كيفكم اخواتي
اليوم حابة اقدملكم حلو زاكي وشخصيا بحبه كثير لانه بيعتمد على جوز الهند اكثر شي
فهو حلو لمحبين جوز الهند
المقادير
3 كوب جوز هند
نصف كوب طحين
نصف كوب حليب
نصف كوب عصير برتقال
3 بيضات
ثلث كوب زيت نباتي
ملعقة كبيرة باكينج باودر
وملعقة فانيلا
برش برتقالة وهو اختياري
الطريقة
نخفق البيض والزيت والفانيلا مع بعض ونضيف بعدها الحليب ثم العصير
وبعدها جوز الهند والطحين والباكينج باودر اخر شي بعد خلط جميع المقادير
لحتى نحصل على خليط متماسك نوعا ما بندهن صينية بشوية زيت وبعدها بنصب الخليط فيها
وبنقطعها حسب الرغبة وبنكون مشعلين الفرن على درجة 400 وبنشويها مدة 25 دقيقة في الرف الاوسط ممكن تحتاج وقت اقل على حسب بس تغرس فيها السكين وتطلع ناشفة ويكون الوجه محمر بتكون جاهزة بنشربها بالقطر البارد ويكون قوامه غليط وبنرجع بنقطعها وبنقدمها باردة
انا قطعت كل قطعة كبيرة الى اربع وحطيت كل حبة في اوراق الكب كيك الصغار وقدمتها
ان شاء الله تعجبكم
يا ريت يا اخواتي كل واحدة بتشوف الموضوع حتى لو ما كتبت تدعي لاخوي تعينه وترزقه من حيث لا يحتسب
