لماذا يخجل الرجل من هذه الاشياء؟؟؟؟؟

امونه 20-07-2008 22 رد 3,456 مشاهدة
ا
السلام عليكم و رحمة الله و بركاته

يعزف الرجال عادة عن الاعمال المنزليه او مجرد المساهمه فيها ،
بل يتعدى الامر بالبعض منهم الى درجة انه يعتمد

اعتمادا كليا على الانثى الموجوده في حياته سواء

كانت اما أو اختا أو زوجه ....

ما هي اسباب ذلك العزوف ؟!

وهل تتنافى الاعمال المنزليه مع منطق الرجوله ؟!

هل نفسية الرجل وقدراته الجسميه مصممه بحيث يكون

صالحا لكل شيء ما عدا خدمة نفسه منزليا ؟!
لقد كان رسولنا عليه السلام يخصف نعله ويرقع ثوبه

ويكنس بيته وهو سيد الخلق والمسلمون اطوع اليه من بنانه ،

وهذا يدل على عدم تنافي الخدمه المنزليه ومنطق الرجوله

او قدراته النفسيه او الجسمانيه .
في عصرنا الحالي قد يكون وجود الخادمات

في المنزل سبب في اتكالية وكسل الشباب بل وحتى الفتيات ،

ولكننا مقبلون على ايام صعبه قد لاحت في الافق بوادرها ،

فمستوى المعيشه اصبح اعلى مع ثبات مستويات الدخل .

الحصول على وظيفه اصبح اصعب ، والاجور المعروضه منخفضه .

اذا اصبح لابد من مشاركة الزوجه في تكاليف الحياه ،

في هذه الحاله هل الرجل على استعداد للتنازل عن كبريائه

والمساعده ولو بالشئ القليل !!؟؟



هل لديه الاستعداد للدخول الى عالم المرأه ومشاركتها في
اعبائها المنزليه ؟

ام انه يتوقع ( مثل عادته ) ان يكون التنازل من طرف واحد ( طبعا هي المرأه ) !؟

ا
يابنتي هلاا في وقتنا هذا حتى المراة ماعادت راضيا تشتغل ببيت الخدمة هي الي تشتغل بكل شي خالي يا الرجل حتى يقوم باعمال البيت
ع
ولا رجل مستعد

صدقيني لو شنو بيصير

بتم المراة اهي اللي تشتغل و تكرف
ا
ام حسام وعروس الحب اسعدني مروركم و تفاعلكم
لكن يا ام حسام انا اظن ان اغلب النساء الحمد لله ملتزمات بواجباتهن و مو مقصرين...
عروس الحب خلينا نتفاءل لانو لو كل ام علمت اولادها الذكور من الصغر تقاسم المسؤوليات و حب التعاون ما اظن انو لما يكبر سينسى كل اللي تعلمه
U
أول شي الحمد لله رب العالمين
زوجي ما عنده الا اخت وحده وهي الكبيره وتزوجت وهم صغار وامه مريضه فمن صغرهم هو واخوانه يساعدون امهم حتي يوم تزوجت استغربت منهم
يعني مثلا يوم الخميس العايله تتغدى عندهم وليلة الجمعه مجلس بيتهم مفتوح للرجال وزوجي هو اللي ينظف ويغسل الحمامات واخوه اللي اصغر منه يغسل الثياب وينشرهم واخوه الكبير يساعد مرته عادي وطباخه جناااانبس الاخو اللي اكبر من زوجي مباشره مستحيل يمد ايده الا ما ندر
فزوجي معاي في كل شي لدرجة ان احيانا يقول لي انتي شوفي الجهال وانا بخم وبغسل وبنظف انتي عليج بعدين تنشير الثياب وتدخيلهم
الحمد لله وانا معاج اختي ان التربيه في هالموضوع لها دور مهم يعني لو كانت امهم صاحيه او عندها شغاله جان ما بيساعدون امهم وبيصير عندهم الشي عادي مو عيب
ب
حتى لو الراجل بيعرف بعمل اي حاجة في البيت مبيعملش كلهم بيعتمدوا على الزوجة بعد الجواز الا قليل جدا منهم
ش
انا ريلي فديته ما يقصر اول ما تزوجنا كان يغسل ويساعدني في المطبخ والكوي وبعد لما يبت خدامه وسافرت كان يساعدني لين ما رجعت....

