امس قعد وياي قالي........ ليش؟؟

والله فكرته حلوه
لما تصير مريم عمرها 3 سنين
تكوني معاكي بيبي
بس تحملوووووو
لانهم صغار ولازم تراعون تربيتهم عدل واحتياجاتهم
ومعاملتهم مثل بعض
تعرفين يهااااااااال صغار ويحسون اذا فرقتو في المعااااااامله
يالله شدي حيلك
وسمعي كلام زوجك
الله يوفقكم

انا مع فكرة زوجك
لان انا ان شاء الله ناوية اجيب عيالي بدون فروق كبيرة بينهم و اقتراحة جدا ممتاز اشوف

بس تبون الصراحه انا حابة الفكرة بس خايفه شوي ...

بجعه كلامه نسبيا معقول وانتي احسبيها في مخج،، اذا يا البيبي الثالث الباقين شو بيكون وضعهم؟!

يعني مثلا حمودي بيكون في المدرسه ومريومه مثلا تدخلينها حضانه فبيكون عندج وقت للبيبي وفي نفس الوقت بيكون في نظام يعني العيال يرقدون من وقت للدوامات وينشون نص اليوم في المدرسه والنص الثاني يقضونه شوي وياج وشوي في اللعب وعقب تراهم بيرقدون،، اما اذا ناويه تخلينهم عندج في البيت فاصبري لين ما يدخلون المدرسه وبعدين احملي ^_^،،

انا كنت حاطه في بالي اني ما بحمل لين ما ادخل بنتي الحضانه يكون يخف عليه التعب شوي بس قدر الله وحملت بس ان شاء الله ما تتكرر هالسالفه لين بنتي والبيبي اليديد يدخلون المدرسه او الحضانه ^_^

endless hope

مشكورة الغاليه على ردج

تبين الصراحه انا حمود هاس السنه مدخلتنه الحضانه لانه ما قبلوه كي جي قالوا صغير هاتيي السنه اليايه .. يعني على ما اربي مريومه توها بتكون 3 سنوات بدخلها مدرسة باليه خخخخخخخخ

بسألج بجعه..اي حضانه مدخله ولدج؟

والله تبين الصراحة ، ولا أختها ؟!!

شوفي انا بقولج الصراحة : حلاته الاخوان يكونوا قريبين من بعض في الأعمار ..

باجر ان شاء الله بعد عمر طويل لين كبروا ، بيصيرون ربع(أصحاب) ، وبيحتاجون لبعض ..

وأعمارهم متقاربة ، فيكونون متفاهمين ..

ولو كان فيه تعب فهو في البداية فقط ، وبعدين الكل بيتأقلم على الوضع الجديد ، وأولهم أنتي ..

وأهم شي يكون اخر طفل عندج متعلم على قضاء حاجته في الحمام لوحده(عزكم الله) ..

والباقي يهون ..

الله يوفقج حبوبة ..

[GLOW="000000"]بصراحه ما اشوف فيه داعي للخوف كلام زوجك صحيح ميه % وانا ما اايد فرق بالسن كبير بين الاخوان يعني فرق سنتين افضل شي توكلي على الله والله يكتب لك ولنا اللي فيه الخير[/GLOW]

يا حليلج يا بجعه

العيال حلوين بصراحه بس رياييلنا ما يفكرون بس يبون بيبيمن ايي يتأذون من صياحه

شوفي الغاليه انا مثلج بس يبت ولدين الكبير سنه وخمس شهور والصغير اخر الشهر بيكمل شهرين حاليا ما افكر اييب عيال لاني ساكنه في حجره مع صاله صغيره في بيت اهله ثانيا فكرت هل اذا يبت بيبي ثاني بنقدر نصرف عليه ؟؟مع ان راتب ريلي الحمدلله زين بس الوااحد يفكر بالمستقبل ..حاولي تباعدين بين عيالج عشان تربينهم عدل اذا كنتي صغيره في العمر بس اذا 30 حاولي تيبين بيبيين بس

اهلين عزيزتي اقتراح حلو و ما منه خوف انا ولدي محمود الحين عمره سنتين و نص ...
يعني على ما اولد تقريبا يكون باقي له 3 شهور و يكمل 3 سنوات و احنا متفقين و مرتاحين لهذا التوقيت يعني التوقيت حلوووو و ما بيكون فرق بينهم يعني بس يصير عمر البيبي سنه و نص تقريبا بيصيرون ربع :)

توكلي على الله ..


