اللزانيا المكسيكيه ..عشاء سريعه و لذيذه و مصوره

بصراحه اكله ما تحتاج الي مقدمات لانها لذييييذه و سرييييييييييعه و ما بطول عليكم بالكلام


المقادير

لحم مفروم

خبز التورتيا

صلصه الحمرا الي نستخدمه في التاكو و الناتشوز ((احب الي يكون فيها قطع الطماطم و البصل واضحه و كبيره تعطيج احساس انه صنع بيتي ))

جبن ميزوريلا و شيدر مبشور

سور كريم

الطريقه


اول شي حطي اللحمه المفرومه على النار لين تطلع كل الماء الي فيها ..و تبليها بالملح و الفلفل

بعدين ضيفي عليها الصلصه و اخلطيها عدل و تاكدي من طعمها و ظبتي الملح و الفلفل اذا احتاجه ((اسف الصوره ما طلعت واضحه فاستغنيت عنها ))

بعدين هاتي الصحن البايركس الي بتسون فيه حطي شويه صلصله في القاع علشان الخبز ما يحترق



بعدين حطي الخبز



بعدين حطي اللحم المفروم



بعدين الجبن الشيدر و الميزوريلا ..



و اعيدي الطبقات على بعض لين توصلين لاخر البايركس اختميها بخبز و كميه محترمه من الجبن و دخليها الفرن لين يسخن و يذوب الجبن



و قدميها مع الساور كريم مممممم لذييييذ



صوره الطبقات من الجنب


و هني و عافيه

اتمنى تجربونها و تقولون لي رايكم