فديته الله يخليه لي يا رب
ل
الشئ هاذا على حسب الرجل اذا كان عنده استعداد...فبها ونعمت واذا كان

العكس ...اقلها يشيل الحوسه اللي بعده لايساعد يكفي خيره شره هاذا ابرك شئ يسويه بعض الرجاجيل اذا

صار يدور شئ ينثر المكان ويحوس وما يرجع الشئ مكانه وتجي زوجته او اخته ترتب بعده...

وبعضهم ما تدرين عنه اذا كان يدور الشئ مع الهدوء والتروي اللي يتصف فيه والبعض يسئل فقط

وانتي اللي تسوين كل شئ وما يرفع يده على اي حاجه...اصنااااف ويختلفون..

بالنسبه لزوجي اذا ماكان فيه خدامه جميع الملابس اللي تغسل وتكوى في البيت طبعا ملابسه

هو اللي يتحمل مسئوليتها ويقول اي حاجه تخصني في البيت انا اسويها الله يعطيه العافيه...

وهاذا من باب التعاون والمساعده.....

وصراحه على التربيه ونفس الرجل اذا كانت سمحه...

انا جميع اخواني يسوو حاجتهم بأنفسهم لاني انا اخر البنات ومتزوجه وبقي اخواتي متزوجات وفي بيوتهم

امي ما تشيل اي هم منهم ,,,لكن العكس والدي ما يساعد ابدآ لو بتموتيييين شوفو كيف العكس

اب عن ابنائه ......

الف شكر لصاحبة الموضوع .....عذرآ عذرآ عذرآ على كثرة هذذذذذذذررررري......
d
هلا حبيبتي ه\ا يعتمد على العائلة اللي تربى فيها الرجل مثلا عن حياتي تربيت في بيت ابوي اصلا في بيت البنت مثل الولد في الحقوق و الوجبات بس تقسيم الاعمال المنزليه كانت تعتمد على المهارات مثلا الطبخ الاولاد مو فالحين فلبنات يطبخون بس في الطلعاتالشغل كله على الصبيانز بس التعويد مهم لشباب
ت
بسبب التخلف والمقلب اللي ماخذينة بعمرهم

الرسول عليه الصلاة والسلام كان يساعد زوجاته
ا
شكرا على التفاعل
و
هذا التصرف يعتمد على البيئة اللي عاش فيها الرجل
مثل بابا الله يخليه ويحفظه :8875:كان يساعد جدتي الله يرحمها حتى وهو متزوج كان يكنس البيت ويغسل ملابسها وملابس جدي وينظف المطبخ لان امه كانت تعبانه وهوعنده اخت لاكن ماتجي لبيت جدي الا وتلقى البيت كله مصلح
وكمان اخوي الكبير احيانا يساعد امي في الطبخ ..نادرا .. ويغسل ملابسه
واخوي اللي اصغر منه اذا شافنا مشغولين يروح يطبخ لنفسه ويغسل ملابسه
لكن انا مثل بابا ماشفت ولا عمره في حياته قالنا جهزولي اكل ولو كنا فاضين حتى اذا قلناله انجهزلك يقول لا وماندري الاوهو داخل المطبخ ومجهز الاكل
الله يحفظه ويخلي كل الرجال مثله:1_8:
w
السلام عليكم انا اعتقد ان التربية القديمة هي السبب انا اتذكر زمان اخي طلب مني كوب من الماء رديت عليه وقلت عندك يدين ورجلين امشي جيب الماء واشرب
قامت ماما صرخت بوجهي :ss:وقالت نوضي جيبي لااخوك الماء عيب هذا رجل يعني اي حاجة يطلبها تنفذيها وانت تسكتي :mad:
ر
مو كل الرجال كذا أعرف وحدة شايلنها زوجها على كفوف الراحة هذا يعتمد على شخصية الرجل ...

خصوصا الزوج الطيب تلاقينه يساعدك يشيل عنج صحون الغدا وغيره وتلاقيه اذا انكسر شي يروح ركض علشان ينظف المكان..


