بيكربونات الصودا

السلام عليكم اختى
انا سمعت وقرأت كثيرا عن بيكربونات الصودا انها تساعد على الحمل ل وتساعد على الحمل فى الذكور اكثر لانها تعمل على بقاء المبهل والرحم فى وسط قاعدى وبذلك تعيش الحيوناتالمنوية الذكورية اكثر والله اعلم

تسلمين الغاليه عالمرور والرد ,, ولاهنتي فديتج
معقوله محد عنده خلفيه غيرج؟؟!!!!!!

وانا سمعت كذا كمان

غاليتي ياريت فيه احد يخبرنا بالموضوع وكيف طريقته ودمتي

والله حتى انا سمعت بس انا اخاف من المجازفه اخاف انه يضرني

تسلمون شااانيل واوم يارا وخوخيتا عالمرور والردود,,
وطريقة عمله اللي سمعته كالاتي:
نجيب غسول او دش مهبلي من الصيدليه للي يستخدمونه للالتهابات المهبليه,,
ونفرغ العبوه ,,,
وعقب في غرشه ماي فاضيه حجمها لتر ونص نحط 3 ملاعق شاي بيكربونات الصودا ونعبي الباقي ماي,,
ونعبي غرشة الدش المهبلي اللي فرغناها من قبل ونصب فيها اشوي
يعني حسب الاستخدام لليوم,,
وبس هااللي اعرفه
وانا بخاطري اجرب الطريقه بس خايفه ,,
صارلي 5سنين تقريبا وماصار حمل ولله الحمد,,
والسومحه عالاطاله خواتي

مرحبا اختي شخبارج .انا بصراحه ما اعرف الطريقه .بس انا عندي طريقه غير سويتها والحد لله حملت على طول وهي طريقه المسك .اكيد تعرفي الطريقه .غسول المسك الي نسويه بالبيت.نجيب علبه نظيفه فاضيه ونحط فيها كميه متساويه من ماي الورد وماي معدني .مسافي او اي نوع.وابشري مسك جامد .خذيه من عند عبدالصمد القرشي ابشري نص قطعه وحطيها معاهم بالعلبه وحطيه بالحمام .كل ما ادشين الحمام جيبي قطنه واغمسيها بالمحلول وتغسلي فيها ومب مشكله لو ادخلينين القطنه داخل المهبل .انا اسويها اربع او خمس مرات بالبيت تقريبا.والمسك معروف يقتل البكتيريا ويطهر المنطقه والاهل من هذا انه ينشط المبايض .هاي تجربتي وان شاء الله تستفيدي منها

الافضل استشارة الدكتورة قبل لا تخربين على نفسج و تزيد المشكله