الحوامل في الخامس يساعدوني

ياحبيبتي حمله عن حمله تفرق بس بعد استشيري دكتوره

مرحبا انجل ايز

اختي العزيزة حاسه انج خايفه يكون عندك توسع في الرحم و انك تخسري الحمل لا قدر الله

شوفي الغاليه هالأمور عاده نادرا ما تصير خصوصا إذا كنتي مو حامل بتوأم و ما تعرضتي لعمليه كحت و تجريف للرحم بعد اسقاط لا قدر الله

اختي ممكن يكون وضعيه جنينك غير عن وضعيه حمود

على كل حال احس انه علشان لا تظلي توسوسين و ما تتعبي نفسيا اختي روحي للدكتوره و خليها تكشف عليج وا ن شاء الله بتطمنج لنه البيبي و ضعه تمام و ما عليكم شر

و تذكري ام محمد كل حمل حاله خاصه بذاتها لا تقارني بين الأحمال


الله يطمنا عنج و يرزقك الذريه الصالحه و انتي بعد لا تنسي تطمنينا

شكرا خواتي حب الحياه و ريم على مروركم و ردكم

ادري كل حمل يفرق عن الثاني بس هل التعب شي عادي في الشهر الخامس؟؟؟

انتي حاااااااااااااااااااامل ؟؟؟؟

يالدبه هههههههه ما تقولين توني ادري وماشالله في الخامس بعد

شو ها من ورانا احتتج هههههههههههه

الف مبروك حبيبتي والله يتمم لج على خير ان شالله.. كنت اتريا عنج هالخبر من زمان هههههههه

الله يبعده عني 3 سنين ان شالله ههههههههههه

شوفي بقولج شي . ..

الحمل الثاني 100% غيير عن الحمل الاول في كل شي ..

الحجم الوزن الشكل الشعور ههههههههه كل شي بتحسين به غير حتى الولادة سبحان الله تحسين بتفاصيلها اكثر لأنج تدرين بكل شي ...

حتى انا سبحان الله نفس هالفترة من الحمل حسيت بثقل والم الظهر والريول والحوض .. كنت حتى ماروم امشي .. يمكن عشان المكان توسع من الحمل الاولاني وحمل ورا حمل سبحان الله هالمناطق تتأثر ..وتحس بالتعب اكثر .. عشان جي لما يقولون الحرمة تتعب من الحمل الي ورا بعض او من كثرة الحمال ..

الي تمرين به طبيعي حبيبتي .. وحتى الوزن ما يزيد كثر اول حمل وهذا عند ناس وناس

هههه ضحكتيني يا عيوووون خخخخخ من زمان وانا في تجمعات الحوامل خخخ...

اااااااخ ريحتيني والله الحمدلله هذا اللي كنت ابا اسمعه ان هالشي عادي و يستوي :)

عقب ابااعرف كيف اللي تييب ولدين ورا بعض...حاسه اني بييب ولد وابا تجاربج :)

الله يتمم و يسهل عليج حبيبتي

افا عليج يا ام محمد الي تبينه انا حاظرة فيه

بس ماشالله في الخامس يبين اذا فيج بنت او ولد ..

انا من مواقفي وتجاربي ويا عيالي بطلع بمطولة ههههههه

ألف مبروووووووووووووووك


انجل آيز

الصراحه ماكنت ادري انك حامل


بس من ردودك شكيت انك حامل بس أقول لا يمكن مو حامل لان ماصرحت أنها حامل ولا سوت لها شريط حمل


ههههههههههه


الله يثبته لج يارب ويرزقج باللي تتمنيه

وعن سؤالش ماادري والله ماجربت


والأخوات ماقصروا





اي نسيت أسألج

انتي متى حملتي على ولدج ؟؟


كم عمره يعني كان لما حملتي؟؟


وهل بتخطيط ولا بدون تخطيط؟؟


هالسؤال دايما شاغل بالي متى يكون أنسب وقت للطفل الثاني ......


مع اني قرأيت لك مره رد ومره عجبني قلتي انا كمل ولدي سنه و3 شهور يعني طلعت من منطقه الخطر لو بجيب ثاني بيكون ولدي على موعد الولاده عمره سنتين


وردك هذا مره عجبني مع ان بنتي أصغر من ولدج بكم شهر

ومن وصلت سنه و3 شهور هدأ بالي وخفت محاتاتي اني أحمل عليها



الله يثبته لج ويرزقج بالولاده السهله يارب

انجل ايز،، يقولون الحمل الثاني اثقل وانا بعدني في الثالث بس بسرعه اتعب وما اقدر اتم مقاومه مثل حملي الاولي،، خيتو نحن الحين عندنا يهال نراكض وراهم ونجابلهم وهذا روحه شئ متعب وجسمنا شغال على هالجنين 24-7 فالتعب مضاعف والله ياجرنا فيه يا رب ^_^. المهم لا تيلسين تقارنين واتعبين عمرج دام البيبي بخير وما في الم ويتحرك طبيعي كل شئ تمام.