هههههه ياليت زوجي زي كذا صدقوني حتى يكوي لنفسه حاجة مايعرف يحرك المكوى يافضيحتي...!!!

على العموم الزوج مبرمج اوتوماتيكيا لكي يكسب رزقاً حتى لا يقتر على زوجته وعياله فيكون همه الاول والاخير راحة أهله في التوسعة عليهم...فيذهب لبيته حتى يجد الراحة وتكون هذه المهمات للزوجة في تدبير
أمور البيت لأن يجب أن تتفهم المرأة كون الرجل بيته مملكة راحته فقط لا غير وليس لشغل اضافي حتى ينظف ويغسل لمواعين ويكنس المنزل!!!!!؟؟؟
ب
هذا الشي يختلف من رجل لآخر ...

انا الحمدلله زوجي مايقصر وياي يساعدني

وحتي اخواني جذي يساعدون حريمهم في البيت ... واخوان زوجي بعد يساعدون وينظفون



صلو على محمد و آل محمد
ل
شككككككككرا على هاذ الموضوع لكن هناك توضيح نقول الرسول عليه الصلاة و السلام وليس السلام فقط
ف
انا اوافق الاخوات انه على حسب تربيته
ومشكورة حبيبتي على طرح هالموضوع
a
عزيزتي اذا الرجل اقتنع واقنع نفسه ان المشاركه ليست عيب فصدقيني راح يشارك زوجته وبرحابه نفس ولكن بعض الزوجات تتباهي بذلك امام صاحباتها وتقول ان زوجي يساعدني يكنس ويجلي ويغير للبيبي ملابسه ويساعدني بالطبخ كل هذ الاشياء تاثر علي الرجل من ناحيه ان رجولته لاتسمح له بذلك وكلام زوجته قد يثيره وخاصه لما تتناقل صاحباتها الخبر ويذعنه لازواجهن ويصبح علكه في الديوانيات وبين اصحابه ويبدئون بالسخريه منه . عزيزتي لو استطاعت المرأه ان تقنع زوجها بمساعدات خفيف بالبيت اكيد بالبدايه راح يمانع لكن استغلي الموقف هذا بشهر رمضان الفضيل وابدئي معه بمساعدتك باعداد الطعام وبما انه جائع راح يستمتع بمساعدتك
حتي يمر الوقت بسرعه اعطيه يعمل سلطه يحضر المائده يحضر العصير صدقيني شوي شوي راح يتعود
ولما تطلبي منه طلب اكبر ماراح يمانع بس اعرفي متي تطلبيه واياك ان تطلبي الطلب وهو تعبان ومرهق استغلي الاجازات ووعديه ان مساعدته لاتنقص من رجولته وان هذا الموضوع سر بينك وبينه وماراح حد يطلع عليه
هيك راح يطمأن ويساعدك واياكي فضح سره لانك ماراح تعرفي ايش العاقبه .
ر
موضوع جميل (y) بصراحة زوجي متعود من البيت مايسووا شي كل شي الخدامة تسويه الحين شوي يجيب اكله ويسخنه احيانا وصرت اعطيه اغراضه يشيلها مثلا اقول له شيل ماكينة لحلاقة لا ياخدوها الاولاد شيل جوالك لا يكسروه اشياء بسيطة بس اقول له اكنس وغسل ملابس لا لان زوجي دوامه من الصبح للمغرب اكثر من 10 ساعات يرجع تعبان يصلي وياكل شي ويريح عند التلفزيون والحمد لله عندي خدامة تنظف وتغسل جابها لي لان اولادي ورا بعض وصغار ربي يحفظهم ويحفظه

بس اولادي يكبروا شوي احب اعلمهم يعتمدوا على نفسهم البنت والولد
ح
ههههههههههههههه
والله ضحكتينى
العيب مش فى الرجالة العيب فى التربية نفسها
الام ربت الولد من صغره وعمره خمس سنوات تقولو انت راجل
ولما يكبر تقوم تحضرله ياكل او تكلف اخته بتحضير الاكل
وعشان كده اتعود ان المراة هى من تخدمه
X