شو فايدة البخور للحرمة؟ السعوديات ساعدوني وفهموني

ع

عيون بوظبي

مشرفة سابقة

25-07-2008 | 07:15 PM

السلام عليكم يا حريم ..

بالذات بنات السعودية .. اتمنى منكم تساعدوني ..

بصراحة انا دوم اقرا في ردودكم عن البخور وانه الوحدة لازم تتبخر .. بس صدقوني للحين ما قدرت افهم الفكرة ولا السبب ...

ياريت الاقي منكم شرح تفصيلي للموضوع .. لأني اعاني من وجود هواء في الرحم واحسه وايد بعد .. وانتوا ماشالله عليكم عندكم اهتمامات بالاعشاب وهالسوالف وانا مييييييح ماعرف شي ..

ياريت اتساعدوني واتحلون مشكلتي ..

واتمنى اعرف شو فايدة البخور وليش استعمالة .. وكل متى اقدر استعملة ... يعني لازم تكون فيني دورة او عادي اي وقت ؟؟

وياترى لو البخور ينفع للهواء .. كيف بيطلع الهواء وبحس فيه او لا ؟؟

في انتظاركم

ر

روح ابوهها

عروس ماسية

25-07-2008 | 09:45 PM

هلا با الغاليه ..
.. اولا ايه صح دايم يسونها والا كثر يتبخرو بي قشر البصل لنزول المويه .. وهذا الشي عرففناه من اهلنا يعني
زز لاامانه انا ما جربت بس اعرف انه تسوي الي با النفاس وموب شرط وقت الدوره عادي بس تتاكدي ما فيك حمل وتسويه
وطبعا اذ تعرفي طريقته سويه اذ ما تعرفيه انتظر ردك واحط لك الطريقه با البخور وهيا كثير تفيد واعتقد انه تحسي فيه وقت خروج من الصوت يعنى واهم شي انه ما تتعرضي للمكيف على طول عشان تفهمي اكثر ما يكون المكيف مقاابل رجولك مقابل المنطقه ..
.. وما تخلي زوجك يجامعك وضعيه السجود كثير او و فيه مكاان جدا بارد او على جهه المكيف ..
.. اتمن اكون افدتك وربي يسهل لك دنيتك ويحفظ لك اطفالك ياارب ...

ع

عيون بوظبي

مشرفة سابقة

25-07-2008 | 09:58 PM

الله يسهل عليج حبيبتي عيون محمد ومشكورة على ردج ..

ياريت تحطين لي الطريقة عزيزتي .. والمدة الي لازم اتم فيها ما تعرض لمكيف وياترى ما تكون ريحتي بصل بعد ما اتبخر بالقشر ؟

ر

روح ابوهها

عروس ماسية

25-07-2008 | 10:20 PM

هلا عيون بو ظبي
اختي الطريقه انك تجيبي قشر البصل حلو ..؟؟
.. وتروحي غرفه تطفي فيها المكيف قبل لا تدخليه بثلث سااعه يعني عشاان ما يكون فيها بروده لا دخلتيها
وتطفي المروحه اذ شغله وتتاكدى من الدريشات اذ مقفله زين وتدخلي الغرفه معااك قشر البصل والمبخره فيها فحم طبعا مولع يني جاهز انك تحطي فيه البخور وتتبخري وتكوني لابسه بس قميص ما تحته شي خفيف شووي وتكونى جايبه معااك بطانيه ( لحاف )....
.. وتجيبي اكرمك الله فوطه وكلوت ..
.. وتحطي القشر على الفحم وتحطيه تحت وتقفلي ثوبك زين وتحاولي ترتخي عليه شوي وترتفعي من جديد يعنى لمده 20 دقيقه تقريبا انتبهي لا تطولي وانتي مرتخيه عليه بس بين فتره وفتره
وعقبها البسي الكلوت تكون فيه الفوطه وافرشي البطانيه والتفي فيها لف فهمتي يعنى تكون مفروشه عدل وابدي فيها فيى احد من الاطراف وابتدي لفي جسمك وخليك الين ما تعرقي خلااص قومي الحمام وتحسي فيها طلعت بس يعني مو تعتمدي خلااص يعنى بيروح بس يمكن بيرد لا تعرضتي للمكيف ثانى او وضعيه السجود..
.. وعقب استحمي وعاادي ا اغسلي جسمك بكريم معطر من كريمااتك وما بيكون فيك ريحه ابد ..
.. اتمن اكوون افدتك ربي يسهل عليك ...

ع

عيون بوظبي

مشرفة سابقة

25-07-2008 | 11:40 PM

حبيبتي والله تسلمين يا قلبي ...

عسى ربي يقومج بالسلامة انتي والبيبي ان شالله ....

خلاص باجر ان شالله بسويها .. بس ماعليه اتحمليني شوي ..

يعني المفروض اني ارتفع وارخي باستمرار لمدة 20 دقيقة مب اكثر صح؟؟ يعني كأني ارخي لدقايق واقوم وبهالطريقة حتى اكمل 20 دقيقية .. صح فهمي ؟؟

وياترى كل متى اقدر استعمل هالطريقة ؟؟ يعني باستمرار .. ؟ واللا وقت الدورة وكل ما احتجت ؟؟

سامحيني ترا مالي خبره بهالسوالف

ر

روح ابوهها

عروس ماسية

26-07-2008 | 12:41 AM

لا عاادي يا الغلا اقصد با ارتخك يعنى مو كل 20 الدقيقه ترخي وتردي تقومي لا يمكن مرتين سويها او اقل لا مووب قليله لانه بتنزل كل المااي وبا الفعل كل ما حتجتيها تسوينه وتفضل يعنى عقب الدوره عشان بعد تنزل لك البااقي من الدوره ....
.. واي سؤال انا حااظره اختي ...؟

.

..★شـــااانيل★..

مشرفة سابقة

26-07-2008 | 01:27 AM

الكبوا

في اخر يومين للدوره
او النفاس

حق الهواء

ن

نوووسهUAE

عروس ماسية

26-07-2008 | 12:02 PM

السودانيات بعد عندهم طريقه للشد والتخلص من الهوا في الرحم

ع

عيون بوظبي

مشرفة سابقة

26-07-2008 | 11:59 PM

انا ناوية ان شالله باجر اجربها .. وعسى يارب تنفع معاي ..

تصدقون امس انتظمت شوي على تمارين كيجل واستمريت فترة طويله عليها ..

ويوم ييت ابا ارقد ظهري الم قوي فيه و الرحم بعد حسيت بأوجاع نفس الدورة :(

ا

ام نيلا

مشرفة سابقة

27-07-2008 | 09:54 AM

عيون بوظبي جربي ...

وخبريني عن النتيجة

ع

عيون بوظبي

مشرفة سابقة

27-07-2008 | 02:56 PM

جربت .. مادري ماحسيت صار شي :( ..

يعني احس تلعوزت شوي .. ظهري عورني من الوقفه 20 دقيقة ..

وغير جي يوم ييت الف عمري ببطانية.. ريولي قامت تطلع هههههههههههه من طولي ..

فما حسيت شي صار . :( ما حس اني ضبطتها اصلا