الله يتمم علينا يا رب ^_^

اسعدني مروركم بنات ..واشكر تفاعلكم معاي...

انوار..

الله يرزقج حبيبتي بكل الي تتمنينه ويمسح عنج كل همومج يا رب

عيووون

هيه موعدي الاسبوع الياي ان شاله عشان اعرف جنس البيبي :) مع اني حاسه اني اعرف شو فيني خخخ


ام جود

الله يبارك فيج حبيبتي وعقبالج ان شالله

بصراحه كنت مخططه للحمل بس كان عادي عندي اذا تأخرت ...كنت بين نارين..اقول العمر يجري و مابا حمود يكبر بروحه..وكان مكمل سنه و سبع شهور يوم حملت والحمدلله يعتبر فرق زين...يلا شدي الحيل :) ترا كل ما زاد الفرق يكون اصعب اتوقع


endless hope

الحمدلله امس سرت للدكتوره زينب و طمنتني..واتوقع كلامج صحيح 100%
الله يسهل عليج الحمل و الولاده ويرزقني وياج الطفبل الصحيح السليم المعافي تام الخلقه يا رب

حياتي لا توسوسين ربي يجعله من الذرية الصالحة الكاملة النمو ان شاء الله

وكلام عيون وايد يريح وخاصة انها مجربة حملين يعني خبرة

ربي يفرحك بشوفته يا رب وتشوفينه ويا حمودي يا رب

malaak;6707307:
حياتي لا توسوسين ربي يجعله من الذرية الصالحة الكاملة النمو ان شاء الله

وكلام عيون وايد يريح وخاصة انها مجربة حملين يعني خبرة

ربي يفرحك بشوفته يا رب وتشوفينه ويا حمودي يا رب

امين يا ربي...وعقبالج حبيبتي..تيبين لعزوني اختت حلوه مثله فديت قلبه :)

عيون بوظبي;6689647:
انتي حاااااااااااااااااااامل ؟؟؟؟

يالدبه هههههههه ما تقولين توني ادري وماشالله في الخامس بعد

شو ها من ورانا احتتج هههههههههههه

الف مبروك حبيبتي والله يتمم لج على خير ان شالله.. كنت اتريا عنج هالخبر من زمان هههههههه

الله يبعده عني 3 سنين ان شالله ههههههههههه

شوفي بقولج شي . ..

الحمل الثاني 100% غيير عن الحمل الاول في كل شي ..

الحجم الوزن الشكل الشعور ههههههههه كل شي بتحسين به غير حتى الولادة سبحان الله تحسين بتفاصيلها اكثر لأنج تدرين بكل شي ...

حتى انا سبحان الله نفس هالفترة من الحمل حسيت بثقل والم الظهر والريول والحوض .. كنت حتى ماروم امشي .. يمكن عشان المكان توسع من الحمل الاولاني وحمل ورا حمل سبحان الله هالمناطق تتأثر ..وتحس بالتعب اكثر .. عشان جي لما يقولون الحرمة تتعب من الحمل الي ورا بعض او من كثرة الحمال ..

الي تمرين به طبيعي حبيبتي .. وحتى الوزن ما يزيد كثر اول حمل وهذا عند ناس وناس

بالضببببببببببببببببببببببط اللي ابا اقوله قالته ام مصبح ما شاء الله وفي اشياء احس روحي عاجزة عن ان اعبر عنها بس ام مصبح ما قصرت ههههههههههههههههههه


الله يسهل عليج وتقومين بالسلامة ان شاء الله :wink:

اللهم آمين تسلمين قلبي:)

ماما حسون;6712359:
بالضببببببببببببببببببببببط اللي ابا اقوله قالته ام مصبح ما شاء الله وفي اشياء احس روحي عاجزة عن ان اعبر عنها بس ام مصبح ما قصرت ههههههههههههههههههه


الله يسهل عليج وتقومين بالسلامة ان شاء الله :wink:

صدقج ام حسوني...ام مصبح كفت ووفت ماشاء الله عليها :) وانتي ما قصرتي على مرورج حبيبتي...:) خلينا نشوفج عالمسنجر مثل هاييج المره مع جمانه و نسولف و نخربط خخخ

الله يخليلج حسوني وحمودي و يرزقج باخت حلوه لهم يا رب