هل يعتبر كذب ولا لا؟00تكفون أفيدوني؟

تصدقين يا وخيتي كنت نفسج ..

بس مرة أبو العيال سمعني أجاوب أمه بــ:(ما أدري مو باين) لما سألتني عن جنس البيبي ..

وفي الحقيقة انا أدري عن كل شي بس مابي أقول لأحد غير زوجي ..

يومها مسكني زوجي وقالي ترى ما يجوز هذا كذب صريح ، يعني تنسألين عن شي وتجاوبين بخلافه !!

شرايج شسمونه هذا ؟!! صدق ولا كذب ..

فأنا قررت بعدها أن أي أحد يسألني أقوله بعين قوية : سوري ما أعلم ،،

واذا كانت أمه أو حرمه كبيرة أقولها بأدب : خلها مفاجئة ، كل شي بوقته حلو .. وبسس

أغلق الموضوع ، وو أغير سير الحديث ..

أحس جذي أحسن من أن أستاثم على شي ما له معنى ..!

اله يسهل علينا وعليج ..

الله يهون عليج اختي وانا مع كلام الاخت شهيرو وهاي شي خاص في الحامل

اولا ربنا يسهل عليكى و تقومى بالسلامه

بصراحه يا أختى دا كذب مفيش شك . و انا كنت زيك بالزبط قلت مش حابه اقول لحد لأنه غير مؤكد و لا يعلم ما بالأرحام الا الله سبحانه. و لكن يا أختى يسألونى الناس سؤال صريح و مباشر عملتى سونار و بان الجنين و لا لأ و بصراحه ما قدرت أكذب و اقولهم و انا مع الأخت اللى قالت الأفضل انك تقولى انا حابه اسويها مفاجأه افضل ما الواحد يحمل نفسه ذنوب ما لها داعى .. و ربنا ييسر امورك يا رب

بصراحه انا ما احب احد يسالني عن نوع الجنين احس انه لقافه وتطفل ودايم اقول ايه اعرف ولا ابغى اقول لاحد خلاص اهم شي تدعون لي اقوم بالسلامه انا والطفل

صح كلامكم بس فيه ناس يزعلون اذا قلت لهم بهذا الطريقه بالاخص الاقارب
وبالاخص ااذا كانوا اخواتي00

ركايز;6717779:
بصراحه انا ما احب احد يسالني عن نوع الجنين احس انه لقافه وتطفل ودايم اقول ايه اعرف ولا ابغى اقول لاحد خلاص اهم شي تدعون لي اقوم بالسلامه انا والطفل

اوافق ركاااااااايز
على كلامهااا
احسها لقافه

هذا كذب أختي لا شك تأثمين عليه إن لم تتوبي

ولا يوجد أحسن من الصراحة قولي لهم عايزة أخليها مفاجأة

ربنا يكتب لك الخير إن شاء الله

أصلا ليش يسألون ؟؟؟؟؟؟؟

لقافة وفضوووول

أنا بعد ما بقول لحد جنس البيبي واللي يبا يزعل برايه

الله يهون عليج اختي وانا مع كلام الاخت شهيرو وهاي شي خاص في الحامل

وانا بعد هذا رايي

غيري السالفه وقولي لهم العلم عند الله وفعلا السونار يمكن يكون غلط شدراج انتي صح ؟؟؟


أو قولي لهم خلها مفاجأه أحلى


والله يسهل عليج يارب

وانا رايي من راي البنـااات


قوليلهم خلهااا مفاجاه احسـن


ولا تاخذين اثم على شي مايسوى

مثل ماقالوا الاخوات احسن شي تقولين خليها مفاجأة
مع اني مب شايفة ضرورة انك تخبين بالذات على الاقارب مب حلوة وبالاخص ام زوجك
اما لو كان فيهم من إلي عينهم حارة ولا يحسدون ويتكلمون وااايد معاج حق بس لاتكذبين
انتي مثل اختي بس اختي كانت تخبي حتي على خواتها انها حااامل مب بس نوع الجنين
وانا كنت اتضايق منها وااااااااايد احس انها تفكرني حقوده ولا حسوده مع اني افرح لها وااايد

ياربيييييه يالقافة الحريم...مايخلون احد بحاله..وياكثرها عندنا..

انا رااي مع راي اول اخت ردت عليك

عن نفسي ماهمني كل الدنيا تعرف وش نوع جنيني وحتى لما تغير رايها الدكتورة ارجع اقولهم غيرت رايها

ماعرف اخبي خخخخ

كل واحد وراحته غصب يعني

خخخخخخخخخخخ

اختي من طرحك للموضوع اسمحيلي اقولك عرفت انه معاج ولد !!!

للأسف اختي احنى لا نزال في زمن نقدس الولد الذكر و نعتبره نعمه اكبر من نعمة البنت

انا ما الومك اختي انا عارفه انه ممكن يكون هذا الجو العائلي و كل اللي حوالينك يسووا نفس الشي

نحنا نخبي إذا كان ولد بس إذا بنت نقول و كأنه البنت ما احد يحسد عليها

عموما اختي

انتي سوي اللي تحببيه مو حابه تقولي لا تقولي

و بدون كذب قولي انا ما اعرف و حابه تكون مفاجئه بدون تفاصيل زايده

و الله يوقمك بالسلامه و يقر عينك بشوفه ضناج

قولي لهم خلها مفاجأه

أنا إذا أحد سألني عرفتي أو لا أقولهم عرفت بس أبغي أخليها مفاجأة

يعني اسلوب حلو في الرد ومن غير كذب

اختي لمحة غرور من غير مجاملات طبعا هذا كذب تؤثمين عليه
لا تزعلين مني بس انتي سالتي وانا اجاوبج الصج

انا عن نفسي الكل قطعني تقطيع بالسؤال عن شنو نوع الجنين
كنت اقولهم ابصراحه اعرف وحابه تكون مفاجئه لكم
بعدها ما قام احد يسالني

بس عاد لازم اضايقوني شكل بطنج ولد لا طيب شكلج بتجيبين بنت
ومن هالملاقه مادري شنو راح يستفيدون اذا عرفوا
مو اول وتالي بيعرفون بس عاد بلاغة الشف اشلون تكون

اختي تقبلي مروري
ان شالله ماكون ضايقتج
الله اتمملج باقي حملج على خير ويرزقج الذريه الصالحه

دمتي بود
اختج
طاغية الانوثه

حبيبتي ليش تلفين وادورين

انا اعرف واقول لهم اعرف وماابي اقول

حتى انهم يقولون لي ليش ماتقولين انج ماتدرين عن نوع البيبي ألطف

ارد عليهم وليش اجذب

هذي رغبة زوجي ان الشي يتم بينا وانا عندي رضاه اهم

وممابي ارضي زوجي واغضب رب العالمين

فردي حبيبتي بالجواب الي يريحج وماعليج منهم

مشكووورين على ردودكم وعلى كلامكم واتمنى إن ربي يتوب علي ويغفر لي على كذبتي00وربي يعلم إني بدون قصد للكذب والله يسامحني إن شاء الله000