تحياتي
أم محمود

فكرت زوجك حلووه وانا طبقتها بين حمودي وعبودي حملت في عبوودي لمن كان عمر حمودي سنه و10 شهور

وولدت وحمودي عمره سنتين و8 شهور تقريبا ,,, والحمد الله

بس اللحين افكر احمل ثااني بعد 4 سنوات ان شاء الله ياارب ,,,

تووكلي على الله وجيبي كتكوت ولا كتكوته عشان تربيهم معا بعض ومااتتعبي ,,,

موفقه

والله فكرررررره حلوووووووووه


على الأقل تكوني عارفه متى بتحملين بإتفاقك مع زوجك بدل ماتقعدين تحاتين متى الوقت المناسب


والوقت بيكون حلو لما مريومه تكمل الثلاث على موعد الولاده

انا ناويه هالسنه ان شاء الله اروح الحج والسنه الجايه بإذن الله تعالى أحمل


فبكون رحت الحج وماعندي إلا بيبي واحد وفي نفس الوقت كبرت بنتي وجهزت عمري لبيبي ثاني

الله يوفقك يارب ويرزقك ويرزقنا جميعا

ربي يوفقك للي فية الخير
اذا مترددة استخيري .. مع ان زوجك معاه حق
بس الله يعينك .. اللهم لا سهل إلا ما جعلتة سهلا وانت تجعل الحزن ان شئت سهلا

angel eyes

هلا الغاليه ..

دخلته حضانه الاماراتيه البريطانيه موجوده في مردف قريبه من بيتنا فرت حصى يعني البس حمود وافره من الدريشه على طول فالمدرسه خخخخخخخخخخخ فديته والله يقولي ماما تعالي وياي انا بصيح بروحي خخخخخخخخخ يوم اوديه اشوف بيبهات صغار ياكلونهم ويبدلونهم قوم بو 5 شهور يهبلون ..

عروس كتكوته

حبيبتي حالي من حالج انا بعد ساكنه في بيت اهل زوجي وعندي حجرة وصاله ومو صغلر يعني بس صغرت من الاغراض ..

اقول حق زوجي بنتريا اليما نبتدي نبني عقب بحمل يقولي على ما القرض يطلع يبالنا سنوات وانا عمري 27 وزوجي 28 يعني يمكن نكمل ال30 والقرض ما طلع .. الارض موجوده بس منو يقدر يبني في هالزمن ..

ام احلى حمود

الفرق بيني وبينج ان انا عندي 2 والي بييبه بيكون ال3

أم جود القمر

مسكين يحن من اشهر بس انا مطنشه ولا كنت اسمحله ان يناقشني اليما طفح الكيل عنده وسوالي يلسه رومانسيه وفتحلي الموضوع طبعا مالي شرده في هالوقت

ويييييييه بجعه انا بعد ولدي بدخله هناك :) يمكن يكونون في نفس الصف حتى...خخخخخ
انا بس يومين في الاسبوع

الله يكتب لك اللي فيه الخير

فكرة حلوة و الله يوفقج

انا بعد ناوية احمل بعد ما تكمل بنتي سنتين و افطمها ان شاءالله

حلوووة توكلي على الله

بس دربي مريومه على الحمام أعزك الله علشان ترتاحين

فترة الحمل متعبة شوي وماراح يكون لك بال طويل عليها

والله يكتب لك اللي فيه الخير
وربي يرزقك بالتوأم

الصراحة ماشاء الله على ريلج عاقل وانا من خبرتى فى العيال يبيهم ورا بعض واتعبى شوي احينه تعب واحد وتربية وحدة مثل عيالى الله يحفضهم ربع وحبايب مع بعض وربعى اللى باعدوا فى ولاداتهم ندمانين ما يرومون لا على الحمال ولا على اليهال وسوى اللى يريحج