عند ميساء مابي اتوهق

بللل وااااايد هذرت بس معليش اعرفكم بنات البحرين تموتون بالسوالف

و بعد اذا ماعليكم كلافة ابيكم تنصحوني بصالون زين للحفاف يعني يضبطون الحواجب للعروس و يغيرون الوحدة>>> اشرايكم بالاطراف الناعمة؟؟ و اذا وحدة تدلني بالضبط وين يصير اكون شاااكرة لكم