بنات قطر ساعدوني (ضرووووووووووري)

اسيرة حزني;6683400:
حياتي مساء الخير ماتشوفين شر انا كنت نفسك وشلته بعمليه عند الدكتور طارق السهلي ممتاز والله يده خفيفه وماحسيت بشي حتى عقب البنج انصحك تروحين له وهو بعد بيركب لك اذا تبين واعتقد اسعاره زينه مو غاليه واسمحيلي

أماني ذبحها الغياب;6683649:
أنا اتعامل دايم مع الملكه اللي في الستي سنتر تحت ..

صح غالي بش شغلهم عدل وما احتاج اروح وارجع الف مره ..

بنوتة قطرية;6683033:
ماعندي فكرهـ واللهـ عن عيادات الأسنان ،،

بس وحدهـ من ربعي تتعامل مع المركز اللبناني القطري للأسنان ،،

كل شي تسويهـ عندهم ،، ركبت تقويم والحين شلتهـ وماشاءاللهـ أسنانها مرتبهـ ،، وأعتقد ركب ضرس ،،

بس ترى غاااااالي ،، بس الزين فيهـ انهـ تقدرين تدفعين لهم المبلغ على أقساط ،،

بسمه ^_^;6689720:
اسم الله عليج ما تشوفين شر حبوبة

طيب ليش ما تروحين الرميله ؟؟؟ في عيادات مسائية انتي اول شي روحي الطواري او اذا ما عندج تحويل خذي تحويل من المركز الصحي اذا ما كنتي مستعجلة

بالنسبة للعلاج بصراحة الكتور " رجل " ما تروحين له الا اذا مظطره وما في بديل

في دكتورة مدحوها لي اسمها د. مجد وعن نفسي اعرف دكتورة اسنان في الرميلة هي الي مدحتها لي ببدى آخذ عندها مواعيد ان شاء الله

كنت اروح الشفاء بس الدكتور حسبي الله على ابليسه شا لي حشوة دائمه المفروض ما يشيلها ودفعت له 1500 والمره الثانيه يوم سالته ليش شلتها اعتفس ويهه وقام يشوف الملف

اتمنى اكون افدتج بشي بسال وبرد لج خبر بكره ان شاء الله

بسمه ^_^;6698342:
زينب الامورة آنا نقلت لج الراي من بعض اقوال الفقهاء ان المرأة ما تروح لطبيب رجل الا في حالة الضرورة والله اعلم

رينا الخليجية;6716623:
طمنينا عليج حبيبتي

وما تشوفين شر

اما كلام الاخت بسمه انا أءيده ميه بالميه خصوصا ان الروحه عند دكتور الاسنان تكون الوحده فيها شبه نايمه على الكرسي يعني مب جالسه جلسه صحيحه

اللهم اغفر لنا اسرافنا في امرنا

زينب العروسه;6734506:
مشكوره خواتي وبس بعد شسوي انا الحين اتم ادور علي دكتوره وانا ماعرف منو زينه وخلاص رحت ععند الدكتور واصلا ماكنت ابروحي في الغرفه ابوي معاي وفي وحده نرس مع الدكتور وماأظن ان الدكتور عيب نروح له هاي دكتور وانا مارحت بروحي
وشل لي الضرس وسوا لي خياطه ولازم اروح يوم السبت اشيل البخيه

رينا الخليجية;6734974:
هلا حبيبتي والحمدلله على سلامتج اول شي والحمدلله انج ارتحتي من الم الضرس والله لايكتبه على مسلم

حبيبتي الحمدلله كان معاج محرم وانا ماافتي يا عمري وانتي كنتي مضطره

عن نفسي يا ما رحت حق دكاتره للاسف وكان جهل مني بس الحين كثر ماقدر ماروح الا لدكتوره ومب لانه دكتور معناه اروح له حق اي شي لانه يتم رجل والف الحمدلله ان بلادنا تراعي اسلامنا ووفرت لنا دكتورات في كل المجالات والله هذي نعمه ننحسد عليها

تقبلي كلامي على انه من اخت تحب الخير لج ولا تزعلين حبوبه


ولج دعواتي بالشفاء العاجل