آيس كريم بطبقات لذيذة .. بالصور من مطبخي .. :)

السلام عليكم ورحمة الله وبركاته ..

شلونكم يا بنات عروس ..

لاحظتوا العنوان .. خخخ حلوة مطبخي .. والله وصار عندج مطبخ يا أصوله ..

وين كنا ووين صرنا قبل كنت 0 بالمطبخ ..

وبفضل الله ثم وصفات بنات عروس صرت أسوي شغلات وايد حلوة ..

المهم ..

عندي لكم حلو .. أنا ما شفتله وصفه قبل .. بس كليته بالدوام ووايد حبيته ..

وكان جاهز .. ما عرفت الوصفة .. بس عرفت من أكلي لها من شنو تتكون ..

المهم .. سويتها والكل قال واو .. ونايس ولذيذة ..

المهم خلونا نبدي ويا المكونات ..



ا باكيت كيك بتي كروكر .. على فكرة هذا أروع كيك ..

يضبط وياي دايماً .. وطعمه وايد حلو ..

بس حسب التعليمات أضيفله بيض وزيت وماي ..

1 كريما كويك ويب ..

2 قيمر صغير كي دي دي ..

شوية شكر مطحون ..

لوز صنوبري ..

لوز مقشور شرائح ..

كورن فليكس ..

سيرب .. والنكهات حسب ما تحبون ..

الخطوة الأولى ..

أخذوا الكيكة البيضا .. وسووها ..

هذي الكيكة يا بنات بس صورت بعد ما أخذت منها .. نافشة وحلوة وايد ..



نخليها على جنب ونبدا نسوي الآيس كريم ..

بالخلاط المشبك الكهربائي ..

نخلط كويك وويب والقيمر .. والشكر ..

ليما تتكون عندنا كريما ثقيلة شوي ..

نحطها بالثلاجة شوي .. نبردها ..

الخطوة الثالثة ..

نبدي نسوي الحلو .. شلون ..

نجيب قلاصات صغيرة .. أنا لأن ما عندي سويت بقلاصات سفري .. :ss:

ونجيب الكيكة اللي سويناها ونفتتها ..

ونحط طبقة كريما .. بعدين طبقة كيك مفتت ..

بعدين كريما .. بعدين كورن فلكس ولوز مقشور ..

بعدين طبقة كريما .. بعدين كيك مفتت ..

بعدين كريما .. وفوق الكريما نصب سيرب .. ونحط لوز صنوبري ..

الطبقات :
كريما
كيك
كريما
كورن فلكس ولوز
كريما
كيك مفتت مرة ثانية
كريما
الوجه سيرب ولوز صنوبري ..


وهذي أنواع السيرب اللي استخدمتها ..

بندق .. وكاكاو .. وفراولة ..




وحطيت شوية آرو مفتت عليها من فوق .. حق نكهة الكاكو ..

أفكار ثانية ممكن تضيفون مارشميلو .. دوائر الكاكاو ..

كيك بني ..

اللي تحبونه ..

بعدين نحطه بالفريزر يجمد شوي كآيس كريم .. بس مو وايد .. بعدين يصير مو حلو .. مجمد ؟



وهذا شكله النهائي ..

ولو قلاص شفاف جان شفتوا الطبقات أحلى ..




أتمنى يكون عجبكم ..

وأتمنى تجربونه ..

ولا تترددون بطرح أي سؤال ..

الموضوع مجهود شخصي .. أتمنى ذكر المصدر ..

وسامحوني ما صورت كل اللقطات .. :)